ថ្មីៗនេះ ក្រុមហ៊ុន Canon បានធ្វើការបង្ហាញចេញនូវកាមេរ៉ាថតរូបជំនាន់ថ្មីឆ្នាំ 2017 ដែលរួមមាន Canon EOS77D ដែលជាកាមេរ៉ាប្រភេទ DSLR និង Canon M6 ដែលជាកាមេរ៉ាថតរូបខ្នាតមធ្យមសម្រាប់ បំពេញតម្រូវការអ្នកដែលចូលចិត្តខាងថតរូប។ Canon EOS M6 គឺជាកំនែប្រែថ្មីបំផុតសម្រាប់ឆ្នាំ 2017 ស៊េរីថ្មីនេះត្រូវបានក្រុមហ៊ុនធ្វើការដុសខាត និងបង្កើនគុណភាពប្រើប្រាស់កាន់តែខ្លាំងជាងជំនាន់មុនក្នុងត្រកូលរបស់វា។ ហើយឥលូវនេះ កាមេរ៉ាថ្មី មានវត្តមាននៅក្នុងទីផ្សារប្រទេសកម្ពុជាយើងហើយ។ អតិថិជនទាំងអស់ អាចទស្សនា និងធ្វើតេស្ត៍បាន នៅក្រុមហ៊ុន i-Qlick រួមជាមួយនិង Canon image Sqare គ្រប់សាខាទាំងអស់ ចាប់ពីថ្ងៃនេះបាន។ សំរាប់ព័តមានបន្ថែមសូមទំនាក់ទំនងលេខទូរស័ព្ទ 023 99 66 38។
សូមជំរាបថា Canon EOS M6 មានតួរខ្លួនកាត់ទៅរកពពួកកាមេរ៉ា DSLR ដែលផលិតពីជ័រស្វិតរលោង និងស្រោបដោយស្បែកគ្រើមត្រង់កន្លែងសំខាន់មួយចំនួនដើម្បីផ្តល់ភាពងាយស្រួលក្នុងការកាត់ថត។ ស៊េរីថ្មីនេះមានទម្ងន់ស្រាលល្មមត្រឹមតែ 390 ប៉ុណ្ណោះដោយរាប់បញ្ចូលទាំងថ្ម មេម៉ូរីកាត និងមានទំហំវិមាត្រ 112 x 68 x 45 មម មានភាពងាយស្រួលក្នុងការទុកដាក់យកតាមខ្លួន។ កាមេរ៉ាជំនាន់ថ្មីនេះដើរលើបន្ទះឈីប DIGIC 7 image processor ទ្រទ្រង់បានកាមេរ៉ាទំហំ 24.2MP ជាមួយសមត្ថភាពចាប់រូបភាពបានលឿនរហ័សបំផុត។
ជាមួយកាមេរ៉ទំហំ 24.2MP នៅលើ Canon M6 នេះ ត្រូវបានប្រើបា្រស់កញ្ចក់កែវលែនប្រភេទ STM Lens ភ្ជាប់នូវបច្ចេកវិទ្យា Dual Pixel CMOS AF និងមុខងារចាប់រូបភាព APS-C Sensor ដែលជួយធ្វើឲ្យការចាប់រូបភាពបានកាន់តែលឿនរហ័ស និងចំនុច Focusដែលយើងចង់បាន ហើយការផលិតរូបភាពចេញមកគឺបានច្បាស់ល្អមិនសូវមានចំនុចអ៊ុចៗព្រាលច្រើននៅលើផ្ទៃរូបភាពឡើយ ពោល គឺគុណភាពរូបភាពច្បាស់មិនចាញ់ពពួកកាមេរ៉ា DSLR ប៉ុន្មានឡើយ។ ចំពោះការថតរូបនៅទីតាំងដែលមានពន្លឺខ្សោយវិញគឺមិនសូវចោទជាបញ្ហានោះទេ ព្រោះ M6 ត្រូវបានភ្ជាប់មកជាមួយកម្រិតពន្លឺស័្វយប្រវត្តិ OIS ដែលអាចបង្កើនកម្រិតពន្លឺពី 100 ទៅ 25,600 បានលឿនស្របតាមស្ថានភាពទីតាំងរូបភាព។
ចំពោះការថតវីដេអូវីវិញកាមេរ៉ារបស់ Canon M6 អាចថតបានកម្រិត Full-HD ក្នុងល្បឿន 60fps ព្រមទាំងមានកញ្ចក់អេក្រង់ថាច់ស្រ្គីនប្រភេទ LCD ទំហំ 3.0” សម្រាប់មើលបញ្ជាមុខងារទាំងឡាយទៀតផង។ ជាមួយគ្នានេះដែរ Canon M6 មានភ្ជាប់មកជាមួប្រព័ន្ធ Wi-Fi, NFC និងប្លូធូស ដែលកាន់តែផ្តល់នូវលក្ខណះងាយស្រួលក្នុងការតភ្ជាប់ និងចែករំលែកទៅកាន់ឧបករណ៍ដទៃទៀតដោយមិនចាំបាច់ប្រើខ្សែ USB ឬដោះម៉េមូរីកាតវាចេញ៕
មានលក់នៅក្រុមហ៊ុន i-Qlick Tel: 023 99 66 38