ក្រុមហ៊ុន Facebook បានចាប់ផ្តើមនូវការហោះហើរសាកល្បងនៃយន្តហោះគ្មានមនុស្សបើកដំណើរការដោយថាមពលពន្លឺព្រះអាទិត្យសម្រាប់ផ្គង់ផ្គង់អ៊ីនធើណិតដែលមានឈ្មោះថា Aquila នៅក្នុងខែកក្កដា ប៉ុន្តែការហោះហើរសាកល្បងនេះមិនដំណើរការរលូនដូចការរំពឹងទុកនោះទេ។ យន្តហោះគ្មានមនុស្សបើកនេះបានធ្វើការហោះហើរនៅក្នុងរយៈពេល 96 នាទីនៅក្នុងតំបន់ Yuma នៃទីក្រុង Arizona ប៉ុន្តែទីបំផុតវាបានធ្លាក់បុកដីដោយសារតែមានបញ្ហានៅត្រង់ស្លាបស្តាំរបស់វា នេះបើតាមការបញ្ជាក់របស់របាយការណ៍មួយនៅថ្ងៃនេះពី National Transportation Safety Board ។ NTSB បានប្រកាសនៅខែវិច្ឆិកាថា ខ្លួននឹងចាប់ផ្តើមធ្វើការស៊ើបអង្កេតនូវបញ្ហានេះ។
របៀបចុះចតរបស់យន្តហោះ Aquila គឺប្រើប្រាស់នូវ “Autoland” ដែលមានន័យថា យន្តហោះប្រើប្រាស់នូវសែនស័រដែលអាចដឹងអំពីល្បឿននៃកម្លាំងខ្យល់ ហើយនឹងសីតុណ្ហភាពផងដែរ ហើយវាមានលទ្ធភាពក្នុងការចុះចតបានយ៉ាងរលូនថែមទៀត។ នៅក្នុងអំឡុងពេលនៃការហោះហើរសាកល្បងជាលើកតំបូងនេះ អ្នកបញ្ជារំពឹងថាល្បឿននៃខ្យល់គឺត្រឹមតែ 7 តែប៉ុណ្ណោះ ប៉ុន្តែនៅពេលដែលយន្តហោះ Aquila បានហោះចុះមកដីវិញ ស្រាប់តែកម្លាំងល្បឿននៃខ្យល់ដល់ទៅ 18 ដែលបង្កើននូវល្បឿនរបស់ខ្យល់នេះកើនឡើងលើសពី 25 ម៉ាយ៍ក្នុងមួយម៉ោង ហើយធ្វើឱ្យមានបញ្ហានៅត្រង់ស្លាបខាងស្តាំរបស់យន្តហោះ Drone ។ យន្តហោះនេះបានហោះនៅក្នុងរយៈកំពស់ក្រោម 20 ហ្វីតពីលើដីដែលធ្វើដំណើរនៅក្នុងល្បឿន 30 ម៉ាយ៍ក្នុងមួយម៉ោង នេះបើតាមការបញ្ជាក់របស់ក្រុមហ៊ុន Facebook នៅក្នុងការបង្ហោះនៅក្នុងប្លុកមួយ។
ក្រុមហ៊ុន Facebook បាននិយាយថា “ការប្រើប្រាស់នូវ Autopilot មិនអាចធ្វើការតាមដាននូវល្បឿននៃខ្យល់ និងការហោះហើរនៃផ្លូវធ្វើដំណើរនៅក្នុងពេលជាមួយគ្នា ហើយនឹងផ្តល់នូវអាទិភាពក្នុងការតាមដាននូវផ្លូវធ្វើដំណើរដោយមិនកំណត់នូវល្បឿននៃខ្យល់នោះទេ។” ដើម្បីដោះស្រាយបញ្ហានេះ ក្រុមហ៊ុន Facebook បានបំណងក្នុងការបង្កើននូវការរចនារូបរាងរបស់ Aquila កាន់តែរឹងមាំ និងកម្មវិធី Software កាន់តែមានប្រសិទ្ធិភាព។ ជាមួយ វានឹងធ្វើការបន្ថែមនូវហ្វ្រាំងខ្យល់ដែលអនុញ្ញាតឱ្យ Autopilot អាចធ្វើដំណើរនៅក្នុងល្បឿនលឿនជាងមុន។ ទីពីរ Autopilot នឹងត្រូវបានបញ្ជាឱ្យធ្វើការផ្តល់អាទិភាពដើម្បីរក្សានូវសុវត្ថិភាពនៅពេលប៉ះជាមួយនឹងល្បឿនខ្យល់ដែលនៅរយៈកម្ពស់ផុតពីការតាមដាន។
ក្រុមហ៊ុន Facebook បាននិយាយថា “វាអាចមានការចុះចតបានត្រឹមត្រូវ ឬអាចនៅជិតកន្លែងនេះប្រសិនបើយន្តហោះនេះ ហោះនៅឆ្ងាយពេកខុសពីគន្លងផ្លូវនៃការធ្វើដំណើរ។” ក្រុមអ្នកស្រាវជ្រាវកំពុងតែធ្វើការនៅលើយន្តហោះ Drone ជំនាន់ទី 2 របស់ Aquila ។ ទីបំផុត ក្រុមហ៊ុននេះសង្ឃឹមថាអាចធ្វើការបង្ហោះនូវយន្តហោះ Aquila នេះនៅក្នុងតំបន់ដែលគ្មានប្រព័ន្ធអ៊ីនធើណិតនៅទូទាំងពិភពលោកនេះ ហើយវាក៏ជាជំហានថ្មីមួយទៀតសម្រាប់ទីផ្សារថ្មីនៃប្រព័ន្ធ World Wide Web ៕