ក្រុមហ៊ុន​ Acer​ បញ្ឈប់​ការ​លក់​ស្មា​ត​ហ្វូ​ន​នៅ​ក្នុង​ប្រទេស​ឥណ្ឌា​ ដោយ​ងាក​ទៅ​ផ្តោត​លើ​អាជីវកម្ម​កុំព្យូទ័រ​វិញម្តង

ចុះផ្សាយថ្ងៃទី 24 ខែ 12 ឆ្នាំ 2016 | ម៉ោង 03:08 pm

មាននៅក្នុង ព័ត៌មានក្រៅប្រទេស

​នៅ​ថ្ងៃនេះ​ ក្រុមហ៊ុន​ Acer​ បាន​បង្ហាញ​នូវ​ផែនការ​របស់​ខ្លួន​ក្នុង​ការ​បញ្ឈប់​នូវ​ការ​លក់​ស្មា​ត​ហ្វូ​ន​ជា​ច្រើន​ម៉ូ​ដែល​នៅ​ក្នុង​ប្រទេស​ឥណ្ឌា​។​ ក្រុមហ៊ុន​មួយ​នេះ​ នឹង​ផ្តោត​ទៅ​លើ​វិស័យ​ Hardware​ និង​អាជីវកម្ម​ទៅ​លើ​កុំព្យូទ័រ​វិញ​ម្តង​ នៅ​ក្នុង​ប្រទេស​មួយ​នេះ​។​ ប្រទេស​ឥណ្ឌា​គឺជា​ប្រទេស​មួយ​ ដែល​មាន​ទីផ្សារ​ស្មា​ត​ហ្វូ​ន​កំពុង​កើនឡើង​ខ្លាំង​ជាងគេ​បំផុត​នៅ​ក្នុង​ពិភពលោក​ ប៉ុន្តែ​ក្រុមហ៊ុន​ Acer​ បែរ​ជាស​ម្រ​ច​ចិត្ត​ឈប់​លក់​ទូរស័ព្ទ​របស់​ខ្លួន​នៅ​ក្នុង​ប្រទេស​នេះ​ ទៅ​វិញ​ហើយ​វា​ មិនមែន​ជា​អ្វី​ដែល​ក្រុមហ៊ុន​ Acer​ ផ្តោត​ទៅ​លើ​នោះ​ទេ​។​ 

​ប្រធាន​ក្រុមហ៊ុន​ Acer​ ប្រចាំ​ប្រទេស​ឥណ្ឌា​បាន​និយាយ​ថា​ គោលនយោបាយ​របស់​រដ្ឋាភិបាល​នៃ​ប្រទេស​ឥណ្ឌា​ពិតជា​បាន​ជះ​ឥទ្ធិពល​ទៅ​លើ​ការ​សម្រេចចិត្ត​របស់​ក្រុមហ៊ុន​ផង​ដែរ​។​ នេះ​គឺជា​អ្វី​ដែល​លោក​ Harish​ Kohli​ ដែល​ជានា​យក​គ្រប់គ្រង​របស់​ក្រុមហ៊ុន​ Acer​ ប្រចាំ​ប្រទេស​ឥណ្ឌា​បាន​ចែករំលែក​។​ “​ការ​ផ្លាស់​ប្តូរ​នៅ​ក្នុង​គោលនយោបាយ​របស់​រដ្ឋាភិបាល​ជា​ច្រើន​ដែល​បាន​ធ្វើ​ឡើង​នៅ​ក្នុង​ប្រទេស​ឥណ្ឌា​ និង​ផ្នែក​ជា​ច្រើន​ទៀត​ ការ​សម្រេចចិត្ត​របស់​យើង​នោះ​គឺថា​វា​មាន​ទីផ្សារ​ច្រើន​ពេក​ដែល​ផ្តោត​ទៅ​លើ​ម៉ាក​យីហោ​តូចៗ​ជា​ជាង​ម៉ាក​យីហោ​ធំៗ​ដែល​ព្យាយាម​ប្រកួតប្រជែង​នៅ​ក្នុង​ទីផ្សារ​នៃ​ប្រទេស​នេះ​។​

 

​ក្រុម​អ្នកវិភាគ​ជា​ច្រើន​នាក់​ហាក់ដូចជា​មិន​ភ្ញាក់ផ្អើល​អ្វី​នោះ​ទេ​ ចំពោះ​ការ​ពិចារណា​របស់​ក្រុមហ៊ុន​ Acer​ ទៅ​លើ​ការ​លក់​នៃ​ស្មា​ត​ហ្វូ​ន​របស់​ខ្លួន​។​ ក្រុមហ៊ុន​ Vivo​ និង​ក្រុមហ៊ុន​ Huawei​ បាន​ទាញ​យក​ផលប្រយោជន៍​ខ្លាំង​ដោយសារ​តែ​មាន​ចំនួន​អ្នកទិញ​ច្រើន​នៅ​ក្នុង​ប្រទេស​ឥណ្ឌា​។​ លើស​ពី​នេះ​ទៀត​ ក្រុមហ៊ុន​ Acer​ ហាក់ដូចជា​គ្មាន​អ្វី​ដែល​គួរ​ឱ្យ​ទាក់ទាញ​សោះ​សម្រាប់​ស្មា​ត​ហ្វូ​ន​របស់​ខ្លួន​ទៅ​កាន់​អ្នក​ប្រើប្រាស់​នោះ​។​ យ៉ាងណាមិញ​ ក្រុមហ៊ុន​ Acer​ នៅ​តែ​បន្ត​ប្រតិបត្តិការ​របស់​ខ្លួន​នៅ​លើ​ទឹកដី​របស់​ទីផ្សារ​ប្រទេស​ឥណ្ឌា​ដដែល​ ដោយ​គ្រាន់តែ​ផ្តោត​ទៅ​ផ្នែក​ផ្សេង​វិញ​។​ យើង​សង្ឃឹមថា​ ក្រុមហ៊ុន​ Acer​ នឹង​អាច​ស្វែងរក​រូបមន្ត​ដ៏​ត្រឹមត្រូវ​ និង​វិល​ត្រឡប់​ចូល​មក​កាន់​ទីផ្សារ​របស់​ប្រទេស​ឥណ្ឌា​វិញ​នា​ពេល​ឆាប់ៗ​នេះ​៕

© 2015 Electronic World Magazine (Cambodia). All rights reserved.

Follow Us