បន្ទាប់ពីមានការសហការជាមួយនឹងក្រុមហ៊ុន Porsche ដែលជាក្រុមហ៊ុនដ៏ល្បីខាងផលិតចេញនូវរថយន្ត ពេលនេះក្រុមហ៊ុន Huawei បានធ្វើការប្រកាស់ចេញនូវទូរស័ព្ទស្មាតហ្វូនម៉ូដែល Huawei Mate 9 Porsche Design ដែលជាទូរស័ព្ទស្មាតហ្វូនជំនាន់ថ្មី មានកាមេរ៉ាខាងក្រោយចំនួនពីរ ជាមួយនឹងរចនាបទរូបរាងរបស់ Porsche កាន់តែបន្ថែមនូវភាពស៊ីវីល័យអស្ចារ្យតែម្តង។
1. រូបរាងនិងការរចនា
ជាមួយនឹងរូបរាងដ៏ស្រស់ស្អាត ត្រូវបានរចនាឡើងយ៉ាងសម្រិតសម្រាំង ធ្វើឲ្យ Huawei Mate 9 Porsche Design កាន់តែមានភាពទាក់ទាញបំផុតក្នុងការប្រើប្រាស់ ដោយសារតែរូបរាងរបស់វាត្រូវបានរចនាម៉ូតយ៉ាងពិសេសពីសំណាក់អ្នករចនារបស់ក្រុមហ៊ុន Porsche និង Huawei។ យើងមកមើលពីរូបរាងផ្នែកខាងមុខរបស់ Huawei Mate 9 Porsche Design ដែលត្រូវបានលាតសន្ធឹងដោយកញ្ចក់អេក្រង់យ៉ាងរលើបរលោង ដោយខាងលើអេក្រង់មានបង្កប់នូវ កាមេរ៉ាខាងមុច ស៊ែនស័រ និងឧបាល័រស្តាប់ការសន្ទនា ក៏ដូចជាបន្ថែមនូវអក្សតំណាង PORSCHE DESIGN ផងដែរ។ យើងងាកមកចាប់អារម្មណ៍ផ្នែកខាងក្រោយរបស់វាវិញ កាន់តែពិសេសត្រង់កន្លែងកាមេរ៉ា ដោយសារតែវាមានការចនារាងកាមេរ៉ាយ៉ាងស្រស់ស្អាត និងមានកាមេរ៉ាដល់ទៅពីរជាប់គ្នា និងអំពូល LED ដែលបន្ថែមភាពទាក់ទាញបំផុត អមដោយលោគោតំណាងឲ្យ PORSCHE DESIGN ផងដែរ។
2. កញ្ចក់អេក្រង់
Huawei Mate 9 Porsche Design ត្រូវបានបំពាក់ដោយកញ្ចក់អេក្រង់ទំហំ 5.5 អីុង ប្រភេទ AMOLED 2.5D រាងផុសឡើង ដែលវាជាបច្ចេកវិទ្យាថ្មីមានសមត្ថភាពខ្ពស់អាចបង្ហាញចេញបានភ្លឺច្បាស់ និងអាចការពារចំណាំងផ្លាតពីពន្លឺថ្ងៃខ្លាំងបានយ៉ាងល្អ ដែលអាចបង្ហាញចេញនូវកម្រិតរីសូលូហ្សិន Full HD ដែលមានសមត្ថភាពពេញលេញក្នុងការបង្ហាញចេញនូវរូបភាព និងវិដេអូនៅលើកញ្ចក់អេក្រង់បានយ៉ាងច្បាស់ត្រជាក់ភ្នែកតែម្តង ជាពិសេសជាមួយនឹងហ្គេមដែលមានក្រាហ្វិចធំៗល្មមគឺអាចលេងបានយ៉ាងងាយស្រួលនិងរហ័សទាន់ចិត្តផងដែរ។
3. កាមេរ៉ាថតរូប
Huawei Mate 9 Porsche Design បំពាក់កាមេរ៉ាក្រោយទំហំ 20 មេហ្គាភិចសែល និងកាមេរ៉ាក្រោយមួយទៀត 12 មេហ្គាភិចសែលជាមួយនឹងស៊ិនស័រ OIS, 2x zoom, Leica optics ដំណើរការជាមួយគ្នាលើមុខងារ Autofocus ត្រឹមតែ 0.3 វិនាទីប៉ុណ្ណោះ ដែលមានសមត្ថភាពក្នុងការចាប់រូបភាព និងបែងចែកកម្រិតពន្លឺរបស់រូបភាពឲ្យបាន់កាន់តែច្បាស់ខ្ចោះតែម្តង។ កាមេរ៉ាមុខ ទំហំ 8 មេហ្គាភិចសែលមានវិសាលភាពថតរូប ភាពបានច្បាស់ ជំរុញដល់យុគសម័យថ្មីនៃការថត Selfie ជាទីពេញចិត្ត តាមរយៈមុខងារ Beauty Mode និង Auto Make-up Mode។ ជាងនេះទៅទៀត កាមេរ៉ាមុខក៏អាច ថតវីដេអូកម្រិត 2K បានថែមទៀតផង។
4. កំលាំងម៉ាស៊ីន
ការដំណើរការទៅបានដោយរលូនរបស់ Huawei Mate 9 Porsche Design គឺត្រូវពឹងលើបន្ទះឈីបប្រភេទ Hisilicon Kirin 960 អមដោយអង្គគណនាប្រាំបីគ្រាប់ Octa-Core (4x2.4 GHz Cortex-A73 & 4x1.8 GHz Cortex-A53) ជាងនេះទៅទៀត Huawei Mate 9 Porsche Design ក៏មាន RAM ទំហំ 6GB ធំជាងគេបង្អស់ មិនធ្លាបមាន និងប្រើប្រាស់អង្គក្រាហ្វិច Mali-G71 MP8 ដែលធ្វើឲ្យសមត្ថភាពក្នុងការធ្វើកិច្ចការរបស់ស្មាតហ្វូនមួយនេះ ហាក់ខាំ្លងក្លា ដែលអាចនិយាយបានថា គ្មានការរអាក់រអួលអ្វីសោះឡើយ។ សម្រាប់ទំហំផ្ទុុកទិន្នន័យក្នុងម៉ាស៊ីនវិញមានធំទំហំ 256GB ដែលមិនចាំបាច់ត្រូវការប្រើប្រាស់មេម៉ូរីកាតប្រភេទ microSD ឡើយ។ Huawei Mate 9 Porsche Design ក៏ត្រូវបានភ្ជាប់មកជាមួយថ្មខ្នាត 4000mAh ដែលអាចផ្តល់ជូននូវការប្រើប្រាស់បានកាន់តែយូរជាងមុនទ្វេរដង។
6. ប្រតិបត្តិការ
Huawei Mate 9 Porsche Design ត្រូវបានដាក់ឲ្យដំណើរការដោយប្រព័ន្ធប្រតិបត្តិការ Android ជំនាន់ 7.0 Nuogat អមដោយផ្ទៃយួស័រអិុនធើហ្វេសផ្ទាល់ខ្លួនជំនាន់ថ្មី Emotion UI5.0 ដែលផ្តល់នូវភាពទាក់ទាញសម្រាប់ការរៀបចំកម្មវិធីលើផ្ទៃអេក្រង់។ ជាងនេះទៅទៀត ទូរស័ព្ទស្មាតហ្វូនដ៏ស៊ីវីល័យមួយនេះ មានភ្ជាប់មកជាមួយមុខងារថ្មីៗ ពិសេសៗ សម្រាប់បំពេញតាមតម្រូវការរបស់អ្នកប្រើប្រាស់ក្នុងពេលបច្ចុប្បន្ននេះ។ សរុបមក Huawei Mate 9 Porsche Design គឺជាទូរស័ព្ទស្មាតហ្វូនស៊េរីថ្មីដ៏ល្អវិចិត្រសម្រាប់ការប្រើប្រាស់ ព្រោះថា វាល្អទាំងរូបរាង ល្អទាំងកម្មវិធីក៏ដូចជាមុខងារសម្រាប់ប្រើប្រាស់ ដែលផ្តល់ជូនលោកអ្នកនៅគ្រប់កិច្ចការងារទាំងអស់ ក៏ដូចជាតម្លៃក៏សមល្មមក្នុងការជាវយកទៅប្រើប្រាស់ផងដែរ៕