ការទន្ទឹងរងចាំរបស់អ្នកប្រើប្រាស់ស្មាតហ្វូនជំនាន់ Xperia Z5 របស់ SONY ដើម្បីដំឡើងទៅកាន់ប្រតិបត្តិការ Android ជំនាន់ចុងក្រោយគឺ Nougat v7.0 ឥលូវនេះវាបានមកដល់ហើយដោយ SONY បានប្រកាសដាក់ឲ្យដំឡើងបានហើយ ក្នុងពេលនេះ។ មួយថ្ងៃបន្ទាប់ក្រោយពីទទួលបានវិញ្ញាបនប័ត្រពី Google ក្នុងការដាក់ឲ្យអាប់ឌែតប្រតិបត្តិការ Nougat ដែលជាប្រិតបត្កិជំនាន់ចុងក្រោយក្រុមហ៊ុន SONY បានប្រកាសដាក់ឲ្យធ្វើការអាប់ឌែតជាមួយកំនែប្រែ Version 32.3.A.0.372 ជាមួយទំហំ 1.3GB ដែលវាអនុញ្ញាត្តិឲ្យអ្នកប្រើប្រាស់អាចដំឡើងបានដោយផ្ទាល់ក្នុងទូរស័ព្ទតាមរយះប្រព័ន្ធ Wi-Fi ឬក៏តាមរយះកម្មវិធី Xperia Companion នៅលើកុំព្យូទ័រ។
ក្រោយពេលដំឡើងបានជោគជ័យលោកអ្នក នឹងទទួលបានមុខងារប្រើប្រាស់ថ្មីៗដូចជា Split-screen multitasking, Google Now នៅលើផ្ទៃហូមស្គ្រីនកាន់តែមានភាពឆ្លាតវៃ, មុខងារ Smarter Home, ជួយបង្កើនសមត្ថភាពថ្ម បង្កើនមុខងារកាមេរ៉ាក្រោយ និងមុខងារកំនត់ពេលថតសម្រាប់កាមេរ៉ាមុខ timer for selfie cam និងមុខងារថ្មីៗជាច្រើនទៀតដែលលោកអ្នកអាចចូលទៅមើលនូវព័ត៌មានលម្អិតក្នុងគេហទំព័រផ្លូវការណ៍របស់ក្រុមហ៊ុនតាមរយះ www.sonymobile.com/nougat បាន៕