បើយោងតាមរបាយការណ៍មួយរបស់ Bloomberg ទូរស័ព្ទ Galaxy S8 របស់ក្រុមហ៊ុន Samsung ប្រហែលជាលែងមានប៊ូតុង Home ទៀតនោះទេ ។ ពាក្យចចាមអារ៉ាមថ្មីនេះបញ្ជាក់ថា ការរចនារូបរាងថ្មីនៃអេក្រង់គឺគ្របដណ្តប់នៅផ្នែកខាងមុខទាំងអស់នៃគែមរបស់ទូរស័ព្ទនេះ។
នាពេលបច្ចុប្បន្ននេះ ក្រុមហ៊ុន Samsung បានប្រើប្រាស់នូវអេក្រង់ OLED ដែលពង្រីកនៅជុំវិញគែមទាំងអស់នៃស្មាតហ្វូន ប៉ុន្តែវានៅតែមានគែមព័ទ្ធអេក្រង់ដដែលនៅផ្នែកខាងក្រោម និងផ្នែកខាងលើនៃទូរស័ព្ទស្មាតហ្វូននេះសម្រាប់ការប្រើប្រាស់ទៅលើប្រព័ន្ធកាមេរ៉ា ប្រព័ន្ធបំពងសំឡេង និងប៊ូតុង Home នេះ។
ប្រភពដដែលបង្ហើបឱ្យដឹងទៀតថា ការដកចេញនូវប៊ូតុង Home នៅលើទូរស័ព្ទ Galaxy S8 គឺដើម្បីរក្សាទំហំស្មាតហ្វូនឱ្យមានរូបរាងតូចដដែល ខណៈពេលដែលពង្រីកទំហំអេក្រង់កាន់តែធំជាងមុន។
រន្ធដោតកាស
បើយោងតាមពាក្យចចាមអារ៉ាមចុងក្រោយនេះបញ្ជាក់ថា ស្របតាមការវិវត្តិរបស់ក្រុមហ៊ុន Apple ក្រុមហ៊ុន Samsung ប្រហែលជាដកចេញនូវរន្ធដោតកាសនៅលើទូរស័ព្ទ Galaxy S8 ហើយក្រុមហ៊ុននេះប្រហែលជាវិវត្តិខ្លួនក្នុងការភ្ជាប់កាសតាមរយៈ USB-C Headphone Connector ។
តើទូរស័ព្ទ Galaxy S8 អាចពន្យារពេលទេ?
បន្ទាប់ពីការប្រមូលមកវិញនូវទូរស័ព្ទ Samsung Galaxy បន្ទាប់ពីទូរស័ព្ទនេះមានបញ្ហាថ្មបណ្តាលឱ្យផ្ទុះ ក្រុមហ៊ុននេះក៏បានទទួលយកនូវការធ្វើតេស្តដ៏តឹងរឹងឡើងវិញដើម្បីជៀសវាងស្ថានភាពមហន្តរាយដូចលើកមុន។ ទោះបីជាក្រុមហ៊ុននេះមានគោលបំណងក្នុងការប្រកាសនូវទូរស័ព្ទ Galaxy S8 នៅក្នុងខែមីនាក្តី ស្មាតហ្វូននេះអាចនឹងត្រូវពន្យារពេលរហូតដល់ខែមេសា នេះបើតាមប្រភពជាច្រើនដែលបានប្រាប់ដល់ទីភ្នាក់ងារ Bloomberg ។
ក្រុមហ៊ុន Samsung បានរងគ្រោះនូវការលក់ធ្លាក់ចុះដ៏អាក្រក់បំផុតរបស់ខ្លួនបន្ទាប់ពីមានមានបញ្ហាជាមួយនឹងទូរស័ព្ទ Galaxy Note 7 នេះបើតាមការបញ្ជាក់របស់ក្រុមក្រុមហ៊ុនស្រាវជ្រាវ Gartner នៅក្នុងខែវិច្ឆិកា។ ការលក់របស់ក្រុមហ៊ុន Samsung បានធ្លាក់ចុះខ្លាំងនៅក្នុងត្រីមាសទីបីនៃឆ្នាំ 2016 រហូតដល់ទៅ 14,2 ភាគរយបើប្រៀបធៀបទៅនឹងឆ្នាំមុនដែលមិនធ្លាប់មានពីមុនមកទេ។
ទន្ទឹមគ្នានេះផងដែរ ប្រព័ន្ធប្រតិបត្តិការ iOS បានសម្រេចនូវអត្រាកើនឡើងខ្លាំងបំផុតនៅក្នុងរយៈពេលពីរឆ្នាំចុងក្រោយនេះ នេះបើតាមតួរលេខដែលបង្ហាញដោយក្រុមហ៊ុន Kantar Worldpanel។ ប្រព័ន្ធប្រតិបត្តិការ iOS បានកើនឡើង 7 ភាគរយពីឆ្នាំមុនពី 33,5 ភាគរយទៅ 40,5 ភាគរយនៅក្នុងការលក់ទូរស័ព្ទនៅសហរដ្ឋអាមេរិក។
ភាពជោគជ័យរបស់ក្រុមហ៊ុន Apple ប្រហែលជាជំរុញដោយបញ្ហារបស់ទូរស័ព្ទ Galaxy Note 7 ដែលប្រកាសធ្វើការប្រមូលយកមកវិញទាំងអស់ ហើយអ្នកប្រើប្រាស់មួយចំនួនយល់ឃើញថាការដកចេញនូវរន្ធដោតកាសនៅលើទូរស័ព្ទ iPhone 7 ក៏មិនមែនជាបញ្ហាដែរ៕
ប្រភពពី ibtimes.com