ក្រុមហ៊ុន Samsung គឺជាក្រុមហ៊ុនផលិតឧបករណ៍អេឡិចត្រូនិកតែមួយគត់ក្នុងបញ្ជី DISA និង CSFC ក្នុងការរក្សាសុវត្ថិភាពទិន្នន័យរបស់រដ្ឋាភិបាល
កាលពីថ្ងៃទី 21 តុលា កន្លងទៅនេះ ក្រុមហ៊ុន Samsung Electronics បានប្រកាសអំពីសេចក្តីអនុម័តទទួលស្គាល់ដោយរដ្ឋាភិបាលអាមេរិកក្នុងនាមជាដៃគូដំណោះស្រាយបច្ចេកវិជ្ជាធានារក្សាសុវត្ថិភាពទិន្នន័យជាតិចំពោះការគ្រប់គ្រង ក៏ដូចជាផ្ទុកព័ត៌មាន និងឯកសារសំងាត់បំផុតក្នុងទូរស័ព្ទ។ បន្ទាប់ពីបញ្ចប់លើកិច្ចព្រមព្រៀងអនុស្សរៈយោគយល់ទាំង 10 រដ្ឋាភិបាលអាមេរិកបានដាក់បន្ថែមទូទូរស័ព្ទ និង Tablet Samsung ម៉ូឌែល Galaxy S4, Galaxy S5, Galaxy Note 3, Galaxy Note 4, Galaxy Note 10.1 (2014 Edition), Galaxy Note Edge, Galaxy Alpha, Galaxy Tab S 8.4, Galaxy Tab S 10.5 និង ប្រព័ន្ធផ្ទេរទិន្នន័យ Galaxy IPSEC Virtual Private Network (VPN) Client ទៅក្នុងបញ្ជីដំណោះស្រាយពាណិជ្ជកម្មសំងាត់ CSFC ។
នេះគឺជាលទ្ធផលជាក់ស្តែងបង្ហាញពីភាពជោគជ័យរបស់ Samsung ក្នុងដំណាក់កាលធ្វើតេស្តលើប្រព័ន្ធការពារ និងការអនុម័តក្រោមមូលដ្ឋានលក្ខខណ្ឌវិនិច្ឆ័យចម្បងទូទៅចំពោះប្រព័ន្ធការពារបំពាក់លើទូរស័ព្ទដោយរដ្ឋាភិបាលអាមេរិក (MDFPP) និងកម្មវិធីប្រព័ន្ធការពារបណ្តាញ VPN (VPNPP)។ ម៉ូឌែល Samsung ដែលរៀបរាប់ខាងលើអាចរក្សាសុវត្ថិភាពខ្ពស់សម្រាប់បណ្តាញ និងទិន្នន័យសំងាត់របស់រដ្ឋាភិបាល។
រាល់គ្រប់ម៉ូឌែលទាំងអស់នេះមានលក្ខណៈពិសេសដែលមានលទ្ធភាពក្នុងការរក្សាសុវត្ថិភាពខ្ពស់តាមរយៈប្រព័ន្ធកម្មវិធីសុវត្ថិភាព Samsung KNOX។
ដោយយោងតាមសម្តីរបស់លោក JK Shin នាយកប្រតិបត្តិ និងប្រធានផ្នែកព័ត៌មានវិទ្យា និងពាណិជ្ជកម្មទូរស័ព្ទចល័តរបស់ក្រុមហ៊ុន Samsung Electronics បានឱ្យដឹងថា ៖«ការដាក់បញ្ចូលឧបករណ៍អេឡិចត្រូនិកចល័តរបស់ក្រុមហ៊ុន Samsung នៅលើបញ្ជីឧបករណ៍រក្សាសុវត្ថិភាពទិន្នន័យ CSFC បង្ហាញអំពីការផ្តល់ប្រព័ន្ធសុវត្ថិភាពខ្ពស់គ្មានគូប្រៀបស្ថិតក្រោមប្រព័ន្ធសុវត្ថិភាព Knox។ លោកក៏បានបន្ថែមទៀតដែរថា៖ "Samsung កំពុងពង្រឹងប្រព័ន្ធសុវត្ថិភាពនៅលើឧបករណ៍អេឡិចត្រូនិកបន្ថែមដើម្បីដោះស្រាយបញ្ហាសុវត្ថិភាពដែលជាបញ្ហាដ៏ធំចម្បងកំពុងកើនឡើងក្នុងពេលបច្ចុប្បន្ន ហើយយើងក៏មានការប្តេជ្ញាចិត្តផ្តល់ជូននូវទម្រង់បច្ចេកវិជ្ជាសុវត្ថិភាពទូរស័ព្ទដៃដ៏គួរឱ្យទុកចិត្តបំផុត អាចបំពេញសេចក្តីត្រូវការលើគ្រប់ផ្នែកទាំងអាជីវកម្មធនតូន-ធម្យម និងសហគ្រាសរហូតដល់ព័ត៌មានរបស់រដ្ឋាភិបាល ព្រមទាំងទីផ្សារប្បញ្ញត្តិបន្ថែមទៀត។"
កាលពីដើមឆ្នាំ 2014 នេះ ឧបករណ៍អេឡិកត្រូនិករបស់ក្រុមហ៊ុន Samsung ត្រូវបានដាក់បញ្ចូលជាផ្លូវការនៅក្នុងបញ្ជីអនុម័តឧបករណ៍អេឡិកត្រូនិករសម្រាប់ប្រើប្រាស់ក្នុងប្រព័ន្ធភ្នាក់ងាររក្សាសុវត្ថិភាពព័ត៌មាន DISA នៃក្រសួងការពារជាតិ។ បញ្ជីឧបករណ៍រក្សាសុវត្ថិភាពទិន្នន័យ CSFC អាចបំពេញបន្ថែមលើបញ្ជីឧបករណ៍រក្សាសុវត្ថិភាពទិន្នន័យ DISA ជាដំណោះស្រាយសុវត្ថិភាពខ្ពស់អាចឱ្យរដ្ឋាភិបាលអាមេរិក និងមន្ត្រីរបស់ខ្លួនរៀបចំកិច្ចប្រជុំដំណោះស្រាយពេញលេញលើគោលដៅសុវត្ថិភាព ។
ចំនួនកើនឡើងនៃឧបករណ៍អេឡិចត្រូនិក Samsung នៅក្នុងបញ្ជី DISA និង CSfC អនុញ្ញាតឱ្យរដ្ឋាភិបាលអាមេរិកអាចរីករាយនឹងអត្ថប្រយោជន៍លើតម្លៃ និងជម្រើសបទពិសោធន៍ទូរស័ព្ទសុវត្ថិភាពខ្ពស់ជាច្រើន។