កាលពីថ្ងៃទី 21 ខែមិថុនា ឆ្នាំ 2014 ក្រុមហ៊ុន Samsung និងក្រុមហ៊ុន KLDis បានរៀបចំកម្មពិធីសម្ពោធផលិតផលជាផ្លូវការក្នុងគោល បំណងដើម្បីណែនាំផលិតផលបច្ចេកវិជ្ជាថ្មីដល់គ្រួសារទាន់សម័យ និងពិធីជប់លៀងថ្លែងអំណរគុណដៃគូចែកចាយរបស់ខ្លួនទាំងអស់ចំពោះការគាំទ្រអស់ពីចិត្ត និងដើម្បីពង្រឹងទំនាក់ទំនងឱ្យកាន់តែរឹងមាំដើម្បីចាប់ដៃគ្នាដើរលើវិថីនៃភាពជោគជ័យដែលគ្មានទីបញ្ចប់។ អ្វីដែលពិសេស និងដ៏គួរឱ្យកត់សម្គាល់នៅក្នុងកម្មពិធីនេះ គឺការដាក់តាំងបង្ហាញផលិតផលច្នៃប្រឌិតថ្មី ទូរទឹកកក Samsung Food ShowCase និងម៉ាស៊ីនបោកសំលៀកបំពាក់ Samsung WW9000។
នៅក្នុងព្រឹត្តិការណ៍នោះលោក ហ្គីហាន់លី នាយកគ្រប់គ្រង ថៃសាមសុង អេឡិចត្រូនិក ប្រចាំប្រទេសកម្ពុជា និង ឡាវក៏បានមាន ប្រសាសន៍ថា "ព្រឹត្តិការណ៍ថ្ងៃនេះមានគោលបំណង 2 សំខាន់ ដោយទី 1 គឺកម្មពិធីជប់លៀងសម្រាប់ដៃគូចែកចាយទាំងអស់ដើម្បីបង្ហាញពីការដឹងគុណ ក៏ដូចជាសូមអរគុណអស់ពីចិត្តចំពោះការខិតខំប្រឹងប្រែងជាមួយក្រុមហ៊ុន Samsung និងទី 2 នោះគឺការបង្ហាញផលិតផលបច្ចេកវិជ្ជាច្នៃប្រឌិតថ្មី 2 ពី Samsung សម្រាប់គ្រួសារទាន់សម័យគឺ ទូរទឹកកក Samsung Food ShowCase និងម៉ាស៊ីនបោកសំលៀកបំពាក់ Samsung WW9000។ ផលិតផលទាំងពីរនេះនឹងធានាក្នុងការផ្តល់ឱ្យលោកអ្នកនូវពេលវេលាបន្ថែមសម្រាប់គ្រួសារ។ យើងដឹងច្បាស់តាមរយៈការសិក្សាពីរបៀបរស់នៅ និងតម្រូវការអ្នកប្រើប្រាស់ដែលចង់បានការប្រតិបត្តិការរហ័សដោយមិនចាំបាច់ចំណាយក្នុងការរង់ចាំ និងការរួមបញ្ចូលគ្នាជាមួយនឹងការបង្កើត និងការរចនាដ៏ប៉ិនប្រសប់របស់យើង។ ដោយជាលទ្ធផលយើងបានរកឃើញដំណោះស្រាយដ៏ល្អឥតខ្ចោះសម្រាប់រាល់សមាជិកនៃគ្រួសាររបស់អ្នក គឺទូរទឹកកក Samsung Food ShowCase និងម៉ាស៊ីនបោកសំលៀកបំពាក់ Samsung WW9000។"
ដូចអ្វីដែលក្រុមហ៊ុន Samsung ជាម៉ាកផលិតផលបច្ចេកវិជ្ជាដ៏គួរឱ្យជឿទុកចិត្ត ដូច្នេះរាល់ផលិតផលរបស់ក្រុមហ៊ុន Samsung តែងតែភ្ជាប់មកជាមួយលក្ខណៈពិសេសពីម៉ាកដទៃ។ ហើយពេលនេះក៏ដូចរាល់ដង ក្រុមហ៊ុន Samsung សូមណែនាំទូរទឹកកក Samsung Food ShowCase និងម៉ាស៊ីនបោកសំលៀកបំពាក់ Samsung WW9000។ ទូរទឹកកក Samsung Food ShowCaseត្រូវបានរចនាឡើងដើម្បីអនុញ្ញាតឱ្យប្រើប្រាស់អាចដំណើរការតាមកម្រិតដែលពួកគេចង់ប្រើដោយមានការចែកជាថ្នាក់ៗដ៏ឆ្លាតវៃនៅក្នុងទូរទឹកកក។ ការបង្កើតថ្មីនេះផ្តោតយ៉ាងសំខាន់លើផ្នែក ShowCase និង InnerCase។ ផ្នែក ShowCase សម្រាប់ដាក់របស់ដែលត្រូវការជាញឹកញាប់ដូចជាភេសជ្ជៈជាដើម ចំណែកឯផ្នែក InnerCase វិញ គឺសម្រាប់ទុកដាក់គ្រឿងផ្សំផ្សេងៗដែលទុកបានយូរ។ផ្នែក Showcase ត្រូវបានបង្កើតឡើងសម្រាប់រៀបចំ និងការប្រើប្រាស់លើផ្នែកម្ហូបអាហារដែលមានភាពងាយស្រួលដែលត្រូវបានបែងចែកជា 3 ផ្នែក ដូចជាថតដាក់ម្ហូបអាហារ (ថតលើ) - ថតដាក់ទឹកជ្រលក់ ឬ ប័រ ដែលជាផ្នែកគ្រួសារ (ថតកណ្តាល) និងថតដាក់ភេសជ្ជៈ & ចំណី និងផ្នែកសម្រាប់កុមារ (ថតក្រោម) - សម្រាប់ភាពងាយស្រួលរបស់កុមារ។ ឧទាហរណ៍កុមារអាចទាញយករបស់នៅថតក្រោមដែលគេត្រូវការដោយងាយស្រួល។ ចំពោះផ្នែក Inner Case ត្រូវបានបង្កើតឡើងដើម្បីរក្សាទុកម្ហូបអាហារ ឬ សាច់បន្លែ និងផ្លែឈើ។ ជាលទ្ធផល វាអាចរក្សាភាពស្រស់ល្អនៃផ្លែឈើ និងបន្លែ។
និយាយអំពីម៉ាស៊ីនបោកខោអាវ Samsung WW9000 អ្នកប្រាកដជាភ្ញាក់ផ្អើលជាមួយនឹងការរចនារាងតូចច្រឡឹងយ៉ាងប្រណិត ដែលសមឥតខ្ចោះជាមួយនឹងគេហដ្ឋានដ៏ទំនើបរបស់អ្នក និងប្រព័ន្ធដំណើរការដ៏ឆ្លាតវៃ។ ម៉ាស៊ីនបោកខោអាវ WW9000 ថ្មីនេះនឹងផ្លាស់ប្តូរបទពិសោធន៍វិធីបោកខោអាវជាមួយភាពងាយស្រួលនៃការបញ្ជានៅលើអេក្រង់ Touch Screen ដែលអនុញ្ញាតឱ្យអ្នកជ្រើសរើសនិងការកំណត់។ ហើយវាក៏មានបំពាក់បច្ចេកវិជ្ជា ecobubble បោកត្រជាក់ដែលអាចជួយសន្សំសំចៃថាមពលបានខ្ពស់។ នៅមានលក្ខណៈពិសេសជាច្រើនដូចជាសម្លេងស្ងាត់ល្អ កម្រិតញ័រតិច ប្រព័ន្ធដំណើរការអស្ចារ្យ និងចំណុចពិសេសៗជាច្រើនទៀត។ ហើយអ្វីដែលអស់ទាស់នោះ គឺអ្នកអាចបញ្ជាបោកសម្លៀកបំពាក់តាមរយៈទូរស័ព្ទដៃស្មាតហ្វូនផងដែរ។សង្ឃឹមថាលោកអ្នកនឹងត្រៀមខ្លួនជាស្រេចដើម្បីទទួលយកបទពិសោធន៍នៃផលិតបច្ចេកវិជ្ជាច្នៃប្រឌិតថ្មីទាំង 2 នេះសម្រាប់ជាគុណប្រយោជន៍ ភាពងាយស្រួល និង ភាពទាន់សម័យសំរាប់ គ្រួសារអ្នក។
Samsung Electronics co., Ltd គឺជាក្រុមហ៊ុននាំមុខគេក្នុងពិភពលោកលើផលិតផល បច្ចេកវិជ្ជាដ៏សម្បូរបែបតាម រយៈការបង្កើតថ្មី និងរបកគំហើញឥតឈប់ឈរ។ យើងមា បុគ្គលិកចំនូន 286.000 នាក់ នៅទូទាំង 80 ប្រទេសដោយមានបរិមាណលក់ប្រចាំឆ្នាំចំនួន 216.7 ពាន់លានដុល្លារ អាមេរិក។ ព័ត៌មានបន្ថែមសូមមើលគេហទំព័រ www.samsung.com។