ក្រុមហ៊ុន Huawei បានដំណើរការកម្មវិធី Beta សម្រាប់ប្រព័ន្ធប្រតិបត្តិការ Android Nougat នៅលើទូរស័ព្ទស៊េរីថ្មីជាច្រើនរបស់ខ្លួន ហើយពេលនេះវាដល់ពេលហើយដែលកម្មវិធី Software ចុងក្រោយអាចដាក់ឱ្យប្រើប្រាស់ជាផ្លូវការបាន។ បើយោងតាមពាក្យចចាមអារ៉ាមថ្មីមួយចេញពីប្រទេសចិនបានឱ្យដឹងថា ក្រុមហ៊ុននឹងបញ្ចេញប្រព័ន្ធប្រតិបត្តិការ Android 7.0 ជាផ្លូវការសម្រាប់ស្មាតហ្វូន P9 និង Mate 8 នៅថ្ងៃស្អែកនេះ។
លេខកូដនៃកម្មវិធីសម្រាប់ធ្វើការតម្លើងនូវប្រព័ន្ធប្រតិបត្តិការ Nougat សម្រាប់ស្មាតហ្វូន P9 គឺ B352 ខណៈពេលដែលស្មាតហ្វូន Mate 8 នឹងទទួលបានលេខកូដនៃកម្មវិធី B552 ។ ព័ត៌មានទាំងនេះបានមកពីការបែកធ្លាយនៃឯកសារជាច្រើនចេញពីក្រុមហ៊ុន Huawei ប៉ុន្តែគេមិនទាន់បានសន្និដ្ឋានថាវាពិតជាមែន ឬមិនមែននោះទេ។ ប៉ុន្តែ យើងនឹងបានដឹងពីវាយ៉ាងពិតប្រាកដនៅថ្ងៃស្អែកនេះ។
វាក៏មាននូវព័ត៌មានជាក់លាក់មួយនៅទីនោះផងដែរ បើទោះបីជាព័ត៌មានទាំងអស់នេះគង់តែប្រែក្លាយទៅជាការពិតក៏ដោយ។ ឯកសារជាច្រើនបាននិយាយអំពីកាលបរិច្ឆេទនៃការអាប់ឌែតទៅលើប្រព័ន្ធប្រតិបត្តិការសម្រាប់ទីផ្សារនៅប្រទេសចិន ដូច្នេះស្មាតហ្វូនដែលបានលក់នៅក្នុងប្រទេសនេះនឹងទទួលបាននូវការអាប់ឌែតផងដែរ។ វាមិនទាន់មានព័ត៌មានប្រាប់អំពីចំនួននៃពេលវេលាដែលអ្នកត្រូវធ្វើរង់ចាំសម្រាប់ការអាប់ឌែតនេះ ប្រសិនបើលោកអ្នកបានទិញនូវស្មាតហ្វូន P9 និង Mate 9 នៅក្នុងប្រទេសផ្សេងនោះ។ សង្ឃឹមថាការអាប់ឌែតសម្រាប់ស្មាតហ្វូននេះទៅលើប្រព័ន្ធប្រតិបត្តិការចុងក្រោយនេះគឺអនុវត្តជាសកលក្នុងពេលឆាប់ៗនេះ។ គម្រោងនៃការអាប់ឌែតកាលពីមុនរបស់ក្រុមហ៊ុន Huawei ធ្លាប់បានប្រកាសថា ស្មាតហ្វូន P9 និង Mate 8 នឹងទទួលបានការអាប់ឌែតទៅកាន់ប្រព័ន្ធប្រតិបត្តិការ Nougat នៅក្នុងត្រីមាសទីមួយនៅឆ្នាំ 2017 ។ ដូចនេះប្រសិនបើរឿងនេះជារឿងពិតមែននោះ វានឹងក្លាយជាដ៏ភ្ញាក់ផ្អើលមួយសម្រាប់អ្នកប្រើប្រាស់។
ការកសាងនូវប្រព័ន្ធប្រតិបត្តិការ Android 7.0 របស់ក្រុមហ៊ុន Huawei ក៏បានដំណើរការផងដែរជាមួយនឹង EMUI ចុងក្រោយគេបំផុត។ សម្រាប់ជំនាន់ 5.0 នេះលោកអ្នកនឹងឃើញមានអ្វីនៅលើកំពូលនៃប្រព័ន្ធប្រតិបត្តិការ Nougat ហើយវាកាន់តែមានភាពងាយស្រួល សុវត្ថិភាព និងទំនាក់ទំនងយ៉ាងជិតស្និទ្ធិជាមួយអ្នកប្រើប្រាស់នេះបើយោងតាមការបញ្ជាក់ពីក្រុមហ៊ុន។ សម្រាប់ការដំណើការកម្មវិធីចាប់ផ្តើមអ្វីមួយដោយគ្រាន់តែគូរវាសនៅលើអេក្រង់នោះ (តាមរយៈការកំណត់នៅក្នុង Setting) ក្រុមហ៊ុន Huawei ប្រាប់ថា អ្នកប្រើប្រាស់អាចឈានទៅដល់ការប្រើប្រាស់ 90% នៃមុខងារស្នូលរបស់វាបានដោយគ្រាន់ចុចពីរទៅបី Clicks ប៉ុណ្ណោះ។
ប្រភពពី gsmarena.com