នៅក្នុងយុគសម័យនៃការផ្លាស់ប្តូររូបរាងស្មាតហ្វូនកាន់តែទំនើប និងស្ទាយថ្មីកាន់តែប្លែកនោះ ក្រុមហ៊ុន SUGAR បាននាំយកនូវផលិតផលស្មាតហ្វូនជាច្រើនស៊េរីម៉ូដែលដ៏ស្រស់ស្អាតចូលប្រកួតប្រជែងនៅលើទីផ្សារផងដែរ។ អ្វីដែលកាន់តែអស្ចារ្យសម្រាប់ស្មាតហ្វូនរបស់ក្រុមហ៊ុន SUGAR នោះ គឺវានាំយកនូវគុណភាពរូបភាពភ្លឺច្បាស់ត្រជាក់ភ្នែក មិនបែកព្រាកនោះទេ។ សូមជំរាបថា SUGAR ទើបតែបង្ហាញស្មាតហ្វូនស៊េរីថ្មីចំនួន 3 ស៊េរីម៉ូដែលគឺ S9, F9 និង Y9 នៅលើទីផ្សារ ប៉ុន្តែឥឡូវនេះក្រុមហ៊ុន បាននាំយកនូវស្មាតហ្វូនស៊េរីថ្មីមួយម៉ូដែលទៀតនោះគឺ Sugar F11 ដែលពិតជាពិសេសមែនទែន។
ស្មាតហ្វូន Sugar F11 មានភ្ជាប់ជាមួយនឹងប្រព័ន្ធកាមេរ៉ាភ្លោះដ៏អស្ចារ្យ ដែលអាចផ្តិតរូបភាពស្រស់ស្អាតបំផុត។ នៅក្នុងការបង្ហាញវត្តមានរបស់ស្មាតហ្វូន Sugar F11 គេសង្កេតឃើញមានការចូលរួមរបស់តារាល្បីឈ្មោះជាច្រើនដូចជា Deng Ziqi, Wang Dongcheng, Lin Yilun, Yang Di ដែលបានធ្វើតេស្ត និងកាន់ស្មាតហ្វូននេះយ៉ាងទាក់ទាញបំផុត។ ស្មាតហ្វូន Sugar F11 នឹងានបានប្រកាសបង្ហាញវត្តមានជាផ្លូវការនៅថ្ងៃទី 22 ខែកក្កដាកន្លងទៅនេះ។ បើធៀបជាមួយនឹងស្មាតហ្វូនជំនាន់មុនៗ ស្មាតហ្វូនស៊េរីថ្មី Sugar F11 មានលក្ខណៈខុសប្លែកដោយសារតែ បច្ចេក វិទ្យាកាមេរ៉ារបស់វាគឺប្រើប្រាស់ប្រព័ន្ធកាមេរ៉ាភ្លោះនៅផ្នែកខាងក្រោយ។
ស្មាតហ្វូន Sugar F11 បំពាក់ជាមួយនឹងកាមេរ៉ាខាងមុខ ដែលមានសមត្ថភាពក្នុងការចាប់រូបភាពបានច្បាស់ដល់ទៅ 16 លានភិចសែល ម៉េមូរីក្នុងម៉ាស៊ីនទំហំ 64GB រ៉េមផ្ទុកទិន្នន័យបណ្តោះអាសន្នទំហំ 4GB អេក្រង់ 5.5 អ៊ីញកម្រិតភាពច្បាស់ 1080P និងបន្ទះឈីប 8-Core Processor។ ស្មាតហ្វូន Sugar F11 ទ្រទ្រង់ថាមពលថ្មកម្លាំង 3000mAh បច្ចេកវិទ្យាស្កែនក្រយ៉ៅដៃ និងមានច្រើនពណ៌សម្រាប់ជ្រើសរើសគឺពណ៌ទឹកក្រូច ពណ៌ខៀវ ពណ៌មាស ពណ៌ប្រផេះ និងពណ៌ជាច្រើនទៀត
កាមេរ៉ារបស់ស្មាតហ្វូន Sugar អាចថតនៅក្នុងកម្រិតគុណភាពច្បាស់ដល់ទៅ 15 លានភិចសែល និងអាចធ្វើការពង្រីកទៅកាន់ផ្នែកល្អិតបានដល់ទៅ 22 ដង ដែលរូបភាពនៅតែច្បាស់ធម្មតា។ បើធៀបជាមួយនឹងកាមេរ៉ារបស់ស្មាតហ្វូនក្រុមហ៊ុនប្រកួតប្រជែងផ្សេងនោះ ស្មាតហ្វូនរបស់ក្រុមហ៊ុន SUGAR ពិតជាបំពាក់នូវប្រព័ន្ធកាមេរ៉ាល្អលើសគេគ្មានគូប្រៀបនោះទេ។ អ្វីដែលរឹតតែទាក់ទាញចិត្តអ្នកប្រើប្រាស់ទៀតនោះ ស្មាតហ្វូន Sugar F11 ទទួលបានវិញ្ញាបណ្ណបត្រផ្លូវការពីក្រសួងឧស្សាហកម្មផងដែរ៕
