នៅពេលដែលក្រុមហ៊ុន Xiaomi ដឹងពីរបៀបធ្វើឱ្យក្តីសុបិន្តរបស់ខ្លួនជាការពិតនោះ ក្រុមហ៊ុន ក៏ដឹងថា អ្វីដែលអាចធ្វីដែលអាចសម្លាប់ពួកគេបានផងដែរ។ ទូរស័ព្ទស៊េរីថ្មី Mi Mix ទើបតែធ្វើការប្រកាសបង្ហាញខ្លួនកាលពីខែមុននេះ ដែលមានអេក្រង់ស្ទើរតែពេញអេក្រង់តែម្តងជាមួយនឹងគែមស្តើងបំផុតនោះ វានៅមិនទាន់ជាការរចនាល្អឥតខ្ចោះនៅឡើយទេ ជាមួយនឹងការរចនាទំហំអេក្រង់ធំសម្រាប់ប្រើប្រាស់នោះ។ ក្រុមហ៊ុន សង្ឃឹមថា យើងអាចនឹងមើលឃើញនូវវត្តមានរបស់ទូរស័ព្ទ Mi Mix Nano ដែលមានអេក្រង់តូចជាងជំនាន់ដើមរបស់វា។ ពេលនេះក្តីសង្ឃឹមទាំងនេះ ត្រូវបានកាត់ផ្តាច់ហើយនៅពេលដែលប្រធានផ្នែកទីផ្សាររបស់ក្រុមហ៊ុន Xiaomi លោក Zang Zhiyuan បានបញ្ជាក់នៅលើ Weibo ទៅកាន់អ្នកគាំទ្ររបស់ក្រុមហ៊ុនថា ទូរស័ព្ទនេះពិតជាមិនមានវត្តមានឡើយ។
ទូរស័ព្ទ Mi Mix គឺមានរូបរាងងាយស្រួលក្នុងការចំណាំជាងទូរស័ព្ទជាច្រើនរបស់ក្រុមហ៊ុន Xiaomi ពិសេសគឺទូរស័ព្ទ Mi Note 2 ដោយសារតែទូរស័ព្ទនេះ មានការរចនាម៉ូដ គឺស្ទើរតែគ្មានគែមនោះទេ គឺគែមស្តើងស្ថិតនៅផ្នែកខាងក្រោម ប៉ុន្តែជាក់ស្តែងអេក្រង់នៃទូរស័ព្ទ Mi Mix នេះមានទំហំត្រឹមតែ 91.3% ដែលមិនទាន់មានទូរស័ព្ទណាប្រើប្រាស់អេក្រង់ធំដូចនេះ ទេពីមុនមក។ ទូរស័ព្ទនេះ មានបំពាក់នូវ Hardware ខ្លាំងដូចជាបន្ទះឈីប Snapdragon 821 រ៉េមផ្ទុកទិន្នន័យបណ្តោះអាសន្នទំហំ 4GB ឬ 6GB ម៉េមូរីក្នុងម៉ាស៊ីនទំហំ 128GB ឬ 256GB ។
អ្វីដែលជាការខកចិត្តនោះ គឺថាទូរស័ព្ទនេះ មានអេក្រង់ទំហំធំដល់ទៅ 6.4 អ៊ីងជាមួយនឹងកម្រិតភាពច្បាស់ 1080 ភិខសែលដែលវាមើលទៅស្រស់ស្អាតណាស់ដែរ ប៉ុន្តែវាពិតជាមិនស្រួលកាន់នៅក្នុងដៃនោះទេ។ ជាពិសេសការកាន់ដោយប្រើប្រាស់តែដៃម្ខាងនោះ។ វាមិនមានអ្វីដែលគួរឱ្យភ្ញាក់ផ្អើលនោះទេ ដែលទូរស័ព្ទ Mi Mix Nano ត្រូវបានបែកធ្លាយក្នុងទំរង់រូបភាពជាច្រើនដែលបញ្ជាក់ថា ទូរស័ព្ទនេះមានអេក្រង់ទំហំ 5.5 អ៊ីង ហើយមានលក្ខណៈសម្បតិ្តដូចគ្នាបេះបិទខុសតែម៉េមូរីក្នុងម៉ាស៊ីនរបស់វាមានទំហំ 64GB តែប៉ុណ្ណោះ។
បើយោងតាមប្រធានប្រតិបត្តិរបស់ក្រុមហ៊ុន Xiaomi បានបញ្ជាក់ថា មិនមានទូរស័ព្ទ ឈ្មោះ Mi Mix Nano នេះទេ។ លោកបានធ្វើការបន្ថែមទៀតថា ការបែកធ្លាយនេះ គឺអាចមកពីម៉ាកយីហោក្រុមហ៊ុនផ្សេងទៀតដែលប្រើប្រាស់នូវយុទ្ធសាស្ត្រទីផ្សារដែលធ្វើការចម្លងនូវរូបរាងរបស់ទូរស័ព្ទ Xiaomi Mi Mix ដែលកំពុងតែទទួលបានការពេញនិយម និងដាក់ឈ្មោះថា Xiaomi ដើម្បីលក់នូវផលិតផលរបស់ពួកគេ។ សរុបមក គឺពិតជាមិនមានូវម៉ូដែលទូរស័ព្ទ Mi Mix Nano នោះទេ ជាមួយគ្នានេះ ផងដែរ ក្រុមហ៊ុន Xiaomi អាចធ្វើការផ្លាស់ប្តូរនូវគំនិតរបស់ពួកគេបានគ្រប់ពេលនៅពេល ដែលមានការលក់ទូរស័ព្ទ Mi Mix បានចំនួនតិច ហើយតម្រូវការចង់ បានខ្លាំងទៅលើ Mi Mix Nano នេះ៕