ទូរស័សព្ទស្មាតហ្វូន Leagoo ជាច្រើនម៉ូដែល ត្រូវបានប្រកាសចេញលក់នៅលើទីផ្សារក្នុងពិភពលោកបច្ចុប្បន្ន រួមទាំងទីផ្សារនៃប្រទេសកម្ពុជាផងដែរ។ យ៉ាងណាមិញ ក្រុមហ៊ុន Leagoo ក៏បានប្រកាសចេញនូវទូរស័ព្ទស្មាតហ្វូនដ៏ប្រណិតមួយទៀតហើយ គឺ Leagoo Venture 1 ដែលត្រូវបានផលិតឡើងយ៉ាងពិសេស ជាមួយនឹងរូបរាងដ៏ប្រណិត និងស៊ីវីល័យ និងមានសមត្ថភាពខ្ពស់ អាចធ្វើបំពេញរាល់ដំណើរការ និងតំរូវការរបស់អ្នកប្រើប្រាស់បានយ៉ាងរលូន ។
1. ការរចនារូបរាង
ផ្តើមពីការគំនិតឆ្នៃប្រឌិតយ៉ាងល្អឥតខ្ចោះពីសំណាក់ក្រុមហ៊ុន Leagoo បានរំលេចចេញនូវទូរស័ព្ទស្មាតហ្វូនម៉ូដែលថ្មីមួយគ្រឿង ពោពេញដោយភាពទាន់សម័យបំផុត។ Leagoo Venture 1 មានរូបរាងយ៉ាងប្រណិតគួរឲ្យចង់ប្រើប្រាស់ ផ្តើមចេញពីរូបរាង Unibody រចនាបន្ស៊ីគ្នា រវាងខាងមុខនិងខាងក្រោយយ៉ាងជិតហាប់មាុំល្អ ដោយមានស្រោបនៅសមាសធាតុអាលុយមីញ៉ូមភ្លឺចែងចាំតែម្តង នៅខាងឆ្វេងទូរស័ព្ទមានប៊ូតុងឡើងចុះសម្លេង និងប៊ូតុងចាក់សោរ-បិតបើកទូរស័ព្ទ និងរន្ធដោតកាស ចំណែកខាងស្តាំមានរន្ធសម្រាប់ដាក់ស៊ីមកាត និងរន្ធ USB ផ្តល់ភាពងាយស្រួលក្នុងការភ្ជាប់ជាមួយខ្សែសាកនិងអាចចម្លងទិន្នន័យបានរហ័សនិងងាយស្រួលបំផុត ដែលអមដោយរន្ធឧបាល័របំពងសម្លេងសងខាងផងដែរ និងមានរន្ធឧបាល័របំពងសម្លេងនៅចុងខាក្រោមផ្នែកខាងស្តាំផងដែរ។
ងាកមកមើលពីមុខអេក្រង់វិញម្តង ដោយនៅលើអេក្រង់មានកាមេរ៉ាមុខ ឧបាល័រស្តាប់ការសន្ទនា និងស៊ែនស័របញ្ជាអេក្រង់ ចំណេកខាងក្រោមមានប៊ូតុងថាច់ស៊ិនស៊ីធីវនៅជាប់នឹងអេក្រង់តែម្តង។ មកមើលពីក្រោយវិញ ផ្នែកខាងក្រោយត្រូវបានរចនាម៉ូតស្រោបដោយស្បែកសុទ្ធ មានសភាពជាប់ធន់ល្អ និងមានពណ៌ស្រស់ស្អាត និងមានកាមារ៉ា អំពួលហ្លាស់ពីរគ្រាប់និងស៊ែនស័រជាជំនួយក្នុងការចាប់យករូបភាព និងមានផតស្គ៊ែនក្រយ៉ៃរាងជារង្វង់មូលផងដែរ។
2. កញ្ចក់អេក្រង់
ផ្នែកខាងមុខវិញគឺបានក្រាលដោយកញ្ចក់អេក្រង់ប្រភេទថ្មី IPS HD ទំហំ 5.0 អីុង ដែលអាចបង្ហាញរូបភាពបានយ៉ាងច្បាស់ ជាមួយនឹងការបំពាក់នូវបច្ចេកវិទ្យាការពារដូចជា៖
-Corning Gorilla Glass 4 ជួយការពារការកកិតឆ្កូត ពីការប៉ះទង្គិចផ្សេងៗ ដើម្បីរក្សាឲ្យបាននូវភាពថ្មីសន្លាងជានិច្ចសម្រាប់កញ្ចក់អេក្រង់របស់វា។
-Water Proof ការពារការជ្រាបចូលនៃទឹកផ្សេងៗ មិនថាកំពុងតែភ្លៀង លោកអ្នកនៅតែអាចប្រើ ដោយមិនខ្លាចចូលទឹកឡើយ។
-Shock Proof ចំណែកបច្ចេកវិទ្យានេះ កាន់តែពិសេសគឺវាមានសមត្ថភាពក្នុងការការពារ ធន់នឹងការប៉ះទង្គិច អ្នកអាចយកញញួរមកដំ ក៏នៅតែមិនមានបញ្ហាអ្វីដែរ។
3. កាមេរ៉ា
នៅផ្នែកខាងក្រោយរបស់ Leagoo Venture 1 មានបង្កប់ដោយកាមេរ៉ាអមដោយអំពូល Flash ។ កាមេរ៉ារបស់ Leagoo Venture 1 មានទំហំ 13 មេហ្គាភិចសែល Dual Flash ដែលអាចចាប់រូបភាពបានយ៉ាងរហ័ស ភ្ជាប់ជាមួយមុខងារទប់រំញ័រ Auto Focus។ ចំពោះកាមេរ៉ាមុខវិញគឺមានទំហំ 8.0 មេហ្គាភិចសែល និងអាចថតរូបបានកម្រិត HD ពិសេសគឺការថតវីដេអូបានក្នុងកម្រិត 1080P HD 30Frame/s តែម្តង។ កាមេរ៉ាទាំងមុខ ទាំងក្រោយរបស់ Leagoo Venture 1 ក៏ត្រូវបានភ្ជាប់មកជាមួយមុខងារសម្រាប់ចាប់យករូបភាពបានកាន់តែសំបូរបែបតែម្តង។
4. កំលាំងម៉ាស៊ីន
Leagoo Venture 1 ដំណើរការលើបន្ទះឈីប MediaTek MTK6753 ជាមួយនឹងបន្ទះឈីបស៊េរីខ្ពស់ហើយនោះវាក៏មានភ្ជាប់មកជាមួយនូវអង្គគណនាចំនួនប្រាំបីគ្រាប់ Octa-Core 1.3GHz ក៏ដូចជាមានអង្គក្រាហ្វិចប្រភេទ Mali-T720 MP3 ដែលធ្វើឲ្យការដំណើរការស្ទើតែទាំងស្រុងក្នុងទូរស័ព្ទទាំងមូលបានយ៉ាងរហ័សទាន់ចិត្តតែម្តង។ ជាងនេះទៅទៀត Leagoo Venture 1 ភ្ជាប់មកជាមួយអង្គផ្ទុកទិន្នន័យបណ្តោះអាសន្ន RAM ទំហំ 3GB មានម៉េមូរីផ្ទុកទិន្នន័យស្រាប់ក្នុងម៉ាស៊ីន ទំហំ 16GB និងមានថ្មទំហំ Li-Polymer 3000 mAh ភ្ជាប់ជាមួយបច្ចេកវិទ្យាសាកថ្មល្បឿនលឿន LQC v15 និងប្រើប្រាស់បានកាន់តែយូរជាងមុន។
5. ប្រតិបត្តិការ
Leagoo Venture 1 ត្រូវបានបំពាក់នូវប្រព័ន្ធប្រតិបត្តុិការដល់ទៅពីរ Dual Secure OS មាន LEAGOO Sec OS 1.0 និង Android 5.1 Lollipop និងមានការរចនាម៉ូតយួស័រអិុនធើហ្វេសផ្ទាល់ខ្លួន កាន់តែមានភាពទាក់ទាញ ។ ហើយអ្វីដែលកាន់តែពិសេសនោះគឺទូរស័ព្ទស្មាតហ្វូនជំនាន់ថ្មីមួយនេះត្រូវបានភ្ជាប់មកជាមួយទ្រនាប់ស្គ៊ែនក្រយ៉ៅដៃនៅផ្នែកខាងក្រោយ ដែលមានសមត្ថភាពសំគាល់ក្រយ៉ៅដៃបានយ៉ាងរហ័សទាន់ចិត្ត ជាពិសេសវាមាននាទីអាចបញ្ជាកម្មវិធី និងមុខងារមួយចំនួនផ្ទាល់ខ្លួនបានថែមទៀងផង ដោយចំណាយពេលត្រឹមតែ 0.19 វិនាទី តែប៉ុណ្ណោះ។ ជាពិសេសជាមួយនឹងកម្មវិធីបណ្ដាញសង្គមដូចជា Facebook , Line ជាដើម គឺអាចប្រើប្រាស់ Account បានដល់ទៅពីរ ជាមួយនឹងបច្ចេកវិទ្យា Dual Tag Technology ៕
សំរាប់ព័តមានបន្ថែមសូមទំនាក់ទំនងលេខទូរស័ព្ទ 078 266 168
