ទូរស័ព្ទ​ Gionee​ M2017​ ដែល​មាន​ថ្ម​កម្លាំង​ 7000​ mAh​ នឹង​បង្ហាញខ្លួន​ជា​ផ្លូវការ​នៅ​ថ្ងៃ​ទី​ 26​ ខែធ្នូ​ខាង​មុខ​នេះ​

ចុះផ្សាយថ្ងៃទី 17 ខែ 12 ឆ្នាំ 2016 | ម៉ោង 10:48 am

មាននៅក្នុង ព័ត៌មានក្រៅប្រទេស

​កាលពី​ខែ​មុន​នេះ​ ទូរស័ព្ទ​ Gionee​ M2017​ បាន​ទទួល​វិ​ញ្ញាប​ន​ប័ត្រ​របស់​ខ្លួន​ពី​ក្រុមហ៊ុន​ TENAA​ ដែល​បាន​ផ្ដល់​ឱ្យ​ពួក​យើង​នូវ​ព័ត៌មាន​យ៉ាងច្រើន​អំពី​ទូរស័ព្ទ​នេះ​ ហើយ​លក្ខណៈសម្បត្តិ​របស់​វា​ក៏​ត្រូវ​បាន​ទម្លាយ​ឱ្យ​ដឹងផង​ដែរ​។​ បន្ទាប់​មក​ទៀត​ កាលពី​ស​ប្តា​ហ៍​មុន​នេះ​ ក្រុមហ៊ុន​របស់​ប្រទេស​ចិន​មួយ​នេះ​បាន​បញ្ចេញ​នូវ​រូបភាព​ Teaser​ របស់​ទូរស័ព្ទ​ M2017​ នេះ​ជា​លើក​ដំបូង​របស់​ខ្លួន​។​ នៅ​ថ្ងៃនេះ​យើង​បាន​ទទួល​នូវ​រូបភាព​ Teaser​ នៃ​ទូរស័ព្ទ​នេះ​ជា​លើក​ទី​ពីរ​ហើយ​។​ ខណៈ​ពេល​ដែល​រូបភាព​ទី​ពីរ​នេះ​គឺ​ស្ទើរតែ​ដូច​គ្នា​ទៅ​នឹង​រូបភាព​ Teaser​ លើក​ទី​មួយ​នោះ​ វា​ក៏​បាន​បង្ហាញ​នូវ​ព័ត៌មាន​លម្អិត​ពាក់ព័ន្ធ​ទៅ​នឹង​កាលបរិច្ឆេទ​នៃ​ការ​ប្រកាស​បង្ហាញ​វត្តមាន​ជាផ្លូវការ​។​ ទូរស័ព្ទ​ Gionee​ M2017​ នឹង​ត្រូវ​ប្រកាស​ជា​ផ្លូវការ​នៅ​ថ្ងៃ​ទី​ 26​ ខែធ្នូ​នៅ​ក្នុង​ព្រឹត្តិការណ៍​ពិសេស​មួយ​។​

​ទូរស័ព្ទ​នេះ​មានការ​រចនា​រូបរាង​ប្លែក​ទាន់សម័យ​ ហើយ​វា​ភ្ជាប់​មក​ជាមួយនឹង​អេ​ក្រង់​ប្រភេទ​ QHD​ Touchscreen​ ទំហំ​ 5.7​ អ៊ី​ង​ ប្រព័ន្ធ​កាមេរ៉ា​ភ្លោះ​ទំហំ​ 12MP​ +​ 13MP​ នៅ​ខាងក្រោយ​ កាមេរ៉ា​មុខ​ទំហំ​ 8MP​ សម្រាប់​ថតរូប​ Selfies​ បាន​យ៉ាង​ស្រស់​ស្អាត​ អង្គ​ប្រតិបត្តិការ​ប្រភេទ​ octa-core​ដែល​មាន​ល្បឿន​ 1.96​ GHz​ រ៉េ​ម​ផ្ទុក​ទិន្នន័យ​បណ្តោះអាសន្ន​ទំហំ​ 6GB​ ម៉េ​មូ​រី​ក្នុង​ម៉ាស៊ីន​ទំហំ​ 128GB​ ថាមពល​ថ្ម​ខ្លាំង​ដល់​ទៅ​ 7000​ mAh​ ហើយ​ទូរស័ព្ទ​នេះ​មាន​ទម្ងន់​ត្រឹមតែ​ 230g​ តែ​ប៉ុណ្ណោះ​។​ ដោយសារ​ការ​ប្រើប្រាស់​នូវ​ថាមពល​ថ្ម​កាន់តែ​ធំ​សម្រាប់​ទូរស័ព្ទ​ M2017​ ទើប​ធ្វើ​ឱ្យ​វិមាត្រ​របស់​វា​ធំ​ក្រាស់​ផង​ដែរ​ពោល​គឺ​ 155.2x77.6x​ 10.65​ម​ម​។​ ទូរស័ព្ទ​នេះ​ដំណើរការ​ដោយ​ប្រព័ន្ធ​ប្រតិបត្តិការ​ Android​ 6.0.1​ Marshmallow​ និង​មាន​ប្រព័ន្ធ​ស្កែ​ន​ក្រ​យ៉ៅ​ដៃ​នៅ​ខាង​មុខ​ថែម​ទៀត​។​ រហូត​មក​ដល់​ពេល​នេះ​ ព័ត៌មាន​ទាក់ទង​ទៅ​នឹង​តម្លៃ​របស់​ទូរស័ព្ទ​នេះ​ និង​កាលបរិច្ឆេទ​នៃ​ការ​ដាក់​លក់​នៅ​មិន​ទាន់​ទម្លាយ​ឱ្យ​ដឹង​នៅឡើយ​ទេ​ ហើយ​វា​នៅ​តែ​ស្ថិត​ក្នុង​អាថ៌​កំបាំង​នៅឡើយ​៕

© 2015 Electronic World Magazine (Cambodia). All rights reserved.

Follow Us