តើលោកអ្នកគួរធ្វើរបៀបណា ដើម្បីអោយស្មាតហ្វូនរបស់លោកអ្នកមានសុវត្ថិភាព និងសន្សំចៃថាមពលថ្មពេលកំសាន្តនៅមាត់សមុទ្រ

ជាការពិតណាស់ ដំណើរកម្សាន្តរបស់អ្នកនៅតាមឆ្នេរខ្សាច់នៃមាត់សមុទ្រពិតជាអស្ចារ្យ តែអ្នកត្រូវគិតដល់របៀបក្នុងការប្រើប្រាស់ទូរស័ព្ទរបស់អ្នក ជៀសវាងធ្វើយ៉ាងណាកុំឲ្យមានការប៉ះពាល់ដល់ទូរស័ព្ទ ពិសេសកញ្ចក់អេក្រង់តែម្តង តាមរយៈអាកាសធាតុ ឬពន្លឺ ថ្ងៃខុសប្លែកពីគ្នា នៃតំបន់ទាំងនោះ។ គួរបញ្ជាក់ថា កម្រិតពន្លឺ គឺពិតជាសំខាន់បំផុត សម្រាប់ប្រើប្រាស់ ពិសេសប្រសិនបើកម្រិតពន្លឺនៃព្រះអាទិត្យខ្លាំងពេក អាចធ្វើឲ្យប៉ះពាល់ដល់ថាមពលថ្ម និងប៉ពាល់ដល់ភ្នែករបស់អ្នកថែមទៀតផង ហើយសម្រាប់អ្នកដែលប្រើប្រាស់វែនតា កាន់តែមានការប៉ះពាល់ខ្លាំងជាងធម្មតាទៅទៀត ដូច្នេះ លោកអ្នក ត្រូវតែចូលទៅសារ៉េកម្រិតពន្លឺក្នុងទូរស័ព្ទ គឺល្អបំផុត សម្រាប់ភ្នែករបស់អ្នក ដោយអ្នកអាចកំណត់កម្រិតពន្លឺជា Auto Brightness ដែលអាចឲ្យទូរស័ព្ទធ្វើការពន្លឺដោយស្វ័យប្រវត្តិតែម្តង។ 

ក្រោមនេះ គឺជាវិធី ក៏ដូចជាដំនណោះស្រាយមួយចំនួនទៀត ដែលលោកអ្នកគួរតែសាកល្បងប្រើប្រាស់៖

1.Anti-glare covers, screens ៖ ការប្រើប្រាស់ស្រ្គីនកញ្ចក់ការពារបន្ថែមពីលើអេក្រង់ គឺពិតជាល្អបំផុត សម្រាប់ការប្រើប្រាស់ទូរស័ព្ទរបស់អ្នក ពេលដែលអ្នកធ្វើដំណើរកម្សាន្តទៅកាន់សមុទ្រ ព្រោះវាជួយការពារពីចំណាំងផ្លាតនៃពន្លឺព្រះអាទិត្យបានយ៉ាងគាប់ចិត្ត ហើយវាមានតម្លៃសមរម្យត្រឹមតែ 10 ដុល្លារ ឬលើសពីនេះបន្តិចបន្ទួចប៉ុណ្ណោះ។ 

2.Play with Accessibility settings ៖ លោកអ្នកក៏អាចប្រើវិធីទីពីរនេះ បាន ដោយគ្រាន់តែចូលទៅកាន់ Setting ប្រើប្រាស់មុខងារ Accessibility ដើម្បីកំណត់ពីកម្រិតពន្លឺ និងអាចប្រើប្រាស់ជាពន្លឺស ឬខ្មៅបានយ៉ាងល្អប្រសើរ ដែលអាចផ្តល់ជូននៅផលប្រយោជន៍ជាច្រើនសម្រាប់អ្នក ដូចជា ការអាន ការសរសេរ មានភាពច្បាស់ល្អបំផុត។ គួរបញ្ជាក់ផងដែរថា ជម្រើសក្នុងការប្រើប្រាស់កាន់តែល្អ លោកអ្នកអាចប្រើប្រាស់នូវមុខងារបញ្ជាដោយសម្លេង តាមរយៈមុខងារ Personal Assistanrt ដោយប្រើលើ Siri ឬ Google Assistant ជំនួសឲ្យការប្រើប្រាស់ការចុចអក្សរលើអេក្រង់ ប្រសិនបើអ្នកមិនអាចមើលឃើញច្បាស់។

3.Better screens for outside ៖ ចំណុចនេះ ត្រូវបានគេគិតដល់បណ្តាក្រុមហ៊ុនបច្ចេកវិទ្យាមួយចំនួន ដែលតែងតែផលិតចេញនូវផលិតផលថ្មីៗ សម្រាប់ប្រើប្រាស់ជាមួយទូរស័ព្ទ ដែលអាចហៅបានថា Accessary ហើយក៏មានក្រុមហ៊ុនមួយចំនួនទៀត បានផលិតចេញនូវកញ្ចក់អេក្រង់ល្អៗ ដូចជាប្រភេទ IPS , AMOLED ជាដើម។ ហើយក្រុមហ៊ុនទាំងនោះ ក៏បាននិយាយថា ប្រិយមិត្តមិនចាំបាច់រកទិញនូវទូរស័ព្ទ ដែលអាចប្រើប្រាស់សម្រាប់តែដំណើរខាងក្រៅ តែវាក៏មានទូរស័ព្ទស្មាតហ្វូនជាច្រើនម៉ូដែល ក្នុងពេលបច្ចុប្បន្ននេះ ដែលមានសមត្ថភាពខ្ពស់ក្នុងការបំពេញតម្រូវការរបស់អ្នកប្រើប្រាស់បានយ៉ាងពេញចិត្តផងដែរ។

4.Get out of the sun ៖ សូមព្យាយាមរកកន្លែង ដែលមានម្លប់ឬស្រមោល ប្រសិនបើអ្នកចង់មើលអេក្រង់ទូរស័ព្ទរបស់អ្នកឲ្យបានច្បាស់ល្អ អ្នកគួរតែរកកន្លែងណា ដែលគេចចេញផុតពីពន្លឺព្រះអាទិត្យបាន ដើម្បីបំពេញកិច្ចការងារដែលសំខាន់ៗ ព្រោះថា ប្រសិនបើអ្នកប្រើប្រាស់ទូរស័ព្ទទាំងស្រពិចស្រពិល ធ្វើឲ្យការឆ្លើយតប អាចមានភាពយឺតយ៉ាវ និងអាចមានកំហុងផងដែរ ។ ដូច្នេះ ដើម្បីឲ្យការប្រើប្រាស់បានកាន់តែល្អប្រសើរជាងមុន គួរតែគេចចេញពីពន្លឺព្រះអាទិត្យ Get out of the sun៕