ថ្មីៗនេះ ក្រុមហ៊ុន TCL បានធ្វើការប្រកាសបង្ហាញនូវទូរស័ព្ទស៊េរីថ្មីរបស់ខ្លួនដែលមានឈ្មោះថា TCL 950 ។ ស្របពេលជាមួយគ្នានេះដែរ ព័ត៌មានមួយចំនួនបានទម្លាយនូវព័តមានអំពីទូរស័ព្ទស៊េរីថ្មីមួយទៀតដែលឈ្មោះថា BlackBerry DTEK60 ក៏ប៉ុន្តែទូរស័ព្ទនេះនៅមិនទាន់បានប្រកាសជាផ្លូវការនៅឡើយនោះទេ។ ក្រុមហ៊ុន TCL ក៏បានប្រកាសនូវទូរស័ព្ទ TCL 580 ផងដែរជាមួយនឹងម៉ូដែលស៊េរី TCL 950 នេះ។
ទូរស័ព្ទ TCL 950
បើនិយាយពីលក្ខណៈសម្បត្តិរបស់ទូរស័ព្ទស៊េរីថ្មីនេះគឺពិតជាអស្ចារ្យមែនទែន កម្រាស់របស់ទូរស័ព្ទនេះគឺត្រឹមតែ 7 មីលីម៉ែត្រ ប៉ុន្តែថ្មរបស់វាមានថាមពលត្រឹមតែ 3000 mAh ប្រើប្រាស់នូវបច្ចេកវិទ្យា Quick Charge 3.0 ។ សម្រាប់ Frame របស់វាជាអាលុយមីញ៉ូមដែលស្រោបនៅលើកញ្ចក់ 2.5D ។
ទូរស័ព្ទ TCL 950 មានអេក្រង់ទំហំ 5.5 អ៊ីងកញ្ចក់ប្រភេទ AMOLED ជាមួយនឹងកម្រិតពន្លឺ 500 nit ដែលទ្រទ្រង់នូវភាពច្បាស់ 1080p ដែលជួយរក្សានូវថាមពលថ្មកាន់តែតិច និងការដំណើរការកាន់តែប្រសើរលឿនជាងមុនដោយសារតែទូរស័ព្ទនេះប្រើប្រាស់នូវ CPU ប្រភេទ Snapdragon 820 Chipset រ៉េមទំហំ 4GB និងម៉េមូរីម៉ាស៊ីនទំហំដល់ទៅ 64GB ហើយវាថែមទាំងមានរន្ធសម្រាប់ដាក់ microSD កាតថែមទៀតផង។
សម្រាប់កាមេរ៉ាវិញ (ដែលស្ថិតនៅផ្នែកខាងក្រោមនៃកន្លែងស្កែនក្រយ៉ៅដៃ) មានទំហំដល់ទៅ 21 មេហ្គាភិចសែលប្រភេទសែនស័រ IMX230 របស់ក្រុមហ៊ុន Sony និង Aperture f/2.2 ។ ចំនែកកាមេរ៉ាខាងមុខវិញមានទំហំ 8 មេហ្គាភិចសែលសម្រាប់ធ្វើការថតរូប Selfie ភ្ជាប់នូវ Aperture f/2.2 ដូចគ្នា។ លើសពីនេះទៀត ទូរស័ព្ទនេះថែមទាំងបំពាក់នូវប្រព័ន្ធបំពងសំឡេងស្តេរីអូនៅខាងមុខថែមទៀត។
លក្ខណៈសម្បត្តិដែលគួរឱ្យចាប់អារម្មណ៍ទៀតសម្រាប់ទូរស័ព្ទ TCL 950 នេះគឺប្រើប្រាស់នូវមុខងារ Multi-function Key (Key ដែលមានរង្វង់មូលដូចប៊ូតុង Power របស់ទូរស័ព្ទ Xperia) សម្រាប់ធ្វើការរៀបចំទៅលើកម្មវិធី Apps ជាច្រើនដោយគ្រាន់តែអ្នកធ្វើការសង្កត់តែម្តង ឬពីរដង។ទូរស័ព្ទនេះដាក់លក់នៅក្នុងជម្រើស 2 ពណ៌គឺពណ៌ទឹកប្រាក់ និងពណ៌មាស ប៉ុន្តែយើងមិនទាន់ដឹងថាតើពេលណាដែលទូរស័ព្ទនេះដាក់លក់នោះទេ?
ទូរស័ព្ទ TCL 580
សម្រាប់ទូរស័ព្ទ TCL 580 វិញគឺមានរូបរាងតូចយ៉ាងស្រស់ស្អាតដែលមានគោលដៅក្នុងការវាយលុកទីផ្សារជាច្រើន។ ទូរស័ព្ទនេះមានប្រវែងត្រឹមតែ 7.05 មីលីម៉ែត្រ និងទម្ងន់ត្រឹមតែ 135 ក្រាម។ ទូរស័ព្ទនេះមានអេក្រង់ទំហំ 5 អ៊ីងកញ្ចក់ប្រភេទ AMOLED (កម្រិតភាពច្បាស់ត្រឹមតែ 720p) និងប្រើប្រាស់នូវ CPU ប្រភេទ MediaTek MT6750 Chipset រ៉េមទំហំ 3GB និងម៉េមូរីម៉ាស៊ីនទំហំ 32GB ។ ចំនែក Home Key របស់វាគឺសម្រាប់ប្រើប្រាស់ជាប្រព័ន្ធស្កែនក្រយ៉ៅដៃ។
ទូរស័ព្ទ TCL 580 ភ្ជាប់ជាមួយនឹងកាមេរ៉ាខាងក្រោយទំហំ 13 មេហ្គាភិចសែល (f/2.0) និងកាមេរ៉ាខាងមុខទំហំ 5 មេហ្គាភិចសែល (f/2.2) ដែលប្រើប្រាស់នូវភ្លើង LED Flash ថែមទៀតផង។ ទូរស័ព្ទនេះប្រើប្រាស់នូវថ្មដែលមានកម្លាំងថាមពល 2,460 mAh ដែលអាចប្រើប្រាស់បានយ៉ាងហោចណាស់ក៏មួយថ្ងៃផងដែរ។ ទូរស័ព្ទ 580 នឹងដាក់លក់នៅក្នុងប្រទេសចិននៅថ្ងៃទី 10 ខែតុលាខាងមុខនេះ៕
