សព្វថ្ងៃ យើងគ្រប់គ្នាមិនមែនប្រើទូរសព្ទគ្រាន់តែជាឧបករណ៍សម្រាប់ហៅចេញ-ចូលនោះទេ ប៉ុន្តែជាដៃគូដ៏យល់ចិត្តក្នុងការបំពេញការងារផ្សេងៗ ទំនាក់ទំនងជាមួយមិត្តភក្តិ និងក្រុមគ្រួសារ ចែករំលែកភាពរីករាយតាមរយៈបណ្តាញសង្គមនានា ក៏ដូចជាតាមដានព័ត៌មានផ្សេងៗពីគ្រប់ទីកន្លែងក្នុងពិភពលោកតាមរយៈស្មាតហ្វូនរបស់យើងផងដែរ។
ទោះបីជាស្មាតហ្វូនដើរតួយ៉ាងសំខាន់ក្នុងការជួយបំពេញតម្រូវការប្រចាំថ្ងៃក៏ពិតមែន ប៉ុន្តែការសម្លឹងមើលទូរសព្ទក្នុងរយៈពេលមួយដ៏យូរក៏មិនមែនជាជម្រើសដ៏ល្អសម្រាប់សុខភាពនោះទេ ព្រោះពន្លឺដែលជះខ្លាំងពីអេក្រង់ទូរសព្ទពិតជាបណ្តាលអោយប៉ះពាល់ដល់សុខភាពភ្នែករបស់យើងផងដែរ។ យ៉ាងណាមិញ ក្រុមហ៊ុន Huawei ដែលជាក្រុមហ៊ុនផលិតស្មាតហ្វូនឈានមុខ លំដាប់ពិភពលោកក៏បានផលិត និងណែនាំនូវឧបករណ៍អេឡិចត្រូនិចមួយចំនួនរបស់ខ្លួនដែលជួយកាត់បន្ថយនូវផលប៉ះពាល់ដល់ភ្នែកដែលកើតចេញពីការជះពន្លឺទូរសព្ទផងដែរ។ ដើម្បីអាចការពារសុខភាពរបស់អ្នកបាន គប្បីស្វែងយល់ពីផលប៉ះពាល់អ្វីខ្លះរបស់ស្មាតហ្វូនដែលអាចកើតមានមកលើភ្នែករបស់យើង ហើយថាតើបច្ចេកវិទ្យាថែរក្សាភ្នែកមានសារៈប្រយោជន៍ដូចម្តេចបានជាក្រុមហ៊ុន Huawei សម្រេចបំពាក់បច្ចេកវិទ្យានេះនៅលើស្មាតហ្វូនទំនើបរបស់ខ្លួននាពេលបច្ចុប្បន្នដែលមានឈ្មោះ “Eye Comfort Mode” នៅលើស្មាតហ្វូន Huawei GR5 2017។
ជាទូទៅ ពន្លឺព្រះអាទិត្យផ្តុំឡើងពីពណ៌ចំនួន 7 ផ្សេងគ្នាដូចជា ពណ៌ក្រហម ទឹកក្រូច លឿង បៃតង ខៀវ ខៀវបែកស្វាយ និងពណ៌ស្វាយ ហើយអ្នកក៏ប្រហែលជាចង់ចាំពីមេរៀននៅក្នុងសាលា គឺពួកគេបង្កើត ផ្នែករូបិយ នៃវិសាលគម ដែនអេឡិចត្រូម៉ាញ៉េទិច។ រាល់រូបភាពដែលបបង្ហាញនៅលើឧបករណ៍អេឡិចត្រូនិចនានាផ្គុំឡើងដោយពណ៌ ក្រហម បៃតង និងខៀវ (RGB Color)។ ក្នុងចំណោម៣ពណ៌នេះ ពន្លឺពណ៌ខៀវគឺជាពណ៌ដែលងាយជះចូលក្នុងកែវភ្នែករបស់មនុស្សយើងជាងគេ ដែលបង្កអោយមានហានិភ័យខ្ពស់ដល់កោសិកាប្រសីភ្នែក។ដោយមើលឃើញពីផលប៉ះពាល់របស់គ្រឿងអេឡិចត្រូនិច ក្រុមហ៊ុន Huawei ដែលជាក្រុមហ៊ុនឈានមុខគេមួយក្នុងអាជីវកម្មស្មាតហ្វូន និងមជ្ឈមណ្ឌលសិក្សាស្រាវជ្រាវជាតិខាងជំងឺភ្នែករបស់ប្រទេសចិនបានរួមសហការគ្នាអភិវឌ្ឍ និងបំពាក់បច្ចេកវិទ្យាថ្មីមួយនៅលើស្មាតហ្វូនចុងក្រោយរបស់ខ្លួនដែលមានសមត្ថភាពជួយសម្រួល និងកាត់បន្ថយការឈឺចាប់ដល់ភ្នែករបស់មនុស្សយើងនៅពេលសម្លឹងយូរ។
គួរបញ្ជាក់ដែរថា ផលប៉ះពាល់ដល់កែវភ្នែកអាចបណ្តាលមកពីកត្តាជាច្រើនដូចជា កម្រិតនៃពន្លឺទូរសព្ទ ក៏ដូចជាប្រភេទនៃពណ៌ដែលបង្ហាញនៅលើទូរសព្ទផងដែរ។ ហេតុដូចនេះហើយទើបក្រុមហ៊ុន Huawei និងមជ្ឈមណ្ឌលខាងលើធ្វើការរួមគ្នាដើម្បីរិះរកបច្ចេកវិទ្យាថ្មីក្នុងការកាត់បន្ថយផលប៉ះពាល់ដល់សុខភាពភ្នែកពេលសម្លឹងទូរសព្ទ។
គួរបញ្ជាក់ដែរថា ស្មាតហ្វូន Huawei GR5 2017 ជាម៉ូដែលចុងក្រោយមួយដែលបានបំពាក់នូវបច្ចេកវិទ្យាទំនើប “Eye Comfort Mode” ដោយអ្នកប្រើប្រាស់អាចធ្វើការបិទ ឬបើកដើម្បីសម្រួលកម្រិតពន្លឺដែលជះចេញពីអេក្រង់ទូរសព្ទ និងកាត់បន្ថយអាការៈឈឺភ្នែកនៅពេលសម្លឹងមើលទូរសព្ទក្នុងរយៈយូរ។ បច្ចេកវិទ្យាមួយនេះក៏អនុញ្ញាតអោយអ្នកប្រើប្រាស់ធ្វើការកំណត់ពណ៌អេក្រង់ ព្រមទាំងបន្ថយកម្រិតពន្លឺមកត្រឹម៥០ភាគរយដោយខ្លួនឯង។ ជម្រើសមួយទៀតគឺ អ្នកប្រើប្រាស់មិនចាំបាច់ធ្វើការផ្លាស់ប្តូរច្រើនទេដោយគ្រាន់តែដំណើរការបច្ចេកវិទ្យា “Eye Comfort Mode” នេះ នោះវានឹងធ្វើការផ្លាស់ប្តូរកម្រិតពន្លឺ ពណ៌ដោយខ្លួនស្វ័យប្រវត្តិដើម្បីអោយសមស្របនឹងបរិយាកាសរបស់អ្នកប្រើប្រាស់ផងដែរ។ លើសពីនេះទៀត បច្ចេកវិទ្យា “Eye Comfort Mode” ពិតជាមានសារៈសំខាន់ផងដែរចំពោះអ្នកចូលចិត្តប្រើទូរសព្ទច្រើននៅពេលយប់។ ដូចដែលដឹងស្រាប់ហើយថា ពន្លឺពណ៌ខៀវដែលចាំងចេញពីអេក្រង់ទូរសព្ទអាចធ្វើអោយយើងស្រវាំងភ្នែកបើសម្លឹងយូរ ហើយវាក៏នឹងធ្វើអោយមានអាការៈគេងមិនលក់ផងដែរ។ ពិតណាស់ ការគេងមិនគ្រប់គ្រាន់នឹងបណ្តាលអោយមានជំងឺខ្សោយការចងចាំ ជំងឺបាក់ទឺកចិត្ត និងធាត់ជ្រុលជាដើម បើបណ្តែតបណ្តោយដោយមិនការពារអោយដិតដល់នោះ។
និយាយជារួម ដូចពាក្យចាស់ពោលថា “ការពារប្រសើរជាព្យាបាល”។ មនុស្សមួយចំនួនហាក់បីដូចជាមិនសូវព្រួយបារម្ភពិសុខភាពភ្នែកនោះទេ ដូច្នេះហើយទើប Huawei សម្រេចបង្កើត និងបំពាក់នូវបច្ចេកវិទ្យានេះឡើងក្នុងគោលបំណងថែរក្សាការពារភ្នែករបស់អ្នកប្រើប្រាស់របស់ខ្លួនអោយបានយូរអង្វែង។ ជានិច្ចកាល ក្រុមហ៊ុន Huawei តែងតែគិតគូររកអ្វីដែលថ្មីដើម្បីបំពេញតម្រូវការអ្នកប្រើប្រាស់ក្នុងជីវភាពប្រចាំថ្ងៃ៕