ទូរស័ព្ទស្មាតហ្វូនស៊េរីថ្មីបំផុតរបស់ក្រុមហ៊ុន LG Electronics ដែលបានកំណត់មូលដ្ឋានមានសមត្ថភាពច្រើនកាន់តែអស្ចារ្យនឹងមកដល់ដៃរបស់អតិថិជននៅក្នុងសប្តាហ៍នេះហើយ។ ទូរស័ព្ទ LG V20 នឹងចេញលក់ជាសាធារណៈនៅក្នុងក្រុមហ៊ុន LG របស់ខ្លួននៅក្នុងប្រទេសកូរ៉េខាងត្បូង ចំនែកបណ្តាទីផ្សារប្រទេសសំខាន់ៗជាច្រើនទៀតដូចជាអាមេរិចខាងជើង អាស៊ី អាមេរិចឡាទីន និងមជ្ឈឹមខាងកើត (Middle East) នៅក្នុងរយៈពេលប៉ុន្មានសប្តាហ៍ក្រោយទៀត។
ចាប់តាំងពីការបង្ហាញវត្តមានជាសាធារណៈកាលពីដើមខែនេះ ទូរស័ព្ទ LG V20 បានប្រមូលនូវការគាំទ្របានយ៉ាងពេញទំហឹង (ការប្រតិកម្មវិជ្ជមាន) ពីខាងក្នុងឧស្សាហកម្មនេះដែលកោតសរសើរពីការរចនាម៉ូដយ៉ាងស្រស់ស្អាតទាក់ទាញ និងបំពាក់នូវលក្ខណៈសម្បតិ្តអស្ចារ្យជាច្រើនទៀត។ ទូរស័ព្ទ LG V20 ត្រូវបានបង្កើតឡើងសម្រាប់អ្នកប្រើប្រាស់ដែលចង់បាននូវរូបរាងថ្មីដ៏ស្រស់ស្អាត និងការប្រកួតប្រជែងទៅលើគុណភាពនៃសំឡេង និងវីដេអូថែមទៀត។
នៅពេលដែលលោកអ្នកចាប់ផ្តើមការថតវីដេអូ បច្ចេកវិទ្យា Steady Record 2.0 សម្រាប់ធ្វើការគ្រប់គ្រងទៅលើរូបភាពរង្គើរដោយប្រើប្រាស់នូវមុខងារ EIS (Electronics Image Stabilization) ភ្ជាប់ជាមួយនឹង CPU ប្រភេទ Qualcomm Snapdragon 820 រួមទាំងមុខងារ DIS (Digital Image Stabilization) ក្រោយពេលដំណើរការរួចរាល់។ ដោយសារគុណភាពវីដេអូខ្ពស់ត្រូវការកម្រិតគុណភាពសំឡេងខ្ពស់ដែរនោះ ប្រព័ន្ធសំឡេងរបស់ទូរស័ព្ទ LG V20 ប្រើប្រាស់នូវ 24-bit/48 KHz Linear Pulse Code Modulation (LPCM) សម្រាប់ផ្តល់នូវគុណភាពស៊ីគ្នាទៅនឹងកម្រិតនៃវីដេអូ។
ទូរស័ព្ទ LG V20 មិនត្រឹមតែធ្វើការថតនូវគុណភាពសំឡេង Hi-Fi Audio ប៉ុណ្ណោះទេថែមទាំងទ្រទ្រង់នូវ Hi-Fi Quad DAC សម្រាប់ធ្វើការកាត់បន្ថយនូវសំឡេងរំខានបានដល់ទៅ 50 ភាគរយដែលជាមុខងារតំបូងបំផុតនៅលើស្មាតហ្វូន។ ការប្រើប្រាស់នូវ HD Audio Recorder របស់វាផ្តល់ឱ្យអ្នកប្រើប្រាស់នូវការបង្កើតនូវការថតគុណភាពសំឡេងដោយប្រើប្រាស់នូវម៉ៃក្រូហ្វូន Acoustic Overload Point (AOP) ជាមួយនឹងកម្រិតហ្វ្រេកង់ Dynamic ទៀត។ ក្នុងការបង្កើតនូវប្រព័ន្ធសំឡេងសម្រាប់ទូរស័ព្ទ LG V20 នេះ ក្រុមហ៊ុន LG បានសហការជាមួយនឹងក្រុមហ៊ុន B&O PLAY របស់អ៊ឺរ៉ុបសម្រាប់ផ្តល់នូវគុណភាពសំឡេងល្អលើសគេដែលជាគំនិតច្នៃប្រឌិតថ្មីដែលមិនធ្លាប់មានផងដែរ។
ទូរស័ព្ទ LG V20 ប្រើប្រាស់នូវកាមេរ៉ាមុខដែលអាចលំងាកបានមុំកម្រិត 120 ដឺក្រេ និងកាមេរ៉ាខាងក្រោយដែលលំងាកបានមុំកម្រិត 135 ដឺក្រេ។ អ្វីដែលរឹតតែពិសេសជាងនេះទៀតនោះ មុខងារ Hybrid Auto Focus បានផ្តល់នូវរូបភាពកាន់តែប្រសើរអស្ចារ្យជាមួយនឹងការថត Auto Shot Selfies និងការប្រើប្រាស់មុខងារ Face Detection ផងដែរ។
ទូរស័ព្ទ LG V20 គឺជាស្មាតហ្វូនដំបូងបំផុតក្នុងលោកដែលបំពាក់នូវប្រព័ន្ធប្រតិបត្តិការ Android 7.0 Naugat ហើយវាជាស្មាតហ្វូនដំបូងគេដែលប្រើប្រាស់នូវកម្មវិធីថ្មីបំផុតរបស់ Google គឺ In Apps សម្រាប់ធ្វើការស្វែងរកកាន់តែអស្ចារ្យ។ ទូរស័ព្ទ LG V20 នេះមានទម្រង់ស្រាល និងមានស្រោបដោយអាលុយមីញ៉ូម AL6013 ខណៈពេលដែលផ្នែកខាងលើនឹងខាងក្រោមប្រើប្រាស់នូវ Silicone Polycarbonate (Si-PC) ដែលធន់រឹងម៉ាំ ហើយឆ្លងកាត់ការតេស្តសាកល្បងថែមទៀតនៅសហរដ្ឋអាមេរិច។
ដើម្បីធ្វើឱ្យទូរស័ព្ទនេះកាន់តែអស្ចារ្យជាងនេះទៀត វាបានបន្ថែមនូវមុខងារថ្មីមួយទៀតឈ្មោះថា Signature Wallpaper សម្រាប់ធ្វើការស្គាល់នូវតួអក្សរតំបូងនៃអត្ថបទដែលបានវាយនៅលើអេក្រង់ ហើយថែមទាំងផ្តល់នូវការប្រមូលផ្តុំនៃការរចនាម៉ូដផ្ទាំង Wallpapers ដែលបង្ហាញរួមមានតួអក្សរចាប់ផ្តើម លេខ និងសញ្ញានៅលើ Lock Screen Wallpaper របស់ទូរស័ព្ទផងដែរ។ (អ្នកអាចធ្វើការទស្សនាតាមរយៈតំណរ៖ http://youtu.be/n9ew9zTQl3E បាន)
លោក Juno Cho ដែលជាប្រធានក្រុមហ៊ុន LG Electronics និងក្រុមហ៊ុន Mobile Communications Company បាននិយាយថា “នៅថ្ងៃនេះ អ្នកប្រើប្រាស់មិនត្រឹមតែអាចប្រើប្រាស់នឹងចែករំលែកភាពអស្ចារ្យជាច្រើននោះទេ ប៉ុន្តែពួកគេថែមទាំងអាចធ្វើការបង្កើតបានទៀតផង។ ស៊េរី V ដែលពួកយើងបានបង្កើតមិនត្រឹមតែមានភាពទាក់ទាញសម្រាប់អតិថិជននោះទេ ប៉ុន្តែពួកគេអាចធ្វើការបង្កើតនូវអ្វីដែលពួកគេចង់បានថែមទៀត។ ខ្ញុំពិតជាមានមោទភាពណាស់ដែលទូរស័ព្ទ LG V20 បានសម្រេចបានដូចអ្វីដែលបានរំពឹងទុក។” យ៉ាងណាមិញ តម្លៃ និងកាលបរិច្ឆេទនៃការប្រកាសរបស់ទូរស័ព្ទនេះអាស្រ័យទៅលើទីផ្សារតាមតំបន់ក្នុងស្រុក និងគោលដៅនៃទីផ្សាររបស់ក្រុមហ៊ុនមួយនេះ៕
