នៅក្នុងកិច្ចប្រជុំម្ចាស់ភាគហ៊ុនប្រចាំឆ្នាំរបស់ខ្លួនដែលត្រូវបានប្រារព្ធឡើងនៅថ្ងៃទី 30 ខែវិច្ឆិកាថ្មីៗនេះ ក្រុមហ៊ុន Microsoft បានឆ្លើយសំណួរជាច្រើនទាក់ទងនឹងមហិច្ឆតារបស់ក្រុមហ៊ុននាពេលអនាគតទាក់ទងនឹងឧបករណ៍ចល័តរបស់ខ្លួន។ កម្មវិធីសន្និសីទនេះបានចាប់ផ្តើមជាមួយនឹងការប្រកាស "សូមធ្វើការដាក់ Silence សម្រាប់ទូរស័ព្ទ Windows Phones និងឧបករណ៍ផ្សេងទៀត" ដែលជាពាក្យសម្តីដែលស្តាប់មើលទៅហាក់ដូចជាកំប្លែងមែនទែន។ ទោះជាយ៉ាងណានេះគឺជាព្រឹត្តិការណ៍មួយដែលក្រុមហ៊ុន Microsoft រក្សាសិទ្ធិផ្តាច់មុខ វាមានអ្នកចូលរួមជាច្រើនដែលជាអ្នកគាំទ្ររបស់ប្រព័ន្ធប្រតិបត្តិការ Windows Mobile ហើយមនុស្សមួយចំនួនទៀតបានសម្តែងការព្រួយបារម្ភពិតប្រាកដទាក់ទងនឹងផ្នែកទូរស័ព្ទចល័តរបស់ក្រុមហ៊ុន Microsoft ។
សព្វថ្ងៃនេះ ក្រុមហ៊ុនផលិតកម្មវិធីយក្សមួយនេះបានកំណត់ចំនួនទៅលើការផលិតនូវស្មាតហ្វូនរបស់ខ្លួនដែលនៅមានទំហំតិចតួចនៅឡើយសម្រាប់ទូរស័ព្ទលំដាប់ប្រណិតរបស់ក្រុមហ៊ុននេះ ។ ការពិតមួយនោះគឺថាម្ចាស់ភាគហ៊ុនដែលបានអះអាងថាការប្រើឧបករណ៍ទូរស័ព្ទ Windows Phone របស់គាត់សម្រាប់រយៈពេល "18 ម៉ោងក្នុងមួយថ្ងៃ” បានសួរទៅកាន់នាយកប្រតិបត្តិក្រុមហ៊ុន Microsoft លោក Satya Nadellaថា " តើអ្នកអាចធ្វើឱ្យខ្ញុំត្រជាក់ចិត្តបាននោះទេ... ហើយប្រាប់ខ្ញុំតើអ្វីជាចក្ខុវិស័យរបស់អ្នកគឺសម្រាប់ទូរស័ព្ទដៃ?” បន្ទាប់ពីបានឮសំនួរនេះភ្លាមវាបង្ហាញថាក្រុមហ៊ុននេះអាចត្រូវបានបោះជំហានទៅមុខឆ្ងាយពីផ្នែកទូរស័ព្ទចល័តហើយ។ជាការឆ្លើយតបរបស់លោក Nadella បានបង្ហាញអំពីការផ្តោតអារម្មណ៍ផ្លាស់ប្តូរឆ្ពោះទៅរកការវិវត្តន៍ថ្មីមួយទៀតនាពេលបច្ចុប្បន្នជាមួយនឹងការច្នៃប្រឌិតថ្មីទីកាន់ទីផ្សារ: “យើងគិតអំពីការប្រព័ន្ធទូរស័ព្ទចល័តយ៉ាងទូលាយ។
នៅក្នុងពាក្យផ្សេងទៀត យើងគិតអំពីការប្រព័ន្ធទូរស័ព្ទចល័តរបស់មនុស្សទាំងអស់ផ្តោតទៅលើឧបករណ៍ប្រើប្រាស់របស់ពួកគេ មិនមែនគ្រាន់តែផ្តោតទៅលើទូរស័ព្ទចល័តនៃឧបករណ៍តែមួយនោះទេ។ ដូចអ្វីដែលយើងបាននិយាយ យើងមិនបានបោះជំហានទៅមុខ ឬត្រឡប់ថយក្រោយចេញពីការផ្តោតអារម្មណ៍របស់យើងទៅលើឧបករណ៍ចល័តរបស់យើងនោះទេ។ អ្វីដែលយើងនឹងធ្វើនោះគឺការផ្តោតទៅលើកិច្ចខិតខំប្រឹងប្រែងនៅទីកន្លែងជាច្រើនផ្សេងគ្នា។ ប្រសិនបើអ្នករើសយកប្រព័ន្ធប្រតិបត្តិការ Windows Phone នោះវាជាកន្លែងដែលយើងមានភាពផ្សេងគ្នានៅលើប្រព័ន្ធប្រតិបត្តិការ Windows Phone គឺទៅលើការគ្រប់គ្រងនេះហើយ។ វាមានសុវត្ថិភាព វាជាសមត្ថភាពខ្លាំងដែលនោះគឺជាសមត្ថភាពមួយដែលទូរស័ព្ទអាចធ្វើដូចជាកុំព្យូទ័រមួយបាន។ ដូច្នេះយើងភាពខុសគ្នាពីអ្នកទាំងអស់នោះ។ លោកបានសម្តែងការសាទរចំពោះទូរស័ព្ទ HP Elite X3 ដែលទទួលបានភាពជោគជ័យក្នុងដំណើរការប្រព័ន្ធប្រតិបត្តិការ Windows 10 ហើយខាងក្រោមនេះលោកបានបញ្ជាក់សារជាថ្មីអំពីមហិច្ឆតារបស់ក្រុមហ៊ុនដើម្បីកសាង "ឧបករណ៍ចល័តចុងក្រោយ" គេបំផុត។
លោក Dana Vance ដែលជាម្ចាស់ភាគហ៊ុនយូរឆ្នាំមកហើយតែងតែកោតសរសើរទៅលើ Windows Phones ហើយលោកក៏ជាម្ចាស់នៃ Microsoft Band បានចោទសួរលោក Nadella អំពីចក្ខុវិស័យរបស់ក្រុមហ៊ុននេះសម្រាប់ឧបករណ៍ប្រើប្រាស់ បន្ទាប់ពីរបាយការណ៍ជាច្រើនបានលើកឡើងថាគម្រោង Band ត្រូវបានផ្អាកជារៀងរហូត។ លោក Vance បានបញ្ជាក់ថាលោកមានការភ្ញាក់ផ្អើលនៅពេលបានទទួលអ៊ីម៉ែលដែលបានបញ្ជាក់ថាកម្មវិធី Microsoft PIX និង Outlook អាចប្រើប្រាស់បានសម្រាប់ប្រព័ន្ធប្រតិបត្តិការ Android និង iPhone ប៉ុន្តែមិនមែនសម្រាប់ប្រព័ន្ធប្រតិបត្តិការ Windows Phone នោះ។
ជាការឆ្លើយតបលោក Satya Nadella បានប្រកាសថាក្រុមហ៊ុននេះ "មិនបានបោះជំហានទៅមុខឆ្ងាយ»ពីការគាំទ្រដល់អ្នកប្រើប្រាស់ប្រព័ន្ធប្រតិបត្តិការ Windows Phone នោះទេ ប៉ុន្តែលោកបានអះអាងថាកម្មវិធីរបស់ក្រុមហ៊ុន Microsoft ក៏ត្រូវតែអាចប្រើប្រាស់ប្រព័ន្ធប្រតិបត្តិការទូរស័ព្ទដៃផ្សេងទៀតបានផងដែរ។ យើងនឹងរក្សាការសម្លឹងមើលទម្រង់ផ្សេងគ្នានិងមុខងារផ្សេងគ្នាជាច្រើនដែលយើងអាចនាំយកទៅកាន់ឧបករណ៍ចល័តជាច្រើន ខណៈពេលដែលកម្មវិធីទាំងនេះក៏អាចប្រើប្រាស់នៅលើឧបករណ៍ចល័តផ្សេងទៀតបានដែរ។ ដូច្នេះ នោះហើយជាវិធីសាស្ត្រដែលអ្នកនឹងមើលឃើញថាយើងបានធ្វើវាពិតមែន។ យើងមិនបានបោះជំហានទៅមុខឆ្ងាយពីការគាំទ្រសម្រាប់អ្នកប្រើប្រាស់ Windows Phone របស់យើងនោះទេ។ ប៉ុន្តែនៅក្នុងពេលវេលាដូចគ្នានេះ យើងទទួលស្គាល់ថា វាមាន Platforms ផ្សេងទៀតដែលមានចំណែកទីផ្សារខ្ពស់ ហើយយើងចង់ធ្វើឱ្យប្រាកដថាកម្មវិធីរបស់យើងគឺអាចរកដំណើរការបានសម្រាប់ពួកគេ។