នេះពិតជាដំណឹងដ៏អស្ចារ្យបំផុតមួយដែលក្រុមហ៊ុន Samsung ដែលបានលក់ចេញនូវស្មាតហ្វូនស៊េរីថ្មីរបស់ខ្លួនបានច្រើនជាង 1.3 លានគ្រឿង នៅក្នុងប្រទេសកូរ៉េខាងត្បូង។ យោងតាមសារព័ត៌មានThe Investor រាយការណ៍ថា ការលក់របស់ស្មាតហ្វូន Galaxy S8 និង Galaxy S8+ បានបំបែកកំណត់ត្រានៅក្នុងប្រទេសកូរ៉េខាងត្បូង។ ជាមួយនិងរបាយកាណ៍ខាងលឿនេះ ត្រូវបានគេដាក់ការប៉ាន់ស្មានថា ស្មាតហ្វូនចំនួន 11000 ទៅ 12000 គ្រឿងរបស់ Galaxy S8/S8+ នេះ ត្រូវលក់ចេញជារៀងរាល់ថ្ងៃដែលចំនួននៃការលក់នេះ នៅមិនទាន់មានស្មាតហ្វូនស៊េរីថ្មីណាមួយរបស់ក្រុមហ៊ុនបច្ចេកវិទ្យាផ្សេងធ្វើបាននៅឡើយទេក្នុងតំបន់អាស៊ីបូព៌ានេះ។ លទ្ធផលដ៏ខ្លាំងក្លានេះ បានធ្វើអោយតម្លៃភាគហ៊ុនរបស់ក្រុមហ៊ុន Samsung Electronics កើនឡើងដល់ទៅ 2123 ដុល្លារអាមេរិចក្នុងមួយហ៊ុន កាលពីថ្ងៃច័ន្ទនេះ។
ខណៈពេលដែលមិនទាន់មានអ្នកណាម្នាក់តវ៉ាទៅនឹងចំនួនតួរលេខនេះ នៃការលក់របស់ក្រុមហ៊ុន Samsung ដែលឈ្នះដាច់នៅក្នុងប្រទេសកូរ៉េខាងត្បូងនេះ ប៉ុន្តែវាប្រហែលជាមានភាពខុសគ្នាតិចតួចពីការលក់នៅលើទីផ្សារអន្តរជាតិ។ កាលពីខែមុននេះ ការលក់ទូទាំងពិភពលោករបស់ស្មាតហ្វូនស៊េរីថ្មីនេះត្រូវគេដឹងថា មានប្រមាណជា 5 លានគ្រឿងដែលចំនួននេះ នៅតិចជាងការលក់របស់ស្មាតហ្វូន Galaxy S7/S7 Edge នៅក្នុងរយៈពេលដូចគ្នាក្នុងឆ្នាំ 2016 ដែលលក់បានរហូតដល់ទៅ 7-9 លានគ្រឿង។ មួយវិញទៀត ក្រុមហ៊ុន Samsung មានរយៈពេលយូរទៀតក្នុងការលក់ស្មាតហ្វូនស៊េរីថ្មីរបស់ខ្លួនរហូតទាល់តែដល់ចុងឆ្នាំនេះក្រុមហ៊ុននិងមិនបង្អង់ដៃនោះទេ ដោយនឹងបន្តរផ្តល់នូជម្រើស និងពណ៌ថ្មីៗបន្ថែមទៀតសម្រាប់ស្មាតហ្វូនត្រកូល Galaxy S របស់ខ្លួន។ បន្ថែមពីនេះទៀត យើងក៏ទំនងអាចនឹងឃើញវត្តមានរបស់ហ្វាប់ប្លេត Galaxy Note 7 ជំនាន់ថ្មី និងហ្វាប់ប្លេត Galaxy Note 8 នៅរយៈពេលប៉ុន្មានខែខាងមុខនេះ៕