កាលពីថ្ងៃចន្ទនេះ ក្រុមហ៊ុន Canon នៅក្នុងប្រទេសឥណ្ឌា បាននាំយកនូវកាមេរ៉ាស៊េរីថ្មី 'EOS 6D Mark II' ដែលជាប្រភេទកាមេរ៉ាថ្មីនៃគ្រួសារត្រកូល 'EOS full-frame DSLR' របស់ខ្លួនដ៏ទំនើបបំផុតចូលទៅកាន់ទីផ្សារប្រទេសឥណ្ឌា នៅក្នុងគោលដៅក្នុងការនាំយកនូវកាមេរ៉ាដែលបំពាក់នូវសែនស័រល្អឥតខ្ចោះក្នុងការថតរូប។ កាមេរ៉ាស៊េរីថ្មីនេះ គឺភ្ជាប់ជាមួយនឹងសែនស័រ 26.2 មេហ្គាភិចសែល ប្រភទេ Full Frame CMOS Sensor ដែលផ្តល់នូវរូបភាពភ្លឺច្បាស់ និងរឹតែពិសេស សំរាប់ការថតរូបភាពនៅកន្លែងដែលមានកម្រិតពន្លឺទាប ហើយបច្ចេកវិទ្យា 'Dual Pixel CMOS AF' របស់ កាមេរ៉ាថ្មីនេះ ក៏អាចផ្តល់នូវលក្ខណៈពិសេសនៅក្នុងការថតប្រភេទ 'Live View' mode ថែមទៀតផង។
កាមេរ៉ា 'EOS 6D Mark II' ដាក់លក់នៅក្នុងតម្លៃ 132, 995 រ៉ូពី (Body) និងកែវម៉ាស៊ីនប្រភេទ 'EF 24-70mm f/4L IS USM' lens មានតម្លៃ 184,995 រ៉ូពី និង 'EF 24-105mm f/4L IS II USM' lens មានតម្លៃ 202,995 រ៉ូពី។ ក្រុមហ៊ុន Canon នៅក្នុងប្រទេសឥណ្ឌា បានបញ្ជាក់ថា កាមេរ៉ាស៊េរីថ្មីទំនើបមួយនេះ មានសមត្ថភាពអាចភ្ជាប់ជាមួយនឹងមុខងារពិសេសៗ ជាច្រើនសម្រាប់ការថតរូបភាពល្អឥតខ្ចោះ ជាមួយនឹងការប្រើប្រាស់មុខងាររបស់ full-frame DSLR functions ហើយវាមានទម្ងន់ស្រាលងាយស្រួលកាន់ថែមទៀតផង។
លោក Kazutada Kobayashi អគ្គនាយក និង CEO របស់ក្រុមហ៊ុនបច្ចេកវិទ្យា Canon នៅក្នុងប្រទេសឥណ្ឌានិយាយនៅក្នុងសេចក្តីថ្លែងការណ៍ថា “នៅក្នុងក្រុមហ៊ុនបច្ចេកវិទ្យា Canon យើងតែងតែផ្តោតសំខាន់ទៅលើការផ្តល់នូវបច្ចេកវិទ្យាចុងក្រោយបំផុតសម្រាប់អតិថិជនរបស់យើងាមួយនឹងរបកគំហើញថ្មីជាច្រើនដ៏អស្ចារ្យ។ ក្នុងការនាំយកនូវកាមេរ៉ាថ្មីបន្តពីកាមេរ៉ា EOS 6D វាគឺជាលើកតំបូងបំផុតដែលយើងបង្កើតនូវអេក្រង់ LCD នៅលើាកាមេរ៉ាប្រភេទ full-frame DSLR នោះ។ ជាមួយនឹងការចាប់ផ្តើមនៃរបកគំហើញផលិតផលជាច្រើន យើងព្យាករណ៍ថាការលក់កាមេរ៉ា DSLR នឹងមានការកើនឡើង 50% នៅចុងឆ្នាំនេះ។” កាមេរ៉ាថ្មីនេះភ្ជាប់ជាមួយនឹងអេក្រង់ទំហំ 3 អ៊ីងជាមួយនឹង touch-screen LCD monitor រួមនឹងសែនស័រ 7560 pixel (RGB+IR) និងមុខងារ colour detection AF ដែលផ្តល់ពន្លឺផ្សេងគ្នានៅក្នុងការថតរូប។
លោក Eddie Udagawa អនុប្រធានរបស់ផ្នែក Consumer Imaging and Information Centre នៃក្រុមហ៊ុន Canon ក្នុងប្រទេសឥណ្ឌា បាននិយាយទៅកាន់អ្នកសារព័ត៌មានថា “នៅក្នុងការប្រើប្រាស់ Full-Frame Sensor នេះ កាមេរ៉ា EOS 6D Mark II ភ្ជាប់ជាមួយនឹងមុខងារ Dual Pixel CMOS AF និង vari-angle touch panel នឹងផ្តល់នូវបទពិសោធន៍ថ្មីកម្រិត Full-Frame នៅក្នុងវិធីថ្មីមួយដែលគួរអោយចាប់អារម្មណ៍បំផុត។” ថាមពលថ្មរបស់កាមេរ៉ាថ្មីនេះអាចប្រើប្រាស់បានយូរច្រើនម៉ោងជាងដោយសារតែវាប្រើប្រាស់នូវថាមពលថ្មប្រភេទ LP-E6N ចំនួនពីរបន្ទះ។ កាមេរ៉ា 'EOS 6D Mark II' ទ្រទ្រង់នូវការប្រើប្រាស់ Wi-Fi និង NFC Connectivity សម្រាប់អ្នកប្រើប្រាស់ដើម្បីធ្វើការផ្ទេររូបភាព និងវីដេអូចេញពីកាមេរ៉ាទៅកាន់ឧបករណ៍ផ្សេងទៀត ឬធ្វើការ Uploads រូបភាពទាំងនោះទៅកាន់ 'Canon Image Gateway' បណ្តាញសង្គម ឬ Cloud Storage ៕
