ដូចអ្វីដែលលោកអ្នកបានដឹងហើយថា ក្រុមហ៊ុនបច្ចេកវិទ្យាយក្ស Microsoft មិនបញ្ឈប់ការប្រើប្រាស់នូវបច្ចេកវិទ្យាឆ្លាតវៃ AI (Artificial Intelligence) ត្រឹមតែតាមរយៈការជំនួយការសំឡេង (Voice Assistants) នោះទេ។ បើតាមប្រភពពី Redmonds បានទម្លាយឱ្យដឹងថា កម្មវិធី Office 365 ប្រើប្រាស់នូវមូលដ្ឋាននៅលើពពក (Cloud) ដោយប្រើប្រាស់នូវបច្ចេកវិទ្យា AI សម្រាប់ដំណើរការនូវភារកិច្ចជាច្រើន។
ឧទាហរណ៍ អ្នកអាចចុច Tap សម្រាប់កម្មវិធី Word និង Outlook ដែលបង្ហាញនូវមាតិកាចេញពីក្រុមហ៊ុនរបស់អ្នកដើម្បីជួយបញ្ជប់នូវគម្រោង។ ចំនែកកម្មវិធី PowerPoint និង Sway នឹងប្រើប្រាស់នូវមុខងារ QuickStarter សម្រាប់ជួយលោកអ្នករៀងចំនូវគ្រោងសម្រាប់ប្រធានបទរបស់អ្នក ហើយអាចធ្វើការរក្សាទុកបាននៅពេលដែលអ្នកមានបញ្ហាក្នុងការបង្កើតនូវឯកសារសម្រាប់ធ្វើបទបង្ហាញ។ ចំនែកកម្មវិធី Excel វិញរឹតតែអស្ចារ្យដែលអាចធ្វើការប្រែក្លាយទិន្នន័យឆៅនៅក្នុងភូមិសាស្ត្រទៅដាក់នៅក្នុងផែនទីភូមិសាស្ត្រ Bing ។
ផ្នែកមួយចំនួននៃបច្ចេកវិទ្យាឆ្លាតវៃទាំងនេះបានដាក់ឱ្យដំណើរការហើយ ទោះបីជាអ្នកត្រូវការពេលវេលាបន្តិចក្នុងការរង់ចាំរហូតទាល់តែឆ្នាំក្រោយដើម្បីទទួលបានលក្ខណៈពេញលេញសម្រាប់ការប្រើប្រាស់ទៅលើកម្មវិធី Excel និង PowerPoint ។
វាមានផ្នែកជាច្រើនទៀតដែលប្រើប្រាស់នូវបច្ចេកវិទ្យា AI ផងដែរ។ ការលក់នូវសេវាកម្ម Dynamics 365 របស់ក្រុមហ៊ុន Microsoft នឹងប្រើប្រាស់នូវបច្ចេកវិទ្យា AI ដើម្បីនាំយកនូវទិន្នន័យដែលពាក់ព័ន្ធ ជាពិសេសការលក់នៅក្នុងទិសដៅដ៏ត្រឹមត្រូវបំផុតនៅពេលដែលពួកគេចាប់ផ្តើមធ្វើកិច្ចព្រមព្រៀងនោះ។ ក្រុមនេះនេះក៏កំពុងតែប្រើប្រាស់នូវបច្ចេកវិទ្យា AI Agent សម្រាប់ Call Center នៅក្នុងសហរដ្ឋអាមេរិចដើម្បីជួយបុគ្គលិកឆ្លើយសំណួររបស់លោកអ្នកថែមទៀតផង។ ខណៈពេលដែលលោកអ្នកប្រហែលជាមិនបានដឹងពីការ Upgrades ទៅលើកម្មវិធី Office ជាច្រើននោះ ក្រុមហ៊ុនបច្ចេកវិទ្យាយក្សមួយនេះមើលឃើញថាការរៀនដោយប្រើប្រាស់នូវម៉ាស៊ីន (Machine Learning) ពិតជាមានសារៈសំខាន់ខ្លាំងនៅក្នុងផ្នែកជាច្រើននៃពិភពលោករបស់កុំព្យូទ័រ៕