កាលពីថ្ងៃទី 11 ខែ មេសា ឆ្នាំ 2014 ក្រុមហ៊ុន Samsung បានរៀបចំកម្មវិធីរត់ហាត់ប្រាណដើម្បីសុខភាព Samsung Runner 5 ក្នុងគោល បំណងលើកកម្ពស់អំពីបញ្ហាសុខភាពដល់ប្រជាជនកម្ពុជាទាំងអស់។ ក្នុងកម្មវិធីនោះ យើងក៏ឃើញមានវត្តមាន កញ្ញា ឱក សុគន្ធកញ្ញា ដែលជាអ្នកតំណាងផលិតផល Samsung និងជាតារាចម្រៀងល្បីបំផុតក្នុងប្រទេសកម្ពុជា ជាមួយមិត្តភក្តិ និងបុគ្គលិកក្រុមហ៊ុន Samsung ក្នុងឈុតសម្លៀកបំពាក់កីឡា ជាមួយនាឡិកា Samsung Gear Fit ដើម្បីរត់ហាត់ប្រាណចំងាយ 1,052 ម៉ែត្រ ដោយចាប់ផ្តើមពី ពហុកីឡាដ្ឋាន អូឡាំពិក រួចឆ្លងកាត់មហាវិថីសីហនុ ដើម្បីទៅដល់ហាងលក់ទូរស័ព្ទទំនើប Samsung KLD 3 ដែលជាទីផ្តាច់ព្រ័ត្រ។
ក្នុងរយៈចំងាយនោះ ក្រុមអ្នកចូលរួមរត់ហាត់ប្រាណបានចូលសម្រាកនៅហាងលក់ទូរស័ព្ទទំនើប នី កា និងសៀង លីន ដោយពួកគាត់អាចទទួលបាននូវបទពិសោធន៍ប្រើប្រាស់សាកល្បង ទូរស័ព្ទ Samsung Galaxy S5 ដែលទើបតែចេញថ្មីៗនេះ ថាតើទូរស័ព្ទនេះមានភាពអស្ចារ្យលើសគេលើ ចំណុចណាខ្លះ។
ក្នុងអំឡុងពេលឈប់សម្រាកនៅហាងលក់ទូរស័ព្ទទាំង 2 នេះ កញ្ញា ឱក សុគន្ធកញ្ញា បានធ្វើការសាក សួរអំពីទូទៅ ក៏ដូចជាផលិតផល Samsung ដែលមាននៅក្នុងហាងរបស់គាត់ និងការលក់ផងដែរ។ យោងតាមម្ចាស់ហាង នីកា បានមានចំណាប់អារម្មណ៍លើទូរស័ព្ទ Samsung Galaxy S5 ថា “ចំណុចដែល Samsung Galaxy S5 ផ្តល់ជូនពិសេសអស្ចារ្យប្លែកជាងគេ គឺ កម្មវិធី សុខភាពដែល បំពាក់ក្នុងទូរស័ព្ទស្រាប់ ដែលប្រៀបដូចជាវេជ្ជបណ្ឌិតប្រចាំខ្លួនសម្រាប់ផ្តល់ជូននូវ ព័ត៌មានទុកចិត្តអំពី ការថែទាំសុខភាព។ ជាមួយចំណុចពិសេសជាច្រើនរបស់ទូរស័ព្ទ Samsung Galaxy S5 មាន អតិថិជនជាច្រើនបានអញ្ជើញមកសាកសួរ និងកុម្ម៉ង់ទិញអស់ជាច្រើនគ្រឿង តាំងពីមិនទាន់មានលក់ នៅលើទីផ្សារ”។ រីឯម្ចាស់ហាងទូរស័ព្ទ សៀង លីន ក៏បានមានចំណាប់អារម្មណ៍ លើទូរស័ព្ទ Samsung Galaxy S5 ដែរថា “ទូរស័ព្ទ Samsung Galaxy S5 ដែលទើបចេញថ្មីនេះ មានចំណុច និងមុខងារពិសេសជាងគេ។ ចំណុចដែលគួរកត់សម្គាល់នោះ គឺ ទូរស័ព្ទថ្មីនេះ មិនជ្រាបទឹក ក៏ដូចជា សមត្ថភាពកាមេរ៉ាដែលអាចរូបថតច្បាស់ល្អ ជាមួយល្បឿនលឿននៃប្រព័ន្ធដំណើរការ និងអ៊ីនធើណិត ផងដែរ។ តាមរយៈបច្ចេកវិជ្ជាថ្មី ទំនើបចុងក្រោយរបស់ Samsung Galaxy S5 ខ្ញុំជឿថាពិតជាជួយ ជំរុញការលក់បានរហ័សសម្រាប់ ហាងខ្ញុំ និងហាងទូរស័ព្ទដទៃ”។
កម្មវិធីរត់ហាត់ប្រាណ Samsung Runner 5 ត្រូវបានរៀបចំឡើងក្នុងគោលបំណងផ្សាភ្ជាប់រវាង បច្ចេកវិជ្ជា និងសុខភាព។ ហើយនេះបង្ហាញយ៉ាងច្បាស់ថា Samsung ចង់ពង្រីកសក្តានុភាពជាអ្នកនាំ មុខគេជាមួយមោទនភាពផ្នែកបច្ចេកវិជ្ជា ដូចជាការបង្កើតនូវនាឡិកា Samsung Gear Fit ដែលផ្សា ភ្ជាប់រវាង សុខភាព និងការរស់នៅប្រចាំថ្ងៃរបស់យើងទៅនឹងទូរស័ព្ទដៃ។
នាឡិកា Samsung Gear Fit ត្រូវបានគ្រប់គ្នាស្គាល់ថាជាដំណោះស្រាយបញ្ហាសុខភាពទំនើបចុង ក្រោយ ដែលបានរចនាឡើងដើម្បីផ្តល់ភាពងាយស្រួលនៅពេលពាក់ ជាមួយអេក្រង់ភ្លឺច្បាស់ត្រជាក់ ភ្នែក។ បើប្រៀបធៀបទៅនឹងឧបករណ៍សុខភាពពាក់ដៃផ្សេងៗ នាឡិកា Samsung Gear Fit ផ្តល់ជូនអត្ថប្រយោជន៍ ច្រើនជាងគេដូចជា សារជូនដំណឹងបន្ទាន់ ពីទូរស័ព្ទស្មាតហ្វូន Galaxy ដូចជាការហៅទូរស័ព្ទចូល អ៊ីម៉ែល សារ SMS ការជូនដំណឹង S-planner កម្មវិធី 3rd party ក្នុង ខណៈពេលដែលលោកអ្នកកំពុងធ្វើការផ្សេងៗ ដូច្នេះលោកអ្នកនៅតែអាចភ្ជាប់ទំនាក់ទំនងបាន។ អ្វីដែលពិសេសជាងនេះទៅទៀតគឺ នាឡិកា Samsung Gear Fit ផ្តល់ជូននូវអត្ថប្រយោជន៍នៃការ ណែនាំ ក៏ដូចជាដំបូន្មានអំពីលំហាត់ប្រាណសុខភាពដែលមិនមានក្រុមហ៊ុនបច្ចេកវិជ្ជាណាផ្តល់ជូនដូច នេះបានទេ។ ហើយទោះបីជាទូរស័ព្ទ Samsung Galaxy S5 មិនមែនជាឧបករណ៍ត្រួតពិនិត្យ សុខភាព ប៉ុន្តែទូរស័ព្ទនេះមានតួនាទីដែលយើងអាចហៅបានថាជាអ្នកជំនួយការសុខភាពដោយផ្តល់ ដំណឹង ក៏ដូចជាការណែនាំទាក់ទងនឹងបញ្ហាសុខភាពផ្សេងៗដើម្បីលោកអ្នកទទួលបានសុខភាពល្អ។ក្រុមហ៊ុន Samsung និងកញ្ញា ឱក សុគន្ធកញ្ញា ក៏សូមឱ្យប្រជាជនកម្ពុជាទាំងអស់យកចិត្តទុកដាក់ឱ្យ ខ្លាំងអំពីបញ្ហាសុខភាព និងព្យាយាមស្វែករកពេលសម្រាប់ធ្វើលំហាត់ប្រាណដើម្បីសុខភាពល្អទាំង អស់គ្នា។
ក្រុមហ៊ុន Samsung Electronics co., Ltd គឺជាក្រុមហ៊ុននាំមុខគេលើពិភពលោកផ្នែកបច្ចេកវិជ្ជាដោយផ្ដល់លទ្ធភាពថ្មីៗជូនមនុស្សគ្រប់រូបគ្រប់ទីកន្លែង តាមរយះការបង្កើតថ្មី និងរបកគំហើញឥតឈប់ឈរ យើងកំពុងតែផ្លាស់ប្ដូរយកាន់តែប្រសើរឡើងនូវពិភពទូរទស្សន៏ ស្មាតហ្វូន កុំព្យូទ័រផ្ទាល់ខ្លួន ម៉ាស៊ីនបោះពុម្ភ កាមេរ៉ា ប្រព័ន្ធ LTD ឧបករណ៏ពេទ្យ ឧបករណ៍អគ្គិសនី និងដំណោះស្រាយ LED ក្រុមហ៊ុន Samsung មានបុគ្គលិកចំនូន 286.000 នាក់នៅទូទាំង 80 ប្រទេសដោយមានបរិមាណលក់ប្រចាំឆ្នាំចំនួន 216.7 ពាន់លានដុល្លាអាមេរិច។ព័ត៌មានបន្ថែមសូមមើលគេហទំព័រ www.samsung.com
