Microsoft​ ជា​ក្រុមហ៊ុន​ដំបូង​បំផុត​ ដែល​នឹង​ក្លាយជា​ក្រុមហ៊ុន​ដែល​មាន​ប្រាក់​ពាន់​ពាន់​លាន​ដុល្លារ​

ចុះផ្សាយថ្ងៃទី 27 ខែ 12 ឆ្នាំ 2016 | ម៉ោង 09:14 am

មាននៅក្នុង ព័ត៌មានក្រៅប្រទេស

​បើ​យើង​ក្រឡេក​ទៅ​មើល​ខែកុម្ភៈ​ឆ្នាំ​ 2015​ កន្លង​ទៅ​ មូលធន​ទីផ្សារ​របស់​ក្រុមហ៊ុន​ Apple​ បាន​កើន​ឡើ​ស​ពី​ 710​ ពាន់​លាន​ដុល្លារ​។​ នៅ​ត្រង់​ចំណុច​នេះ​ ក្រុមហ៊ុន​ Apple​ បាន​ក្លាយជា​ក្រុមហ៊ុន​បច្ចេកវិទ្យា​ ដំបូង​បំផុត​នៅ​ក្នុង​ប្រវត្តិសាស្ត្រ​ដែល​មាន​តម្លៃ​ជាង​ 700​ ពាន់​លាន​ដុល្លារ​។​ ហើយក្រុមហ៊ុន​បច្ចេកវិទ្យា​យក្ស​នេះ​ ក៏​បាន​ធ្លាប់​មាន​តម្លៃ​កើនឡើង​ដល់​ទៅ​ 775​ ពាន់​លាន​ដុល្លារ​ផងដែរ មុន​ពេល​ដែល​មានការ​ធ្លាក់​ចុះ​មក​តម្លៃ​ 617 ​ពាន់​លាន​ដុល្លារ​នា​ពេល​បច្ចុប្បន្ន​នេះ​។​ ឥលូវនេះ ក្រុមហ៊ុន​ Microsoft​ ដែលកំពុងឈរ​នៅ​ចំណាត់ថ្នាក់​លេខ​ 3​ នោះ​ អាចនឹង​ក្លាយជា​ក្រុមហ៊ុន​ដំបូង​បំផុត​ដែល​មាន​តម្លៃលើស​ពី​ 1​ ពាន់​ពាន់​លាន​ដុល្លារ​នេះ​ បើ​យោង​ទៅ​តាម​អ្នកវិភាគ​ Michael​ Markowski​ របស់​គេហទំព័រ​ Equities.com​ ។​ 

 

Markowski​ បញ្ជាក់​ថា​ ក្រុមហ៊ុន​ Microsoft​ មានឱកាស​ល្អ​ប្រសើរ​ជាង​ក្នុង​ការ​ឈាន​ទៅ​ដល់​តម្លៃ​ទឹកប្រាក់​ខ្ទង់ពាន់​ពាន់​ដុល្លារ​នេះ​ជាង​ក្រុមហ៊ុន​ Apple​ ព្រោះ​ ក្រុមហ៊ុន​បច្ចេកវិទ្យា​ Software​ មួយ​នេះ​ មាន​ចំនួន​ប្រជាជន​ច្រើន​ ដែល​ប្រើប្រាស់​នូវ​កម្មវិធី​របស់​ខ្លួន​ច្រើន​ជាង​ក្រុមហ៊ុន​ Apple​ ។​ អ្នកវិភាគ​រូប​នេះ​ ថែម​ទាំង​និយាយ​ទៀត​ថា​ ការ​ទិញ​យក​ក្រុមហ៊ុន​ LinkedIn​ ពិតជា​ជួយ​ក្នុង​ការ​បង្កើត​នូវ​តម្លៃ​របស់​ក្រុមហ៊ុន​ Microsoft​ ថែម​ទៀត​ ព្រោះថា​ បណ្តាញ​សង្គម​មួយ​នេះ​ អាច​រកបាន​ប្រាក់​ចំណេញ​ខ្ពស់​ផង​ដែរ​។​ ក្រុមហ៊ុន​ Microsoft​ ចំណាយ​ប្រាក់​ 60​ ដុល្លារ​សម្រាប់​អ្នក​ Subscriber​ នៅ​លើ​កម្មវិធី​ LinkedIn​ នីមួយៗ​ ដែល​ចង់បាន​នូវ​កា​ងារ​ជំនាញ​វិជ្ជាជីវៈ​លំដាប់​ Professional​ ដែល​មាន​ប្រាក់ខែ​ខ្ពស់​បាន​ជាង​អ្នក​ប្រើប្រាស់​ធម្មតា​។​ ចំនែក​ ក្រុមហ៊ុន​ Facebook​ វិញ​ចំណាយ​ទឹកប្រាក់​ 218​ ដុល្លារ​ជា​មធ្យម​សម្រាប់​អ្នក​ប្រើប្រាស់​របស់​ខ្លួន​។​

 

​ដើម្បី​ទទួល​បានការ​វាយតម្លៃ​នៅ​ក្នុង​ទឹកប្រាក់​ 1​ ពាន់​ពាន់​លាន​ដុល្លារ​នេះ​ ក្រុមហ៊ុន​ Microsoft​ នឹង​ធ្វើការ​ឆែក​តម្លៃ​ស្តុក​របស់​ខ្លួន​ជា​លើក​ទី​ពីរ​។​ វា​គួរតែ​ទទួល​បាន​នូវ​ផល​ចំណេញ​ពី​ការ​កើនឡើង​នៃ​ចំនួន​អ្នក​ Subscribers​ នៅ​លើ​កម្មវិធី​ LinkedIn​ ដល់​ចំនួន​ 700​ លាន​នាក់​នៅ​ក្នុង​ឆ្នាំ​ 2020​ ដែល​ពេល​បច្ចុប្បន្ន​នេះ​ មាន​ត្រឹមតែ​ 433​ លាន​នាក់​ប៉ុណ្ណោះ​។​ ក្រុមហ៊ុន​ដៃគូ​ប្រកួតប្រជែង​ធំ​បំផុត​របស់​ក្រុមហ៊ុន​ Microsoft​ ដែល​មាន​តម្លៃ​ 1​ ពាន់​ពាន់​លាន​ដុល្លារ​ដែរ​នោះ​ គឺ​ក្រុមហ៊ុន​ Alphabet​ នេះ​ បើ​តាម​ការ​បញ្ជាក់​របស់​អ្នកវិភាគ​ Markowitz​ ។​ អ្នកវិភាគ​រូប​នេះ​ មិន​រំពឹង​ថា​ក្រុមហ៊ុន​ Apple​ អាច​ប្រកួតប្រជែង​ជាមួយនឹង​ក្រុមហ៊ុន​បច្ចេកវិទ្យា​យក្ស​ធំៗ​ទាំង​ពីរ​ខាងលើ​បាន​នោះ​ទេ​៕​ 

 

​តម្លៃ​សរុប​របស់​ក្រុម​ហ៊ុ​បច្ចេកវិទ្យា​កំពូល​ទាំង​ 5​ ត្រ​វ​បាន​បង្ហាញ​នៅ​ខាងក្រោម​នេះ​៖

1._ ​ក្រុមហ៊ុន​ Apple​ ​​617​ ពាន់​លាន​ដុល្លារ​

2._ ​ក្រុមហ៊ុន​ Alphabet​​​ 548​ ពាន់​លាន​ដុល្លារ​

3._ ​ក្រុមហ៊ុន​ Microsoft ​​​492​ ពាន់​លាន​ដុល្លារ​

4._ ​ក្រុមហ៊ុន​ Amazon​​​ 359​ ពាន់​លាន​ដុល្លារ​

5._ ​ក្រុមហ៊ុន​ Facebook ​​​333​ ពាន់​លាន​ដុល្លារ​

© 2015 Electronic World Magazine (Cambodia). All rights reserved.

Follow Us