វាមានពាក្យចចាមអារ៉ាមជាច្រើនដ៏គួរឱ្យចាប់អារម្មណណ៍ពាក់ព័ន្ធទៅនឹងគម្រោងជាច្រើនរបស់ក្រុមហ៊ុន Nokia ដើម្បីបង្កើតនូវទូរស័ព្ទស្មាតហ្វូនដំណើរការប្រព័ន្ធប្រតិបត្តិការ Android ។ នៅថ្ងៃនេះ ក្រុមហ៊ុន បានប្រកាសជាផ្លូវការថាក្រុមហ៊ុន HDM Global គឺជាផ្ទះថ្មីសម្រាប់ទូរស័ព្ទស្មាតហ្វូនរបស់ខ្លួន។ កាលពីដំបូងឡើយ ក្រុមហ៊ុន Nokia បានបង្ហាញទូរស័ព្ទស៊េរីថ្មីមួយនៅលើគេហទំព័រផ្លូវការរបស់ខ្លួន។ នៅក្នុងទំព័រផ្លូវការ បានបញ្ជាក់ថាក្រុមហ៊ុន នឹងប្រកាសនូវស្មាតហ្វូនស៊េរីថ្មីនៅឆ្នាំឆ្នាំ 2017 ខាងមុខនេះ។ ទំព័រនេះបានបង្ហាញយ៉ាងច្បាស់ថា វេបសាយត្រូវបានគ្រប់គ្រងដោយក្រុមហ៊ុន HMD Global Oy ហើយក្រុមហ៊ុននេះជាម្ចាស់គ្រប់គ្រងស្លាកយីហោ Nokia សម្រាប់ប្រើប្រាស់រយៈពេល 10 ឆ្នាំ។ ក្រុមហ៊ុន Nokia បានប្រកាសនៅថ្ងៃនេះថា ក្រុមហ៊ុន HMD Global បានបញ្ចប់ការទិញយកអាជ្ញាប័ណ្ណ Nokia របស់ខ្លួនពីក្រុមហ៊ុន FIH Mobile Ltd និងក្រុមហ៊ុន Microsoft ។ នេះមានន័យថា ពេលនេះក្រុមហ៊ុន HMD Global កំពុងចាប់ផ្តើមដំណើរការទូរស័ព្ទថ្មីជាច្រើនគ្រឿងដែលស្ថិតនៅក្រោមស្លាកយីហោរបស់ក្រុមហ៊ុន Nokia ។
លោក Brad Rodrigues នាយកគ្រប់គ្រងបណ្តោះអាសន្នរបស់ក្រុមហ៊ុន Nokia បានថ្លែងថា “យើងពិតជាមានភាពរីករាយដែលបានបង្ហាញវត្តមាននៃការវិលត្រឡប់នៃស្លាកយីហោ Nokia សម្រាប់ទូរស័ព្ទស្មាតហ្វូននៅជុំវិញពិភពលោក។ ក្រុមហ៊ុន HMD Global មានមហិច្ឆតា ទេពកោសល្យ និងធនធានដើម្បីនាំយកមកនូវជំនាន់ថ្មីនៃទូរស័ព្ទម៉ាក Nokia ចូលទៅក្នុងទីផ្សារ ហើយយើងសង្ឃឹមថាពួកគេនឹងទទួលបានជោគជ័យ។ ខ្ញុំប្រាកដថាអ្នកគាំទ្ររាប់លាននាក់របស់ក្រុមហ៊ុន Nokia ពិតជារំភើបចិត្តនៅពេលបានមើលឃើញនូវផលិតផលថ្មីទាំងអស់នេះ! ក្រុមហ៊ុន Nokia បានបញ្ជាក់ថា ទូរស័ព្ទស្មាតហ្វូនរបស់ខ្លួន (ទូរស័ព្ទមូលដ្ឋាន) នឹងត្រូវបន្តចែកចាយតាមរយៈទីផ្សាររបស់ក្រុមហ៊ុន HDM ដែលជាផ្នែកមួយនៃផលប័ត្ររួមបញ្ចូលគ្នារបស់ខ្លួន។ ក្រុមហ៊ុនរបស់ប្រទេសហ្វាំងឡង់បានឱ្យដឹងថាទូរស័ព្ទនេះនឹងត្រូវបានដាក់លក់រួមជាមួយនឹង "ស្មាតហ្វូន និងថេប្លេតស៊េរីថ្មី" ដែលនឹងត្រូវប្រកាសនៅពេលក្រោយដោយក្រុមហ៊ុន HMD ។
សេចក្តីប្រកាសរបស់ក្រុមហ៊ុន HMD របស់ថ្លែងថា"ក្រុមហ៊ុន HMD កំពុងអភិវឌ្ឍផលិតផលប្រើប្រាស់ថ្មីដែលគួរឱ្យរំភើបដែលផ្តោតទៅលើការច្នៃប្រឌិតថ្មី គុណភាព និងបទពិសោធន៍ថ្មីជាមួយនឹងស្លាកយីហោរបស់ក្រុមហ៊ុន Nokia ដែលជានិមិត្តរូបនៃការរចនា ភាពរឹងមាំ និងការជឿជាក់។ លោក Artos Nummela របស់ក្រុមហ៊ុន HMD Global បានប្រាប់ Reuters ថា ក្រុមហ៊ុន HDM ចង់ដំណើរការទូរស័ព្ទស្មាតហ្វូន Nokia របស់ខ្លួនដែលដំណើរការប្រតិបត្តិការ Android ដំបូងរបស់ខ្លួននៅដើមឆ្នាំ 2017 នេះ។ ក្រុមហ៊ុន HMD បានបន្ថែមទៀតថា ក្រុមហ៊ុនកំពុងតែផលិតនូវស្មាតហ្វូនរបស់ខ្លួនដោយសហការជាដៃគូជាមួយក្រុមហ៊ុន Google ខណៈពេលដែលក្រុមហ៊ុន Foxconn នឹងទទួលខុសត្រូវសម្រាប់ការផលិតទូរស័ព្ទដោយផ្ទាល់ខ្លួនឯង៕
