មិនថា លោកអ្នកជាអ្នកគាំទ្ររបស់ក្រុមហ៊ុន Huawei មែន ឬក៏មិនមែននោះទេ វាពិតជាលំបាកណាស់ក្នុងការបដិសេធថា ក្រុមហ៊ុនបច្ចេកវិទ្យាយក្សធំជាងគេបំផុតរបស់ប្រទេសចិននេះ បានធ្វើឱ្យមានការរីកចម្រើនខ្លាំងគួរសមទៅលើផលិតផលស្មាតហ្វូនជាច្រើនរបស់ខ្លួនពិសេសទើបតែបង្ហាញនូវស្មាតហ្វូនស៊េរីថ្មីរបស់ខ្លួនកាលពីខែមុនផងដែរ។ អ្វីដែលជាការពិតនោះគឺថា យើងកំពុងតែនិយាយអំពីទូរស័ព្ទ Huawei Mate 9 ព្រមទាំងខ្សែស្រឡាយរបស់វាគឺ Porsche Design ដែលជាស៊េរីម៉ូដែលពិសេស។ ការលក់នូវស្មាតហ្វូនទាំងពីរនេះ នៅតែមានជាបញ្ហាព្រោះវា មិនទាន់គ្របដណ្តប់បានគ្រប់ទីកន្លែងនោះទេ ពោល គឺវាបានបង្ហាញខ្លួនភាគច្រើននៅតំបន់អឺរ៉ុបដូចជាប្រទេសចិន ប្រទេសជប៉ុន ប្រទេសប្រទេសម៉ាឡេស៊ី ប្រទេសថៃ និងប្រទេសអារ៉ាប់។ ទោះបីជាយ៉ាងណាក៏ដោយ ក្រុមហ៊ុន Huawei នៅមិនទាន់បានប្រកាសជាផ្លូវការក្នុងការនាំទូរស័ព្ទ Mate 9 ទៅកាន់ទីផ្សារអាមេរិកនៅឡើយទេ។
តាមរយៈការជំរុញរបស់ក្រុមហ៊ុននេះក្នុងការពង្រីកទីផ្សាររបស់ខ្លួនត្រូវបានគេនិយាយថានឹងកើតឡើងនៅពេលឆាប់ៗនេះ ឬនៅពេលក្រោយឆាប់ៗនេះហើយ នេះបើយោងតាមប្រភពព័ត៌មានពី Evan Blass ហើយការលក់របស់ទូរស័ព្ទនេះនឹងចាប់ផ្តើមនៅថ្ងៃទី 6 ខែមករាខាងមុខនេះហើយ។ អ្វីដែលយើងបានដឹងគឺភាគច្រើនអំពីទូរស័ព្ទ Mate 9 ប៉ុន្តែសម្រាប់ទូរស័ព្ទ Porsche Design វិញត្រូវបានផលិតនៅក្នុងចំនួនមានកំណត់ណាមួយហើយនឹងនាំចេញទៅលក់នៅក្រៅប្រទេសផងដែរ។ សម្រាប់តម្លៃរបស់ Mate 9 នៅតំបន់អ៊ឺរ៉ុបគឺ 699 អ៊ឺរ៉ូ ចំនែកតម្លៃរបស់ Porsche Design គឺ 1395 អ៊ឺរ៉ូ ហើយក្រុមហ៊ុន Huawei ពិតជាត្រូវធ្វើការផ្តោតខិតខំប្រឹងប្រែងនៅលើការពង្រីកទីផ្សាររបស់ខ្លួនដែលជាកន្លែងអាចរកប្រាក់កម្រៃបាន។
វាក៏មានសំណួរពាក់ព័ន្ធជាមួយនឹងទូរស័ព្ទ Huawei Mate 9 Pro និងទូរស័ព្ទ Mate 9 Lite ផងដែរ ដែលជាក្រុមគ្រួសាររបស់វា។ ព័ត៌មានកាលពីពេលមុននេះ គឺជារឿងដ៏គួរឱ្យចាប់អារម្មណ៍ជាមួយនឹងវត្តមានរបស់ម៉ូដែលពិសេស Porsche Design ហើយបន្ទាប់មកក៏មានការបន្ថែមនូវស្មាតហ្វូនមួយចំនួនដើម្បីដាក់លក់នៅក្នុងតម្លៃទាប។ សម្រាប់ប្រភេទទូរស័ព្ទត្រកូល Lite នេះប្រហែលជាប្រើប្រាស់នូវបន្ទះឈីបប្រភេទ Kirin 655SoC ហើយប្រព័ន្ធកាមេរ៉ាក៏មិនធំដូច Mate 9 ដែរ។ បើនិយាយអំពីទូរស័ព្ទ Huawei Mate 9 គឺពិតជាគួរឱ្យចាប់អារម្មណ៍មែនទែនជាមួយនឹងទំហំអេក្រង់ធំដល់ទៅ5.9អ៊ីងកម្រិតភាពច្បាស់ 1080p បន្ទះអេក្រង់ប្រភេទ IPS បន្ទះឈីប Kirin 960SoC រ៉េមផ្ទុកទិន្នន័យបណ្តោះអាសន្នទំហំ 4GB ម៉េមូរិក្នុងម៉ាស៊ីនទំហំ 64GB ដែលអាចធ្វើការពង្រីកបន្ថែមម៉េមូរីបានទៀត ថាមពលថ្មកម្លាំង 4000 mAh និងប្រព័ន្ធកាមេរ៉ាភ្លោះរបស់ Leica ដែលស្ថិតនៅផ្នែកខាងក្រោយ។ ចំនែកទូរស័ព្ទ Porsche Designវិញមានរ៉េមផ្ទុកទិន្នន័យបណ្តោះអាសន្នទំហំ 6GB ម៉េមូរីក្នុងម៉ាស៊ីនទំហំ 256GB រួមជាមួយនឹងអេក្រង់ទំហំ 5.5 អ៊ីងដែលមានបន្ទះអេក្រង់ប្រភេទ AMOLED QHD ថែមទៀតផង៕