នៅមិនយូរទៀតទេ ក្រុមហ៊ុន Samsung នឹងធ្វើការកំណត់នូវកាលបរិច្ឆេតជាក់លាក់មួយសម្រាប់ការបង្ហាញចេញនូវកំពូលទូរស័ព្ទស្មាតហ្វូនរបស់ដូចជា Galaxy S8 , Galaxy S8 Edge និង Galaxy S8 Plus ជាដើម។ កន្លងទៅអស់រយះពេលប្រហែល 2 ឬ 3 ខែមុន ក៏មានការទស្សទាយមួយផងដែរថា ព្រឹត្តិការណ៍ដ៏អស្ចារ្យរបស់ក្រុមហ៊ុនយក្សមួយនេះ អាចប្រព្រឹត្តិទៅនៅថ្ងៃទី 26 ខែកុម្ភះ ឆ្នាំ2017 ខាងមុខនេះហើយ។
ពាក្យចរចាមអារាមជាច្រើនទាក់ទងនឹងការប្រកាសចេញជាផ្លូវការនេះ ត្រូវបានក្លាយជាប្រធានបទដ៏ក្ដៅគគុកមួយ ដែលត្រូវបានគេលើកយកមកជជែកគ្នាឥតឈប់ឈរ រហូតដល់ថ្ងៃដែលក្រុមហ៊ុន Samsung សម្រេចប្រកាស់ជាផ្លូវការពិតប្រាកដ។ បច្ចេកវិទ្យា អេក្រង់ Edge-to-edge bezel-busting display មុខងារស្គ៊ែនក្រយ៉ៅដៃ fingerprint scanners , ការបំពាក់កាមេរ៉ាភ្លោះ dual-lens cameras ជាដើម ត្រូវបានគេចាត់ទុកថាជាបច្ចេកវិទ្យានិងមុខងារដ៏ពិសេសអស្ចារ្យបំផុតដែលមានវត្តមាននៅលើស្មាតហ្វូន Galaxy S8 នេះ ហើយការពិតនឹងត្រូវបង្ហាញ ហើយក្រុមហ៊ុន Samsung កំពុងតែធ្វើការងារមួយដ៏ពិសេសដើម្បីបំពេញតាមការរំពឹងទុកយ៉ាងខ្ពស់របស់អតិថិជនរបស់ខ្លួន។
ដូច្នេះ ដើម្បីដឹងកាន់តែច្បាស់ថា លក្ខណះពិសេសទាំង 8 នោះពិសេសយ៉ាងណានេះ យើងមកមើលទាំងអស់គ្នាដូចខាងក្រោម៖
1.អេក្រង់ធំជាងមុន ស្មើហ្គេមខាង Larger displays with minimal bezels: ចំណុចនេះគឺកាន់តែរសើប ដោយសារតែអ្នកគ្រប់គ្នាគិតថា ក្រុមហ៊ុន Samsung បាននឹងកំពុងតែធ្វើការរចនានិងបំពាក់នូវអេក្រងធំស្មើហ្គេមទូរស័ព្ទ និងមានចែកជាអេក្រង់ edge displays មួយផ្នែកទៀត ដែលជំនួសក្នុងប្រើប្រាស់ហ្គេមខាងលើនិងខាងក្រោម និងកាន់តែមានភាពងាយស្រួលក្នុងការប្រើប្រាស់មួយកម្រិតទៀត។
2.មុខងារស្គ៊ែនក្រយ៉ៅដៃផ្ទាល់លើកញ្ចក់អេក្រង់ Fingerprint scanner embedded within the display: លោកអ្នកធ្លាប់តែឃើញទូរស័ព្ទស្មាតហ្វូនម៉ូដែលមុនៗរបស់ Samsung គឺប្រើប្រាស់ប៊ូតុងហ៊ូមស្គ្រីន ប៉ុន្តែសម្រាប់ Samsung Galaxy S8 នេះវិញ គឹមានសមត្ថភាពពិសេសអាចឲ្យលោកអ្នកធ្វើការស្គ៊ែនក្រយ៉ៅដៃបានគ្រប់កន្លែងផ្ទាល់លើកញ្ចក់អេក្រង់របស់វាតែម្តង។
3.ការបង្ហាញនៅលើអេក្រង់កាន់តែអស្ចារ្យ ជាមួយបច្ចេកវិទ្យា Force Touch, 3D Touch: ពាក្យចរចាមអារាមមួយផ្សេងទៀតបាននិយាយថា ក្រុមហ៊ុន Samsung បាននឹងកំពុងតែព្យាយាមបង្ហាញនិងបំពាក់នូវបច្ចេកវិទ្យាអេក្រង់ Force Touch សម្រាប់ម៉ូដែល Galaxy S8 ដែលផ្តល់នូវលក្ខណះពិសេសក្នុងការប្រើប្រាស់លើអេក្រង់កាន់តែងាយស្រួល កាន់តែពិសេសទៀតនោះ គឹទាំងម៉ូដែល Galaxy S8 និង Galaxy S8 Edge នឹងមានបំពាក់ភ្ចាប់មកជាមួយបច្ចេកវិទ្យា 3D Touch ផងដែរ។
4.ប៊ិច S-Pen សម្រាប់ប្រើប្រាស់ជាមួយ S8 Plus Samsung Galaxy S8 Plus ត្រូវបានគេនិយាយតគ្នាថា នឹងមានភ្ចាប់មកជាមួយប៊ិច S-Pen តែវាមិនត្រូវបានដាក់បញ្ចូលដូចជាម៉ូដែល Galaxy Note នោះទេ តែវាត្រូវបានដាក់លក់ភ្ចាប់មកជាមួយគ្នាតែប៉ុណ្ណោះ។
5.រន្ធបំពងសម្លេងប្រភេទ Stereo speakers: ពាក្យចរចាមអារាមចុងក្រោយ ដែលយើងទទួលបាននោះគឹរន្ឌបំពងសម្លេងរបស់ Galaxy S8 និង Galaxy S8 Edge នឹងមានបំពាក់ភ្ជាប់នូវរន្ធបំពងសម្លេងជាប់នឹងម៉ាស៊ីុនទូរស័ព្ទតែម្តង ជាមួយនឹងការរចនានៅផ្នែកខាងក្រោមទូរ័សព្ទ ដែលមានសមត្ថភាពក្នុងការបន្លឺសម្លេងបានយ៉ាងខ្លាំងនិងពិរោះរណ្តំចិត្តតែម្តង។
6. ចំណុចដ៏ទាក់ទាញគឺកមេរ៉ា Selfie Autofocusing selfie camera : ជាការពិតណាស់ លោកអ្នកប្រកដជាភ្ញាក់ផ្អើលជាមួយកាមេរ៉ាខាងមុខទំហំធំជាងមុន 8 មេហ្គាភិចសែល ដែលផ្តល់ជូននូវការថតរូបភាពបែប Selfie បានកាន់តែច្បាស់ល្អ និងមានពាក្យចរចាមអារាមថា អាចនឹងមានកាមេរ៉ាភ្លោះ Dual-Front Camera ផងដែរ។
7. មុខងារតភ្ជាប់ពីទូរស័ព្ទទៅកាន់ម៉ូនីទ័រ Continuum-like feature: ក្រុមហ៊ុន Samsung នឹងបំពាក់មកជាមួយនូវមុខងារ Continuum ដែលមានសមត្ថភាពក្នុងការភ្ចាប់ទៅកាន់ម៉ូនីទ័រផ្សេងទៀត ដើម្បីងាយស្រួលក្នុងការប្រើប្រាស់ ដែលត្រូវបានគេឲ្យឈ្មោះម្យា៉ងទៀតថា "Desktop Experience" ដែលជាបទពិសោធន៍ថ្មីសម្រាប់ការប្រើប្រាស់ទូរស័ព្ទជាម៉ាស៊ីនកុំព្យួទ័រ។
8. ផ្នែករឹងខ្លាំងក្លា ៖ RAM ទំហំ 8GB, បន្ទះឈីប Snapdragon 835, Exynos 8895
លើសពីអ្វីដែលយើងរំពឹងគិតដល់ Samsung Galaxy S8 និង S8 Edge ត្រូវបានបំពាក់មកជាមួយផ្នែករឹងខ្ពស់ មានសមត្ថភាពកាន់តែអស្ចារ្យ ដោយប្រើប្រាស់នូវបន្ទះឈីបសេ៊រីចុងក្រោយរបស់ក្រុមហ៊ុន Qualcomm ម៉ូដែល Snapdragon 835 រួមជាមួយនឹងបន្ទះឈីបផ្ទាល់ខ្លួន Exynos 8895 និងមានពាក្យចចាមអារាមថា និងអង្គគណនាប្រាំបីគ្រាប់ Octa-Core Exynos M2 ដែលធ្វើឲ្យការដំណើរការគ្មានពាក្យថា ទាក់នោះទេ។ មួយវិញទៀត វាក៏មាន RAM ទំហំ 8GB ផងដែរ ដែលកាន់តែមានភាពអស្ចារ្យមួយកម្រិតថែមទៀត។ ដូច្នេះ សម្រាប់ក្រុមហ៊ុន Samsung គ្មានពាក្យចាញ់នោះទេ សម្រាប់ការប្រកួតប្រជែង៕
