ថ្មីៗនេះ មានពាក្យចចាមអារ៉ាមជាច្រើន ដែលនិយាយពីការបង្កើតនូវបច្ចេកវិទ្យាស្កែនក្រយ៉ៅដៃបង្កប់ក្រោមអេក្រង់របស់ក្រុមហ៊ុន Apple ប៉ុន្តែលោកអ្នកប្រហែលជាមិននឹកស្មានដល់នោះទេថា បច្ចេកវិទ្យាស្កែនក្រយ៉ៅដៃក្រោមអេក្រង់នេះ បាន បង្ហាញមុនគេដោយក្រុមហ៊ុន Vivo នោះទេ។ សំរាប់ព្រឹត្តិការណ៍ MWC 2017 នៅសៀងហៃ នាពេលដ៏ខ្លីខាងមុនេះ ក្រុមហ៊ុន Qualcomm និងបង្ហាញអំពីបច្ចេកវិទ្យា ultrasonic fingerprint នេះ សម្រាប់ដោះស្រាយទៅលើការស្កែនក្រោមអេក្រង់ ហើយក្រុមហ៊ុន ក៏បង្ហាញអំពីការប្រើប្រាស់បច្ចេកវិទ្យាស្កែនក្រយ៉ៅដៃក្រោមអេក្រង់ទៅលើកញ្ចក់ OLED (មានកម្រាស់ដល់ទៅ 1.2mm) ផងដែរ។ លក្ខណះពិសេសនៃបច្ចេកវិទ្យានេះ ខ្លាំងដោសារវាអាចដំណើរការទៅបាន បើទោះបីជាស្ថិតនៅក្រោមទឹកក៏ដោយ ហើយវាក៏អាចដំណើរការនៅក្រោមលោហៈធាតុ ឬកញ្ចក់បានផងដែរ ដោយគ្រាន់តែវា ត្រូវការកម្រាស់ 800um សម្រាប់កញ្ចក់ និងកម្រាស់ 650um សម្រាប់អាលុយមីញ៉ូម ដែលផ្ទុយពីកម្រាស់ពីមុនត្រឹមតែ 400um ប៉ុណ្ណោះ។
ក្រុមហ៊ុន ក៏និងប្រើប្រាស់ Ultrasonic នេះ ទៅលើផ្នែកខាងក្រោយនៃស្មាតហ្វូនដែលមានតួខ្លួនធ្វើពីលោហធាតុផងដែរ ហើយស្មាតហ្វូននេះ អាចធ្វើការដោះសោរបាននៅក្នុងទឹកថែមទៀតផង។ ការបង្កើតវិធីនៃការដោះសោរនេះ ពិតជាផ្តល់នូវភាពងាយស្រួលនៅក្នុងការថតរូបភាពក្រោមទឹកបានមិនចាំបាចៈបារម្ភទៀតទេ។ ក្រុមហ៊ុន vivo នៅមិនទាន់អាចផ្តល់នូវព័ត៌មានអំពីកាលបរិច្ឆេទដែលយើងនឹងឃើញបច្ចេកវិទ្យានេះនៅលើស្មាតហ្វូនរបស់ពួកគេនោះទេ ប៉ុន្តែយោងតាមការបញ្ជាក់របស់ក្រុមហ៊ុន Qualcomm ដំណោះស្រាយនេះនឹងមានពីរជំហានគឺ “Qualcomm Fingerprint Sensors សម្រាប់កញ្ចក់ និងលោហធាតុ” អាចប្រើប្រាស់បាននៅលើឧបករណ៍បច្ចេកវិទ្យាជាច្រើនដែលប្រើប្រាស់នូវបន្ទះឈីប Snapdragon 660 និង 630 ហើយវានឹងចាប់ផ្តើមដាក់ដំណើរការទៅកាន់ក្រុមហ៊ុនផលិតអេឡិចត្រូនិចនៅក្នុងខែនេះ៕
កន្លងមកក្រុមហ៊ុន Xiaomi បានប្រើប្រាស់បច្ចេកវិទ្យា "Sense ID" របស់ក្រុមហ៊ុន Qualcomm ទៅលើដំណោះស្រាយដូចគ្នាសម្រាប់ស្មាតហ្វូន Mi 5S របស់ខ្លួន តែពេលនេះ គឺដល់ពេលសម្រាប់ក្រុមហ៊ុន Vivo ធ្វើការនេះវិញម្តងហើយ។ នៅក្នុងស្តង់របស់ក្រុមហ៊ុន Vivo នៅលើ Xplay6 បានបំពាក់នូវប្រព័ន្ធស្កែនក្រយ៉ៅដៃបង្កប់ក្រោមអេក្រង់របស់ក្រុមហ៊ុន Qualcomm។ ហើយនៅក្នុងការបង្ហាញអំពីបច្ចេកវិទ្យាស្កែនក្រយ៉ៅដៃក្រោមអេក្រង់នេះ គឺវាស្ថិតនៅលើប៊ូតុង Home ហើយវាពិតជាដំណើរការបានយ៉ាងរលូនបំផុត។ មានការនិយាយថា ប្រព័ន្ធស្កែនក្រយ៉ៅដៃបង្កប់ក្រោមអេក្រង់ថ្មី មានល្បឿនយឺតបន្តិច នៅក្នុងការដោះសោរទៅលើស្មាតហ្វូន វាប្រើពេលវេលាប្រហែលជា 1 វិនាទីនៅក្នុងការចូលទៅកាន់ Home Screen។
