រូបភាព​ Renders​ ថ្មី​របស់​ទូរស័ព្ទ​ Samsung​ Galaxy​ A5​ (2017)​ និង​ Galaxy​ A3​ (2017)​ បែកធ្លាយ​ហើយ​!

ចុះផ្សាយថ្ងៃទី 30 ខែ 12 ឆ្នាំ 2016 | ម៉ោង 09:10 am

មាននៅក្នុង ព័ត៌មានក្រៅប្រទេស

​នៅ​ថ្ងៃនេះ​ យើង​បានដឹង​ថា​ ក្រុមហ៊ុន​ Samsung​ បាន​ត្រៀមខ្លួន​រួចរាល់​ហើយ​ក្នុង​ការ​ប្រកាស​សម្ពោធ​នូវ​ទូរស័ព្ទ​ត្រកូល​ស៊េរី​ Galaxy​ A​ 2017​ នៅ​ស​ប្តា​ហ៍​ក្រោយ​នេះ​ ចំ​ថ្ងៃ​ទី​ 5​ ខែមករា​។​ ទូរស័ព្ទ​ស៊េរី​ថ្មី​នេះ​ ដែល​នឹង​បង្ហាញ​វត្តមាន​មាន​ដូច​ជា​:​ Galaxy​ A3​ (2017),​ Galaxy​ A5​ (2017)​ និង​ Galaxy​ A7​ (2017)​ ។​ យើង​បានឃើញ​រួច​មក​ហើយ​នូវ​រូបភាព​ Renders​ បែកធ្លាយ​ជា​ច្រើន​ដែល​អះអាង​ថា​ ជា​ទូរស័ព្ទ​ស៊េរី​ថ្មី​ទាំងនេះ​ ប៉ុន្តែ​ពេល​នេះ​ យើង​បាន​ទទួល​នូវ​រូបភាព​ Renders​ ថ្មី​មួយទៀត​កាន់តែ​ច្បាស់​:​ រូបភាព​ដែល​បែកធ្លាយ​ផ្នែក​ខាងក្រោយ​ និង​ផ្នែក​ខាង​មុខ​របស់​ទូរស័ព្ទ​ Galaxy​ A5​ (2017)​ និង​ Galaxy​ A3​ (2017)​ ។​ រូបភាព​ដែល​បែកធ្លាយ​ទាំងនេះ​ ប្រហែលជា​ក្រុមហ៊ុន​ Samsung​ ប្រើប្រាស់​ដើម្បី​ធ្វើការ​ផ្សព្វផ្សាយ​ទៅ​លើ​ទូរស័ព្ទ​ថ្មី​នេះ​។​

​ខណៈ​ពេល​ដែល​ស្មា​ត​ហ្វូ​ន​ទាំង​ពីរ​មានការ​រចនា​រូបរាង​ប្រហាក់ប្រហែល​គ្នា​នោះ​ ទូរស័ព្ទ​ Galaxy​ A5​ (2017)​ និង​ Galaxy​ A3​ (2017)​ មាន​ទំហំ​ផ្សេង​គ្នា​។​ ទូរស័ព្ទ​ A5​ (​ដែល​មាន​លេខ​កូដ​ SM-A520)​ មាន​អេ​ក្រង់​ទំហំ​ 5.2​ អ៊ី​ង​កម្រិត​ភាព​ច្បាស់​ 1080p​ ចំនែក​ទូរស័ព្ទ​ A3​ (​ដែល​មាន​លេខ​កូដ​ SM-A320)​ មាន​អេ​ក្រង់​ទំហំ​ 4.7​ អ៊ី​ង​កម្រិត​ភាព​ច្បាស់​ 720p​ ។​ ទូរស័ព្ទ​ Galaxy​ A5​ ស៊េរី​ថ្មី​នេះ​ត្រូវ​បាន​គេ​ជឿជាក់​ថា​នឹង​ប្រើប្រាស់​នូវ​បន្ទះ​ឈី​ប​ Exynos​ 7880​ CPU​ រ៉េ​ម​ផ្ទុក​ទិន្នន័យ​បណ្តោះអាសន្ន​ទំហំ​ 3GB​ ម៉េ​មូ​រី​ក្នុង​ម៉ាស៊ីន​ទំហំ​ 32GB​ និង​ថ្ម​ដែល​មាន​កម្លាំង​ថាមពល​ 3300mAh​ ។​ សម្រាប់​ទូរស័ព្ទ​ Galaxy​ A3​ វិញ​គឺ​ប្រើប្រាស់​នូវ​បន្ទះ​ឈី​ប​ Exynos​ 7870​ CPU​ រ៉េ​ម​ផ្ទុក​ទិន្នន័យ​បណ្តោះអាសន្ន​ទំហំ​ 2GB​ ម៉េ​មូ​រី​ក្នុង​ម៉ាស៊ីន​ទំហំ​ 16GB​ និង​ថ្ម​ដែល​មាន​កម្លាំង​ថាមពល​ 3000mAh​ ។​

​កាលពី​ម្សិលមិញ​នេះ​ ក្រុមហ៊ុន​ Samsung​ បាន​បង្ហើប​ថា​ស៊េរី​ត្រកូល​ Galaxy​ A​ 2017​ អាច​នឹង​ប្រើប្រាស់​នូវ​មុខងារ​មិន​ជ្រាប​ទឹក​ ប៉ុន្តែ​វា​នៅ​មិន​ទាន់​ច្បាស់​នោះ​ទេ​ថា​មុខងារ​នេះ​បំពាក់​នូវ​លើ​គ្រប់​ស៊េរី​ថ្មី​នោះ​។​ ទូរស័ព្ទ​ Galaxy​ A5​ (2017)​ និង​ Galaxy​ A3​ (2017)​ មាន​ 4​ ពណ៌​សម្រាប់​ធ្វើការ​ជ្រើសរើស​គឺ​ពណ៌​ខ្មៅ​ ពណ៌​មាស​ ពណ៌​ខៀវ​ និង​ពណ៌​ផ្កាឈូក​។​ ទូរស័ព្ទ​ទាំងនេះ​ប្រហែលជា​ដាក់​លក់​នៅ​ដើម​ខែមករា​តែ​ម្តង​ ប៉ុន្តែ​យើង​នៅ​មិន​ទាន់​ដឹង​ថា​តើ​វា​អាច​ដាក់​លក់​នៅ​ក្នុង​ទីផ្សារ​របស់​សហរដ្ឋ​អា​មេ​រិច​បាន​ដែរ​ឬទេ​។​ សម្រាប់​រឿង​នេះ​ យើង​នឹង​បានដឹង​កាន់តែ​ច្បាស់​អំពី​ Galaxy​ A​ 2017​ នៅ​ស​ប្តា​ហ៍​ក្រោយ​នេះ​ហើយ​៕

 

© 2015 Electronic World Magazine (Cambodia). All rights reserved.

Follow Us