ក្រុមហ៊ុន​ Apple​ រំពឹង​ថា និង​ង​មានការ​នាំ​ចេញ​នូវ​ផលិតផល​ឆ្លាត​វៃ​របស់​ខ្លួន​ច្រើន​ជាង​ក្រុមហ៊ុន​ Microsoft​

ចុះផ្សាយថ្ងៃទី 09 ខែ 01 ឆ្នាំ 2017 | ម៉ោង 01:30 pm

មាននៅក្នុង ព័ត៌មានក្រៅប្រទេស

​​យោង​តាម​ការ​បញ្ជាក់​របស់​ក្រុម​អ្នកវិភាគ​របស​ក្រុមហ៊ុន​ Gartner​ បាន​ឲ្យ​ដឹង​ថា​ ការ​នាំ​ចេញ​នូវ​ផលិតផល​ឆ្លាត​វៃ​របស់​ក្រុមហ៊ុន​ Apple​ (​ទាំង​ iOS​ និង​ iOS​ X)​ ក្នុង​ឆ្នាំ​2017​ នេះ​ នឹង​មានការ​កើនឡើង​លើស​ពី​នាំ​ចេញ​នូវ​ផលិតផល​របស់​ក្រុមហ៊ុន​ Microsoft​ ដែល​ដំណើរការ​ដោយ​ Window​ ជា​លើក​ដំបូង​។​ ក្រុមហ៊ុន​ Gartner​ ក៏​បាន​ធ្វើការ​ប៉ាន់​ស្មានថា​ ក្រុមហ៊ុន​ Apple​ នឹង​បន្ត​នាំមុខ​ក្នុង​ការ​នាំ​ចេញ​លើ​ក្រុមហ៊ុន​ Microsoft​ រហូត​ដល់​ឆ្នាំ​ 2019​ ។​ តាម​ការ​បញ្ជាក់​របស់​ក្រុមហ៊ុន​ទាំង​ពីរ​នេះ​ ក៏​បាន​បង្ហាញ​ផង​ដែរ​ថា​ ក្នុង​កំឡុង​ពេល​បី​ឆ្នាំ​ខាង​មុខ​នេះ​ ការ​នាំ​ចេញ​នៃ​ផលិតផល​របស់​ខ្លួន​នឹង​មាន​កម្រិត​ទាប​។​ 

​ក្រុម​អ្នកវិភាគ​បាន​រំពឹង​ថា​ ក្រុមហ៊ុន​ Apple​ នឹង​នាំមុខ​លើ​ Microsoft​ ដោយ​ធ្វើការ​នាំ​ចេញ​នូវ​ផលិតផល​របស់​ខ្លួន​ច្រើន​ជាង​ 18​ លាន​គ្រឿង​ នៅ​ក្នុងឆ្នាំនេះ​ ហើយនឹង​មានការ​កើនឡើង​រហូត​ដល់​ 28​ លាន​គ្រឿង​ នៅ​ក្នុង​ឆ្នាំ​ 2019​ ។​ ម្យ៉ាងវិញទៀត​ ប្រសិនបើ​យើង​គិត​រួម​បញ្ចូល​ទាំង​ប្រព័ន្ធ​ប្រតិបត្តិការ​ Android​ របស់​ក្រុមហ៊ុន​ Google​ គឺ​មានការ​នាំមុខ​យ៉ាង​ខ្លាំង​លើ​ក្រុមហ៊ុន​ទាំង​ពីរ​ ទាំង​ Apple​ និង​ Window​ ដោយ​ក្នុង​ចំណោម​ 2.3​ លាន​គ្រឿង​ នៃ​ការ​នាំ​ចេញ​ក្នុង​ឆ្នាំ​ 2016​ មាន​តែ​ 11.2​ ភាគរយ​តែ​ប៉ុណ្ណោះ​ ដែល​ដំណើរការ​ដោយ​ប្រព័ន្ធ​ប្រតិបត្តិការ​ Window​ របស់​ក្រុមហ៊ុន​ Microsoft​ ។​ 

​សរុប​មក​ ក្រុមហ៊ុន​ Gartner​ បាន​មើលឃើញ​រយះ​ពេល​វែង​ពី​ការ​នាំ​ចេញ​នូវ​ផលិតផល​ទាំងអស់​នៅ​ក្នុង​ឆ្នាំ​ 2017​ នេះ​  ហើយ​ក្រុមហ៊ុន​មួយ​នេះ​ ហាក់​មិន​ត្រូវ​បាន​គេ​រំពឹង​ថា​ នឹង​ទទួល​បាន​កំណើន​នៃ​ការ​នាំ​ចេញ​រហូត​ដល់​ឆ្នាំ​2018​ តែ​សម្រាប់​ក្រុមហ៊ុន​ Microsoft​  ហាក់​ផ្តល់​ក្តី​សង្ឃឹមលើ​ប្រព័ន្ធ​ប្រតិបត្តិការ​ Window​ 10​ សម្រាប់​ទូរស័ព្ទ​ ដែល​កំពុង​តែ​ទទួល​បានការ​ប្រើប្រាស់​ពី​ដៃគូរ​សហការ​របស់​ក្រុមហ៊ុន​ដ៏​ទៃ​ដូច​ជា​ HP​ Elite​ X3​ ជាដើម​ ហើយ​មួយវិញទៀត​ គឹ​ការ​សហការ​ពី​ក្រុមហ៊ុន​សាជីវកម្ម​ក្នុង​ការ​ទទួលយក​នូវ​បទ​ពិសោធន៍​ក្នុង​ការ​ប្រើប្រាស់​ Window​ 10​ សម្រាប់​កុំ​ព្យួ​ទ័​រ​ Laptop​ ឬ​ Desktop​ របស់​ពួក​គេ​៕

© 2015 Electronic World Magazine (Cambodia). All rights reserved.

Follow Us