កាលពីពេលថ្មីៗ មានរបាការណ៍មួយបានបង្ហាញថា ក្រុមហ៊ុន Apple ទំនងជាអាចនឹងធ្វើការបង្ហាញចេញជាផ្លូវការនូវផលិត iPad មួយចំនួនក្នុងខែមេសាឆ្នាំ 2017 នេះ។ ហើយពេលនេះ ក៏មានការបញ្ជាក់ពីប្រភពដ៏គួរឲ្យទុកចិត្តមួយ ពីលោក Ming-Chi Kuo ដែលជាអ្នកវិភាគមួយរូបរបស់ក្រុមហ៊ុន KGI Securities ជាមួយនឹងបទពិសោធន៍ ដែលធ្វឲ្យពាក្យចរចាមអារាមរបស់ Apple ក្លាយមកជាការពិត។ នៅក្នុងរបាយការណ៌សើុបអង្កេតចុងក្រោយរបស់លោក ក្នុងការវិភាគ លោក Kuo បានបង្ហាញថា ក្រុមហ៊ុន Apple បាននឹងកំពុងតែធ្វើការងារនៅលើផលិតផល iPad Pro ចំនួនបីម៉ូដែលផ្សេងគ្នា ដែលមានម៉ូដែល 12.9 អីុង ម៉ូដែល 10.5 អីុង ជាមួយកញ្ចក់អេក្រង់ស្មើហ្គេមខាង និងម៉ូដែល 9.7 អីុង ។
គួរបញ្ចាក់ផងដែរថា ពីរម៉ូដែលដំបូងត្រូវបានដាក់ឲ្យប្រើប្រាស់ជាមួយបន្ទះឈីប A10X ដែលសមត្ថភាពលើសពី iPhone 7 ទៅទៀត។ ចំណែកម៉ូដែល 9.7 អីុង នឹងត្រូវបានត្រឡប់ទៅប្រើបន្ទះឈីបជំនាន់ iPhone 6s នោះគឺ A9 ។ លោក Kuo ក៏បានបង្ហាញទំនុកចិត្តយ៉ាងមុតមាំទៅលើ ម៉ូដែល 9.7 អីុង ថាជាម៉ូដែលតំណាងឲ្យមានការកើនឡើងប្រមាណជាង 60 ភាគរយ សម្រាប់ការនាំចេញផលិតផល iPad សរុបនៅក្នុងឆ្នាំនេះ។ បើទោះបីជាសក្តានុពលនៃនាំចេញមានការធ្លាក់ចុះក្នុងកម្រិត 10 ភាគរយ ពីមួយឆ្នាំទៅមួយឆ្នាំក៏ដោយ ហើយលោក Kuo បានគិតថា ផលិតផលម៉ូដែលថ្មីនេះ នឹងទទួលបានតម្លៃនៃការលក់ជាមធ្យមមានភាពល្អប្រសើរជាងមុន និងអាចបង្កើននៅប្រាក់ចំណូលកាន់តែខ្ពស់ផងដែរ។
Ming-Chi Kuo បានបញ្ជាក់ផងដែរថា មិនមានប្រភពណាមួយបញ្ជាក់ពីវត្តមានរបស់ iPad mini នោះឡើយ ទាំងក្នុងពេលនេះ និងនៅក្នុងរបាករណ៍មុនៗ។ ហើយជោគវាសនារបស់វា នៅមិនទាន់ច្បាស់នៅឡើយ ថាអាច នឹងមានវត្តមាន ឬអត់នៅពេលខាងមុខ ខណះដែលខ្សែស្រឡាយរបស់ iPad mini មិនមានការកែប្រែតាំងពីឆ្នាំ2015 មកម្លេះ៕
