មុខងារ​មិន​ជ្រាប​ទឹក​ IP68​ សម្រាប់​ទូរស័ព្ទ​ Galaxy​ A3​ (2017)​ និង​ A5​ (2017)​ ត្រូវ​បាន​បង្ហោះ​នៅ​លើ​អន​ឡាញ​

ចុះផ្សាយថ្ងៃទី 03 ខែ 01 ឆ្នាំ 2017 | ម៉ោង 10:25 am

មាននៅក្នុង ព័ត៌មានក្រៅប្រទេស

​ទូរស័ព្ទ​ស៊េរី​ថ្មី​ត្រកូល​ Galaxy​ A​ (2017)​ នឹង​ត្រូវ​ធ្វើការ​ប្រកាស​បង្ហាញខ្លួន​នៅ​ថ្ងៃ​ទី​ 5​ ខែមករា​ខាង​មុខ​នេះ​។​ កាលបរិច្ឆេទ​នៃ​ការ​ប្រកាស​បង្ហាញ​ជា​ផ្លូវការ​នេះ​ត្រូវ​បាន​បញ្ជាក់​ដោយ​ក្រុមហ៊ុន​ Samsung​ តាម​រយៈ​លិខិត​អញ្ជើញ​ និង​ការ​បង្ហោះ​នៅ​លើ​បណ្តាញ​សង្គម​។​ ហើយ​ខណៈ​ពេល​ដែល​យើង​បានឃើញ​រូបភាព​របស់​ទូរស័ព្ទ​ Galaxy​ A5​ (2017)​ និង​ Galaxy​ A7​ (2017)​ បាន​ដាក់​បង្ហាញ​នៅ​លើ​ផ្ទាំង​រូបភាព​នៃ​ការ​បញ្ជា​ទិញ​មួយ​នោះ​ យើង​ហាក់ដូចជា​មិន​បានដឹង​អ្វី​ក្រៅពី​នេះនោះ​ទេ​។​

​វា​ហាក់ដូចជា​បង្ហាញ​ថា​ក្រុមហ៊ុន​ Samsung​ បាន​ធ្វើការ​បង្ហោះ​នូវ​រូបភាព​ជា​ច្រើន​ទៀត​នៅ​ក្នុង​គេហទំព័រ​របស់​អ្នកគាំទ្រ​របស់​ខ្លួន​នៅ​ក្នុង​ប្រទេស​ហូ​ឡង់​សម្រាប់​ម៉ូ​ដែល​ស៊េរី​ថ្មី​ Galaxy​ A3​ (2017)​ និង​ Galaxy​ A5​ (2017)​ ដូច្នេះ​យើង​អាច​ដឹង​កាន់តែ​ច្បាស់​ហើយ​ថា​ទូរស័ព្ទ​ទាំង​ពីរ​ស៊េរី​ម៉ូ​ដែល​នេះ​នឹង​ធ្វើការ​ប្រកាស​បង្ហាញ​ពិតប្រាកដ​មែន​នៅ​ពេល​ខាង​មុខ​ឆាប់ៗ​នេះ​។​ អ្វី​ដែល​កាន់តែ​ចាប់អារម្មណ៍​ទៀត​នោះ​ រូបភាព​ដែល​បាន​បែកធ្លាយ​នៅ​ក្នុង​ប្រទេស​ចិន​បាន​ទម្លាយ​ថា​ទូរស័ព្ទ​ Galaxy​ A7​ (2017)​ ក៏​មាន​វត្ត​មាននៅ​ក្នុង​កម្មវិធី​របស់​ក្រុមហ៊ុន​ Samsung​ ខាង​មុខ​នេះ​ដែរ​។​ 

​ប៉ុន្តែ​វា​នៅ​មាន​ដំណឹង​ល្អជា​ច្រើន​ទៀត​ផង​ដែរ​។​ លោក​ Lee​ Jui​ Siang​ ដែល​ជា​អនុប្រធាន​របស់​ក្រុមហ៊ុន​ Samsung​ Malaysia​ ក្នុង​ផ្នែក​ Mobile​ &​ IT​ Business​ Unit​ បាន​និយាយ​ថា​ ទូរស័ព្ទ​ទាំងនេះ​ បាន​ប្រើប្រាស់​នូវ​មុខងារ​មិន​ជ្រាប​ទឹក​ Water​ Resistance​ ហើយ​ប្រសិនបើ​ព័ត៌មាន​នេះ​ត្រឹមត្រូវ​នោះ​គឺថា​ទូរស័ព្ទ​ Galaxy​ A​ (2017)​ ទាំងអស់​នឹង​ប្រើប្រាស់​នូវ​ IP68​ ទាំងអស់​។​

​ក្រុមហ៊ុន​ Samsung​ បាន​ផ្តោត​ទៅ​លើ​ការ​បន្ត​ជម្រុញ​ទៅ​លើ​ព្រំដែន​នៃ​ភាព​ដែល​អាច​ធ្វើ​ទៅ​រួច​ដើម្បី​ធ្វើការ​ផ្តល់​នូវ​ការ​បង្កើត​ថ្មី​ដ៏​អស្ចារ្យ​។​ ក្នុង​នាម​ជា​អ្នកដឹកនាំ​ឈានមុខ​គេ​នៅ​ក្នុង​វិស័យ​ឧស្សាហកម្ម​ទូរស័ព្ទ​ យើង​បាន​ធ្វើការ​រចនា​រូបរាង​របស់​ទូរស័ព្ទ​ Samsung​ Galaxy​ A​ Series​ (2017)​ ដែល​សក្តិ​សម​ទៅ​នឹង​តម្រូវការ​របស់​អ្នក​ប្រើប្រាស់​បែប​ទាន់សម័យ​។​ ទូរស័ព្ទ​ស៊េរី​ថ្មី​ចុង​ក្រោយ​នេះ​មានការ​រចនា​រូបរាង​អស្ចារ្យ​ទាក់ទាញ​កាន់តែ​ពិសេស​ដែល​ប្រើប្រាស់​នូវ​ប្រព័ន្ធ​ IP68​ សម្រាប់​ការពារ​ការ​ជ្រាប​ទឹក​ និង​ធូលី​បាន​ថែម​ទៀត​ផង​ដែល​ជា​រឿង​ដំបូង​គេ​បំផុត​មិន​ធ្លាប់​មាន​ពី​មុន​មក​នោះ​ទេ​។​

​វា​នៅ​មិន​ទាន់​មានការ​បញ្ជាក់​នូវ​លក្ខណៈសម្បត្តិ​របស់​ទូរស័ព្ទ​នេះ​ជា​ផ្លូវការ​នៅឡើយ​ទេ​ ប៉ុន្តែ​ក្រៅពី​មុខងារ​មិន​ជ្រាប​ទឹក​យើង​អាច​ដឹង​បាន​ថា​ត្រកូល​ទូរស័ព្ទ​ Galaxy​ A​ (2017)​ នឹង​ប្រើប្រាស់​នូវ​អេ​ក្រង់​ប្រភេទ​ Super​ AMOLED​ និង​ការ​ទ្រទ្រង់​នូវ​មុខងារ​ Always​ on​ Display​ (AOD)​ ថែម​ទៀត​ផង​។​ សម្រាប់​លក្ខណៈ​ទាំងអស់​ ព័ត៌មាន​លម្អិត​ និង​តម្លៃ​របស់​ទូរស័ព្ទ​ត្រកូល​ Galaxy​ A​ (2017)​ នេះ​នឹង​បានដឹង​នៅ​ថ្ងៃ​ទី​ 05​ ខែមករា​ខាង​មុខ​នេះ​៕

© 2015 Electronic World Magazine (Cambodia). All rights reserved.

Follow Us