ថ្មីៗនេះ បើយោងតាមរបាយការណ៏ពីក្រុមហ៊ុនសិក្សាស្រាវជ្រាវផ្នែកទីផ្សារ Strategy Analytics នៅក្នុងរដ្ឋ Massachusetts បានបង្ហាញថា ក្រុមហ៊ុន Huawei បានក្លាយជាក្រុមហ៊ុនផលិត ស្មាតហ្វូន Android ដែលទទួលបានប្រាក់ចំណេញខ្ពស់ ជាងគេបំផុតក្នុងពិភពលោកនៅ ក្នុងត្រីមាសទីបីនេះ។ លោក Neil Mawston នាយកប្រតិបត្តិក្រុមហ៊ុន Strategy Analytic បាននិយាយថា យើងបានព្យាករណ៏ឃើញថា Huawei រកបានប្រាក់ចំណេញពីប្រតិបត្តិការលក់ស្មាតហ្វូនទូទាំងសកលលោក ចំនួន 0.2 ពាន់លានដុល្លារអាមេរិក ក្នុងត្រីមាសទីបីឆ្នាំ 2016 នេះ”។ លោកបន្ថែមថា “ក្រុមហ៊ុនផលិតស្មាតហ្វូនរបស់ប្រទេសចិន គឺបានច្បាមយកចំណែក 2.4% នៃប្រាក់ចំណេញលើអាជីវកម្មស្មាត ហ្វូនទាំងអស់ ហើយកំពុងឈរនៅលំដាប់ថ្នាក់ទីពីរបន្ទាប់ពី Apple នៅលើប្រាក់ចំណេញក្នុងអាជីវកម្មស្មាតហ្វូនសរុបរួម និងកំពុងក្លាយខ្លួនជាក្រុមហ៊ុនលក់ ទូរស័ព្ទដៃប្រភេទ Andriod ដែលទទួលប្រាក់ចំណេញច្រើនជាងគេបង្អស់ក្នុងពិភពលោក ជាលើកដំបូងបង្អស់របស់ខ្លួន។
លោក Lujian នាយកគ្រប់គ្រង Huawei Mobile Device ប្រចាំប្រទេសកម្ពុជា បានឆ្លើយតបនឹងភាពជោគជ័យដ៏ធំរបស់ក្រុមហ៊ុន Huawei ថា “Huawei បានឲ្យតម្លៃទៅលើសុវត្ថិភាព និងឯកជនភាពរបស់អតិថិជនយើង ដូច្នេះយើងតែងតែព្យាយាមខិតខំការពារនូវ សន្តិសុខសុវត្ថិភាព និងឯកជនភាពរបស់ពួកគេជាចំបង។ ខ្ញុំជឿជាក់ថានេះ គឺជាកត្តាមួយដែលជំរុញឲ្យក្រុមហ៊ុន របស់យើងទទួលបាន ជោគជ័យ។ យោតាមរបាយការណ៍ខាងលើនេះ គេគ្មានមន្ទិលសង្ស័យឡើយ ដែលក្រុមហ៊ុនមួយនេះ អាចដណ្តើមបានចំណាត់ថ្នាក់កំពូល ដូច្នេះ នេះ គឺ ដោយសារតែការប្រមូលយកមកវិញនូវ Galaxy Note 7 ពីសំណាក់ក្រុមហ៊ុន Samsung បន្ទាប់ ស្មាតហ្វូនេះ មានបញ្ហាថ្មនា ពេលកន្លងទៅ។