ក្រុមហ៊ុន ASUS ប្រកាសថា ខ្លួននឹងមានវត្តមាននៅក្នុងកម្មវិធីតាំងពិពរណ៍ CES ឆ្នាំ 2017 ខាងមុខនេះ ហើយក្រុមហ៊ុនបច្ចេកវិទ្យារបស់តៃវ៉ាន់នេះ ក៏ថែមទាំងបានបង្ហាញនូវគម្រោងផែនការនៃព្រឹត្តិការណ៍របស់ខ្លួនដោយដាក់ឈ្មោះថា Zennovation ដែលនឹងធ្វើឡើងនៅថ្ងៃទី 4 ខែមករា។ ចាប់តាំងពីរូបភាពឡូហ្គូ Qualcomm Snapdragon បានដាក់អមជាមួយនឹងលិខិតអញ្ជើញជាផ្លូវការ វាមិនលំបាកនោះទេក្នុងការទាយថា ក្រុមហ៊ុនមួយនេះនឹងធ្វើការប្រកាសបង្ហាញនូវស្មាតហ្វូនស៊េរីថ្មីមួយ (ឬច្រើនជាងមួយ)។ នៅថ្ងៃនេះ ក្រុមហ៊ុន ASUS បានបញ្ចេញនូវវីដេអូ Teaser ជាលើកដំបូងរបស់ខ្លួនសម្រាប់ព្រឹត្តិការណ៍តាំងពិពរណ៍ខាងមុខនេះ ហើយវាផ្តោតទៅលើការបញ្ចេញសូរសំឡេងបានល្អបំផុតជាភាសាអង់គ្លេស។
ប្រសិនបើអ្នកយកចិត្តទុកដាក់ទៅលើវីដេអូនេះ អ្នកនឹងប្រទះមើលឃើញរូបរាងរបស់ស្មាតហ្វូនស៊េរីថ្មីមួយ ឬពីរនៅក្នុងវិនាទីទី 30 នៃវិដេអូនេះ។ ចាប់តាំងពីទូរស័ព្ទនេះមានរូបសញ្ញាផ្សេងពីគ្នានៅលើវា យើងប្រាកដជាមើលឃើញនូវផលិតផលបច្ចេកវិទ្យាថ្មីចំនួន 2 ដែលនឹងប្រកាសបង្ហាញនៅថ្ងៃទី 4 ខែមករា។ យ៉ាងណាមិញ យើងប្រហែលជារង់ចាំមើលនូវការបង្ហាញវត្តមានរបស់ Zenfone AR ថែមទៀតព្រោះវាគឺជាការសន្យារបស់ក្រុមហ៊ុន ASUS សម្រាប់ព្រឹត្តិការណ៍ CES ។ យើងអាចនិយាយបានថា បន្ទាប់ពី Zenfone 4 បានបង្ហាញវត្តមានបន្តពី Zenfone 3 វាបានទទួលជោគជ័យយ៉ាងខ្លាំង ប៉ុន្តែក្រុមហ៊ុនបានប្រកាសលក់នូវ Zenfone 4 នៅក្នុងឆ្នាំ 2014 ដូច្នេះក្រុមហ៊ុនប្រហែលជាចង់បំភ័ន្តភ្នែករបស់អ្នកដោយបង្ហាញនូវផលិតផលបច្ចេកវិទ្យាថ្មីដោយគ្រាន់តែផ្លាស់ប្តូរឈ្មោះហៅតែប៉ុណ្ណោះសម្រាប់ឆ្នាំ 2017 នេះ៕
