នៅមិនដល់បីខែទៀតទេក្រុមហ៊ុន Apple នឹងប្រារព្ធខូបដប់ឆ្នាំនៃការបង្ហាញវត្តមានទូរស័ព្ទ iPhone ហើយយើងក៏រំពឹងទុកថា iPhone 8 ក៏នឹងមកដល់នៅក្នុងព្រឹត្តិការណ៍ 10 ឆ្នាំនេះផងដែរ។ ចឹងយើងសាកស្រមៃបន្តិចមើលថាតើរូបរាងរបស់ iPhone 8 នឹងមានការផ្លាស់ប្តូរទំរងបែបណា ប្រើប្រាស់អេក្រង់ bezel less ដែលអត់ និងបំបាត់ប៊ូតុងហូមដូច Samsung បានធ្វើលើ Galaxy S8/8+ ដែររឺទេខណះដែលព័ត៌មានមួយចំនួន បានលើកឡើងថាក្រុមហ៊ុន Apple នៅតែព្យាយាមប្រើប្រាស់ប៊ូតុង Touch ID នៅលើស្មាតហ្វូនជំនាន់ថ្មីនេះ ដដែល។ ស្របពេលជាមួយគ្នានេះដែរ ក៏មានលេចលឺព័ត៌មានថ្មីមួយទៀតថាក្រុមហ៊ុន LG Innotek ដែលជាបុត្រសម្ព័ន្ធរបស់ក្រុមហ៊ុន LG Electronics គ្រោងផលិតបន្ធះសៀគ្វីដែលអាចបត់បាន (Flexible Printed Circuit Board) ក្នុងឆ្នាំ 2018 សម្រាប់ប្រើនៅលើ iPhone 9។
របាយការណ៍មួយចេញពីកូរ៉េខាងត្បូងនៅថ្ងៃនេះ បាននិយាយថា LG នឹងចាប់ផ្តើមបោះទីតាំងគ្រឹះមួយក្នុងការផលិតបន្ទះសៀគ្គីថ្មីនេះនៅពាក់កណ្តាលឆ្នាំនេះតែម្តង។ ចឹងច្បាស់ហើយថាទូរស័ព្ទ iPhone ជំនាន់ក្រោយៗទៀតនឹងប្រើប្រាស់បន្ទះកញ្ចក់អេក្រង់កោងជាជាងប្រើកញ្ចក់អេក្រង់ធម្មតា។ នៅកូរ៉េខាងត្បូង Samsung បាននាំមុខគេលើវិស័យផលិតបន្ទះសៀគ្គីដែលអាចបត់បានប្រភេទ Samsung Electro Mechanics Flexible Board ដែលពួកវាត្រួវបានប្រើនៅលើទូរស័ព្ទ Samsung Galaxy S6 Edge កាលពីឆ្នាំ 2015។ ហើយកញ្ចក់អេក្រង់កោង Flexible OLED ដែលផលិតឡើងដោយ Samsung ត្រូវបានប្រើនៅលើម៉ូដែលនេះជាលើដំបូងហើយក៏ប្រើបន្ទះសៀគ្គីប្រភេទ Flexible Printed Circuit Board នេះតែម្តង។
ចំពោះក្រុមហ៊ុន Apple វិញ ត្រូវបានគេរាយការណ៍ថា នឹងធ្វើប្តូរទៅប្រើបន្ទះអេក្រង់កោង Flexible OLED សម្រាប់ iPhone 8 នៅឆ្នាំនេះ ដូច្នេះមានន័យថាក្រុមហ៊ុនមួយនេះត្រូវតែប្រើបន្ទះសៀគ្គីប្រភេទ Flexible Printed Circuit Board ទើបវាអាចដំណើរការបាន ព្រោះ បន្ទះសៀគ្គី PCBs ធម្មតាមិនអាចដំណើរការបាននោះទេជាមួយអេក្រង់ប្រភេទកោងនេះ។ ក្រៅតែពីព័ត៌មានចចាមអារ៉ាមដែលថាក្រុមហ៊ុន Apple និងប្រើប្រាស់សៀគ្គីអេក្រង់ប្រភេទ FPCB របស់ LG Innotek នៅឆ្នាំក្រោយក៏មានសេចក្តីរាយការណ៍ផ្សេងទៀតថាទូរស័ព្ទម៉ូដែល iPhone 8 ដែលត្រៀមបង្ហាញខ្លួនក្នុងឆ្នាំនេះនឹងប្រើប្រាស់បន្ទះកញ្ចក់អេក្រង់ប្រភេទ AMOLED ដែលមានម៉ូដែលទំហំអេក្រង់ 5.28 អ៊ីង និង 6.46 អ៊ីងទៀងផង៕