ជំនួញអាជីវកម្មរបស់ក្រុមហ៊ុន Ford មានគម្រោងក្នុងការវិវត្តន៍ទៅមួយជំហានទៀត ហើយនាពេលណាមួយក្នុងពេលអនាគតឆាប់ៗនេះ។ ក្រុមហ៊ុនផលិតរថយន្តដ៏ល្បីល្បាញនេះ មានគម្រោងផែនការធំៗ ជាច្រើនក្នុងការផ្លាស់ប្តូរពីក្រុមហ៊ុនលក់ឡាន ទៅជាក្រុមហ៊ុនមួយដែលមានសារៈសំខាន់សម្រាប់វិស័យចល័តទាំងអស់។ ក្រោមការដឹកនាំរបស់នាយកប្រតិបត្តិលោក Mark Fields ក្រុមហ៊ុន Fords បានធ្វើការវិនិយោគទៅលើវិស័យបច្ចេកវិទ្យារថយន្តស្វ័យ័ត រថយន្ត ដែលប្រើប្រាស់អគ្គីសនី និងសេវាម្មដឹកជញ្ជូន ដើម្បីប្រែក្លាយក្រុមហ៊ុនមួយនេះ ជាទម្រង់ថ្មីមួយទៀតនៅក្នុងសម័យកាលថ្មីនេះ។
ថ្មីៗនេះ មានស្តប័នជាច្រើនក៏មានឱកាសក្នុងការនិយាយជាមួយនឹងលោក Fields អំពីផែនការថ្មី របស់ក្រុមហ៊ុនក្នុងវិស័យរថយន្តអគ្គីសនី និងគម្រោងផែនការនៅក្នុងសេវាកម្មដឹកជញ្ជូនរបស់ក្រុមហ៊ុនរថយន្តមួយនេះ។ ក្រុមហ៊ុន Ford ក៏ដូចជាក្រុមហ៊ុនផលិតរថយន្តជាច្រើនទៀតកំពុងតែជម្រុញខ្លាំងទៅលើវិស័យបច្ចេកវិទ្យារថយន្តបើកបរដោយខ្លួនឯង។ ប៉ុន្តែវាមានលក្ខណៈខុសពីដៃគូប្រកួតប្រជែងរបស់ខ្លួន រថយន្តបើកបរដោយខ្លួនឯងដំបូងបំផុតរបស់ក្រុមហ៊ុន Ford នឹងបញ្ចប់រួចរាល់នៅក្នុងឆ្នាំ 2021 ហើយ វាអាចបើកបរបានដោយមិនចាំបាច់មានមនុស្សបញ្ជានោះទេ។ នៅក្នុងការអភិវឌ្ឍនេះ រថយន្តនេះ មិនមានហ្វ្រាំង ហ្គែរ និងចង្កូតនោះទេ។ លោក Fields និយាយថា រថយន្តនេះ ជាប្រភេទ Hybrid ហើយអាចថែមទាំងអាចជិះកាត់កន្លែងដែលធ្លាក់ព្រិលបានថែមទៀតផង។ ក្រុមហ៊ុន Ford ត្រៀមខ្លួនក្នុងការនាំយកនូវបច្ចេកវិទ្យាថ្មីៗ ដើម្បីបង្កើតនូវឱកាសអាជីវកម្មជាច្រើនទៀតពិសេសនៅក្នុងតំបន់ទីក្រុង។
លោក Fields បាននិយាយថា “គោលដៅរបស់យើងនៅលើវិស័យរថយន្តស្វ័យប្រវត្តិនេះ គឺស្របតាមយុទ្ធសាស្ត្ររបស់ស្ថាបនិកលោក Henry Ford ដែលប្រឹងប្រែងទៅលើបច្ចេកវិទ្យាមួយនេះ។ យើងមិនគ្រាន់តែផលិតរថយន្តទំនើបសម្រាប់អ្នកដែលអាចទិញរថយន្តមានតម្លៃថ្លៃប៉ុណ្ណោះទេ គោលដៅរបស់យើងគឺប្រើប្រាស់នូវបច្ចេកវិទ្យាទាំងអស់នេះសម្រាប់ឱ្យមនុស្សគ្រប់គ្នាមានលទ្ធភាពក្នុងការទិញយកទៅប្រើប្រាស់បាន។ ក្រុមហ៊ុន Ford នៅមិនទាន់បានប្រកាសពីទីកន្លែងដែលរយន្តបើកបរដោយខ្លួនឯងធ្វើការតេស្តសាកល្បងនោះទេ ប៉ុន្តែលោក Fields បានបន្ថែមថា ក្រុមហ៊ុន Ford ស្វាគមន៍ក្នុងការចាប់ដៃគូជាមួយនឹងសេវាកម្មឡានតាក់ស៊ី ឬសេវាកម្មផ្សេងទៀតដែលស្ថិតនៅក្នុងទីក្រុង។
លោក Fields និយាយថា “ប្រសិនបើអ្នកគិតទៅលើទីផ្សារជាច្រើននោះ ជាក់ស្តែងណាស់ គឺស្ថិតនៅក្នុងទីក្រុង រថយន្ត ដែលបើកបរដោយខ្លួនឯង នឹងសំបូរជាក់ជាមិនខាននៅក្នុងទីក្រុង ប៉ុន្តែបើនៅជាយក្រុង ឬជនបទប្រហែលជា វាមិនអាចនោះទេ។ នៅទីក្រុង វាមានរយន្តជាច្រើន ដែលធ្វើដំណើរនៅក្នុងវិស័យពាណិជ្ជកម្មរបស់ពួកគេហើយយើងចង់បន្តការរីកលូតលាស់នៅទីនេះ។” គួរបញ្ជាក់ផងដែរថា ការកើនឡើងនៃរថយន្តអគ្គីសនី និងរថយន្តដែលបើកបរដោយខ្លួនឯងបានជម្រុញឱ្យក្រុមហ៊ុន Ford ធ្វើការពិចារណាឡើងវិញទាំងស្រុងទៅលើវិធីនៃការធ្វើអាជីវកម្មរបស់ខ្លួន។