ស្មាតហ្វូនស៊េរីថ្មីរបស់ក្រុមហ៊ុន ASUS ដែលមានឈ្មោះថា ZenFone 4 Selfie បង្ហាញខ្លួននៅលើគេហទំព័ររបស់ GFXBench ។ ជាក់ស្តែង ស្មាតហ្វូន ZenFone 4 Selfie ក៏បង្ហាញខ្លួននៅលើបញ្ជីរបស់ Z01M ផងដែរ។ ការចុះបញ្ជីនៅលើ GFXBench ភាគច្រើន ផ្តោតទៅលើលក្ខណៈសម្បត្តិ Hardware របស់ស្មាតហ្វូន ហើយស្មាតហ្វូនស៊េរីថ្មីនេះដំណើរការប្រព័ន្ធប្រតិបត្តិការ Android Nougat 7.1.1 ហើយវាថែមទាំងដំណើរការជាមួយនឹង ZenUI ថែមទៀត។ ZenFone 4 Selfie នឹងមានអេក្រង់ទំហំ 5.5 អ៊ីង កម្រិតភាពច្បាស់ Full HD 1920x1080 ភិចសែល។
ស្មាតហ្វូនស៊េរីថ្មី ASUS ZenFone 4 Selfie បំពាក់នូវបន្ទះឈីប Qualcomm Snapdragon 625 SoC ដែលមានអង្គគណនាប្រភេទ Octa-Core ក្រាហ្វិកកាតប្រភេទ Adreno 506 GPU សម្រាប់ទ្រទ្រង់នូវកម្មវិធី ឬរ៉េមដែលមានក្រាហ្វិកធំៗ។ GFXBench ទម្លាយអោយដឹងទៀតថា ស្មាតហ្វូននេះនឹងប្រើប្រាស់រ៉េមផ្ទុកទិន្នន័យបណ្តោះអាសន្នទំហំ 4GB និងម៉េមូរីក្នុងម៉ាស៊ីនទំហំ 32GB ។ ទោះជាយ៉ាងណាក៏ដោយ ប្រសិនបើលោកអ្នកត្រូវការម៉េមូរីបន្ថែមនោះ ស្មាតហ្វូននេះ ក៏មានរន្ធដោត microSD កាតបានផងដែរ។ ASUS ZenFone 4 Selfie ភ្ជាប់ជាមួយកាមេរ៉ាខាងក្រោយទំហំ 16 មេហ្គាភិចសែល និងកាមេរ៉ាខាងមុខទំហំ 12 មេហ្គាភិចសែល ហើយកាមេរ៉ាទាំងពីរនេះអាចថតវីដេអូនៅក្នុងកម្រិត 4K ថែមទៀត។ ការប្រើប្រាស់ ASUS ZenFone 4 Selfie គឺជាភស្តុតាងដែលបង្ហាញថា ក្រុមហ៊ុនបច្ចេកវិទ្យានេះ ពិតជាផ្តោតខ្លាំងទៅលើបច្ចេកវិទ្យាកាមេរ៉ាថតរូប Selfies។
ទាំងអស់នេះ គឺជាព័ត៌មានដែលយើងប្រមូល បានពីបញ្ជីរបស់ GFXBench។ បើនិយាយអំពីរឿង Selfies នោះ ក្រុមហ៊ុនបច្ចេកវិទ្យារបស់តៃវ៉ាន់នេះប្រហែលជាព្យាយាមក្នុងការប្រើប្រាស់កាមេរ៉ា a.k.a Selfie ផងដែរ។ ថ្មីៗនេះ ក្រុមហ៊ុនបច្ចេកវិទ្យានេះ ទើបតែដាក់លក់ស្មាតហ្វូន ASUS ZenFone Live ដែលមានរូបរាងស្រស់ស្អាត និងមុខងារថតរូប Live Beautification Mode ផងដែរ។ Live Beautification Mode ពង្រឹងទៅលើការ Live Streams ទៅលើបណ្តាញសង្គម Facebook, Instagram, YouTube និងជាច្រើនទៀត៕
