ចំពោះអ្នកដែលចូលចិត្តលេងហ្គេមកម្សាន្តច្បាស់ជាដឹងហើយពីឧបករណ៍លេងហ្គេមរបស់ក្រុមហ៊ុនបច្ចេកវិទ្យា SONY របស់ជប៉ុនគឺ PlayStation ដែលបានវិវត្តន៍ខ្លួនដល់ជំនាន់ទីបួនរួចមកហើយ “PlayStation 4” ដែលមានគុណសម្បត្តិពិសេស សមត្ថភាពខ្លាំង និងភ្ជាប់មកជាមួយនឹងហ្គេមល្បីៗសម្រាប់លេងកម្សាន្តរាប់មិនអស់។ ហើយពេលនេះក៏មានលេចលឺដំណឹងល្អមួយសម្រាប់ FAN របស់ PlayStation គឺថាក្រុមហ៊ុនសូនីបានត្រៀមខ្លួនបង្ហាញចេញឧបករណ៍ថ្មីមួយទៀតដែលមានឈ្មោះថា “PlayStation VR” ដែលជាឧបករណ៍លេងហ្គេមស៊េរីថ្មីបំផុតរបស់ SONY។
តាមប្រភពច្បាស់ការពីគណនីធ្វីស្ទ័រមួយឈ្មោះថា @AaronIsSocial បានឲ្យដឹងថា ឧបករណ៍លេងហ្គេមថ្មីដែលមានឈ្មោះថា “PlayStation VR” របស់ក្រុមហ៊ុន SONY នឹងប្រកាសចេញជាផ្លូវការណ៍ដំបូងនៅថ្ងៃទី 13 ខែតុលា ខាងមុខនេះនៅទីផ្សារអាមេរិកខាងជើង។ ហើយPlayStation VR នេះនឹងដាក់លក់ក្នុងតម្លៃ $400 ដែលតម្លៃនេះមិនរាប់បញ្ចូលតម្លៃរបស់ PlayStation Camera ឬក៏ឧបករណ៍ Move Controller ដែលមានតម្លៃ $60 នោះទេ។
ចំនែកក្រុមហ៊ុន SONY វិញបានបង្ហើបឲ្យដឹងដែរថា ក្រុមហ៊ុនសន្យាថានឹងបញ្ចូលហ្គេមថ្មីប្រហែល 50 ហ្គេមក្នុងប្រព័ន្ធឧបករណ៍ថ្មីនេះនៅជិតដំណាច់ឆ្នាំ 2016។ នេះជាដំណឹងល្អបំផុតសម្រាប់អ្នកដែលនិយមចូលចិត្តលេងហ្គេម ហើយពួកគេនឹងទទួលបានបទពិសោធន៍ថ្មីក្នុងការលេងហ្គេមដោយពាក់ឧបរកណ៍នៅលើក្បាលជំនូសការលេងហ្គេមដោយប្រើផ្ទាំងកញ្ចក់ LCD និងបញ្ជាដោយប្រើដៃហ្គេម “Game Console”៕