មិនបង្អង់យូរ ក្រុមហ៊ុន Huawei ប្រកាសអ្នកមានសំណាងឈ្នះរង្វាន់ប្រចាំសប្តាហ៍ពីកម្មវិធីចាប់ឆ្នោតផ្សងសំណាង ឈ្នះ! ឈ្នះ! GR5 2017។ នេះជាកម្មវិធីដ៏អស្ចារ្យមួយដែលអនុញ្ញាតអោយអតិថិជនដែលកំពុងប្រើប្រាស់ស្មាតហ្វូន Huawei GR5 2017 ទូទាំប្រទេសមានឱកាសឈ្នះរង្វាន់ជាច្រើនពីក្រុមហ៊ុនដោយគ្រាន់តែផ្ញើលេខ IMEI និងលេខទូរសព្ទរបស់អ្នកមកកាន់ហេ្វសប៊ុកផ្លូវការរបស់ក្រុមហ៊ុនជាការស្រេច។
លោក អែម យុទ្ធូ ប្រធានផ្នែកទីផ្សារ Android ស្មាតហ្វូន ក្រុមហ៊ុន Huawei ប្រចាំប្រទេសកម្ពុជាបានបញ្ជាក់ថា៖ “បន្ទាប់ពីដំណើរការកម្មវិធីចាប់រង្វាន់បានពីរសប្តាហ៍មក យើងសង្កេតឃើញនូវសន្ទុះគាំទ្រ និងចាប់អារម្មណ៍យ៉ាងខ្លាំងពីអតិថិជន។ ក្រុមហ៊ុនសូមចូលរួមអបអរផងដែរចំពោះអ្នកដែលមានសំណាងឈ្នះរង្វាន់ ហើយចំពោះអ្នកដែលមិនទាន់មានសំណាងក៏កុំទាន់អស់សង្ឃឹម ព្រោះកម្មវិធីនេះមិនទាន់ចប់នៅឡើយទេ”។ បេក្ខជន Samnang Smile អ្នកឈ្នះរង្វាន់ធំស្មាតហ្វូន Huawei GR5 2017 ក្នុងសប្តាហ៍ទី១បានអោយដឹងថា៖ “ការឈ្នះនេះអាចជាសំណាង ប៉ុន្តែសំណាងមិនមែនមានគ្រប់គ្នានោះទេ ហើយនេះជារង្វាន់ពិតដែលខ្ញុំទទួលបានពីការចូលរួមលេងកម្មវិធីរបស់ Huawei “។
មិនខុសគ្នាប៉ុន្មានដែរ បេក្ខជន Jiang Jun Qiang អ្នកឈ្នះរង្វាន់ធំស្មាតហ្វូន Huawei GR5 2017 ក្នុងសប្តាហ៍ទី២បានរៀបរាប់ថា៖ “ខ្ញុំពិតជាពេញចិត្តជាមួយកម្មវិធីដែល Huawei បានបង្កើត ព្រោះកម្មវិធីនានាមានលក្ខណៈងាយស្រួលមិនចាំបាច់ចំណាយលុយក្នុងការចូលរួមលេង មិនថាចាស់ ឬក្មេង អោយតែជាអតិថិជនរបស់ Huawei អាចចូលរួមបានទាំងអស់ ហើយរង្វាន់ទូរសព្ទ GR5 2017 ជារង្វាន់ទីមួយដែលខ្ញុំទទួលបាន និងពេញចិត្ត”។ សម្រាប់អតិថិជនឈ្នះរង្វាន់ខាងលើមានរយៈពេល១សប្តាហ៍ប៉ុណ្ណោះដើម្បីបើករង្វាន់ដោយអាចទាក់ទងទៅកាន់លេខទូរស័ព្ទ 069732323 នៅរៀងរាល់ម៉ោង និងថ្ងៃបម្រើការងារចាប់ពីថ្ងៃ ច័ន្ទ ដល់ សុក្រ ដោយតម្រូវអោយបង្ហាញទូរសព្ទដៃ Huawei GR5 2017 និង គណនីហ្វេសប៊ុករបស់ខ្លួនដើម្បីផ្ទៀងផ្ទាត់នៅពេលបើករង្វាន់។
គួរបញ្ជាក់ដែរថា រង្វាន់ធំប្រចាំសប្តាហ៍រួមមានៈ៖ រង្វាន់ទី១ (ស្មាតហ្វូន Huawei GR5 2017 ចំនួនមួយគ្រឿង), រង្វាន់ទី២ (Huawei Bluetooth Speaker ចំនួនមួយរង្វាន់) និងរង្វាន់ទី៣ (Huawei Power Bank ចំនួនបីរង្វាន់) ដោយធ្វើការផ្សាយផ្ទាល់តាមរយៈហេ្វសបុកផ្លូវការរបស់ក្រុមហ៊ុន Huawei Mobile (KH) នៅរៀងរាល់ថ្ងៃសុក្រម៉ោង ៤:០០ រសៀលជាមួយវត្តមានតារាល្បីៗរួមមាន កញ្ញា សុផា លីនដា, កញ្ញា ចាន់ គង្គកា និងតារាផ្សេងៗទៀតជាអ្នកផ្តល់សំណាងចាប់រង្វាន់ដោយសុក្រិតភាព។ កុំទាន់អស់សង្ឃឹម! សម្រាប់អតិថិជនរបស់ Huawei ទាំងអស់អាចនៅមានឱកាសឈ្នះរង្វាន់នៅពេលក្រោយជាមួយកម្មវិធីពិសេសៗផ្សេងទៀត។ ម្យ៉ាងវិញទៀត សម្រាប់អ្នកដែលកំពុងសម្រេចចិត្ត ឬស្វែងរកស្មាតហ្វូនណាមួយមកប្រើប្រាស់ កុំភ្លេចជាវស្មាតហ្វូនរបស់ Huawei ព្រោះរង្វាន់ជាច្រើនសន្ធឹកសន្ធាប់កំពុងរងចាំលោកអ្នក៕