JPMorgan បាននិយាយនៅពេលថ្មីៗនេះថា ទូរស័ព្ទ Apple iPhone Pro ដែលគ្រប់គ្នាសំដៅទៅលើទូរស័ព្ទ iPhone 8 និងមិនមានការពន្យារពេលនៃការប្រកាសបង្ហាញវត្តមាននោះទេ។ ទូរស័ព្ទ iPhone ជំនាន់ថ្មីរបស់ក្រុមហ៊ុន Apple មួយនេះ នឹងបង្ហាញខ្លួនទាន់ពេលវេលា ប៉ុន្តែវាមានចំនួនផ្គត់ផ្គង់ក្នុងបរិមាណកំណត់នៅឡើយ។ យោងតាមរបាយការណ៍ជាច្រើន បានបញ្ជាក់ថា ទូរស័ព្ទ iPhone ស៊េរីថ្មី និងមិនទាន់បង្ហាញវត្តមាននោះទេ ប្រហែលជាត្រូវរង់ចាំរហូតដល់ខែតុលា ឬខែធ្នូដោយសារតែក្រុមហ៊ុន Apple ជួបប្រទះបញ្ហាជាច្រើនក្នុងការបំពាក់នូវបច្ចេកវិទ្យាស្កែនក្រយ៉ៅដៃបង្កប់ក្រោមអេក្រង់ទូរស័ព្ទ។
លោក Rod Hall ដែលជាអ្នកនាំពាក្យរបស់ JPMorgan និយាយថា “អ្វីដែលសំខាន់នោះ យើងនៅមិនទាន់ជឿនោះទេថា កាលបរិច្ឆេទនៃការផលិតរបស់ក្រុមហ៊ុន Apple នឹងធ្វើការផ្លាស់ប្តូរដែលនាំអោយមានការពន្យារពេលនៃកាលបរិច្ឆេទនៃការប្រកាសវត្តមានទូរស័ព្ទស៊េរីថ្មីនោះ។ ក្រុមហ៊ុន Apple នឹងបង្ហាញទូរស័ព្ទថ្មីនៅក្នុងរដូវផ្ការីកខាងមុខនេះ។ យើងរំពឹងថា ក្រុមហ៊ុន Apple និងបង្ហាញស៊េរី Pro នៅក្នុងខែកញ្ញា ហើយការបង្កើនការផលិតទ្រង់ទ្រាយធំ គឺចាប់ពីខែតុលារហូតដល់ការសម្រេចគោលដៅចុងក្រោយគឺនៅចុងខែតុលា និងដើមខែវិច្ឆិកា។
ក្រុមហ៊ុន Apple បានបញ្ជាក់ថា ទូរស័ព្ទ iPhone នឹងមានតម្លៃកាន់តែថ្លៃដោយសារតែតម្លៃនៃផលិតកម្ម គឺខ្ពស់ ហើយវាមានការកើនឡើងតម្លៃរហូតដល់ទៅ $100 ដែលធ្វើអោយទូរស័ព្ទ iPhone មានតម្លៃរហូតដល់ទៅ $1100 ។ ទូរស័ព្ទ iPhone ស៊េរីថ្មីនេះ នៅមិនទាន់ដឹងថា មានឈ្មោះហៅ iPhone 8 ឬ iPhone Pro នោះទេ ប៉ុន្តែទូរស័ព្ទនេះ ត្រូវបានគេរំពឹងថា ស្មាតហ្វូននេះ នឹងបំពាក់នូវមុខងារពិសេសៗជាច្រើនរួមមានអេក្រង់ OLED ប្រព័ន្ធ Wireless Charging និងប្រព័ន្ធស្កែនមុខ (Face Recognition) ផងដែរ៕