យោងតាមការបង្ហាញនៅលើបណ្តាញសង្គមរបស់ក្រុមហ៊ុន ថៃសាមសុងប្រចាំនៃប្រទេសកម្ពុជា បានអោយដឹងថា នៅថ្ងទី 10 ខែមិនា រហូតដល់ថ្ងៃទី 17 ខែមិនា ឆ្នាំ 2017 ខាងមុនេះ ក្រុមហ៊ុនសាមសុង នឹងធ្វើការដាក់អោយអតិិថិជនទាំងអស់ អាចកុម្ម៉ង់ទុកជាមុនបាននូវ Samsung Galaxy C9 Pro ដែលជាស្មាតហ្វូនស៊េរីថ្មីរបស់ខ្លួននៅតាមបណ្តាហាងលក់ទូរស័ព្ទដែលនៅជិតលោកអ្នកបំផុត ជាមួយនឹងការផ្តល់ជូននូវតម្លៃពិសេសត្រឹមតែ 539 ដុល្លាប៉ុណ្ណោះ រួមនឹងការថែមជូនកាដូរពិសេស JBL Speaker Flip3 និង PowerBank 20000mAh។ ហើយអតិថិជននឹងទទួលបានទូរស័ព្ទងថ្មីនេះ នៅថ្ងៃទី 20 មិនា ឆ្នាំ 2017 នៅតាមបណ្តាហាងលក់ទូរស័ព្ទដែលលោកអ្នកបានកុម្មង់។
សូមជំរាបថា Galaxy C9 Pro នេះក៏មានលក្ខណៈសម្បត្តិខ្លាំងមិនធម្មតាដែរ ពោលគឺ វាត្រូវបានបំពាក់មកជាមួយនូវអេក្រង់ទំហំ 6 អុីង ប្រភេទ Super AMOLED មានទំហំរីសូលូស្សិន 1080x1920 ភិចសែល និង មានទំហំដង់សុីតេរូបភាពទំហំ 367 PPI ។ ហ្វាប់ប្លែតមួយនេះត្រូវបាន Samsung បំពាក់កាមេរ៉ាសម្រាប់ថតរូប និងវីដេអូដែលមានទំហំ 16MP ជាមួយទំហំ aperture f/1.9 ទាំងកាមេរ៉ាមុខ និងកាមេរ៉ាក្រោយ ហើយក៏អាចថតវីដេអូបានក្នុងកម្រិត 1080px ក្នុងល្បឿន 30fps ដូចគ្នា។ សម្រាប់កាមេរ៉ាក្រោយត្រូវបានអមមកជាមួយអំពូល LED Flash ចំនួន 2 គ្រាប់ជាជំនួយនៅពេលថតនៅទីងងឹត ប៉ុន្តែកាមេរ៉ារបស់ C9 Pro មិនបានភ្ជាប់នូវមុខងារទប់រំញ័រ OIS នោះទេ។
Samsung Galaxy C9 Pro មិនត្រឹមតែជាស្មាតហ្វូនដែលមានកញ្ចក់អេក្រង់ទំហំធំដំបូងគេរបស់ Samsung នោះទេ ប៉ុន្តែវាក៏ជាស្មាតហ្វូនដំបូងរបស់ក្រុមហ៊ុនមួយនេះដែលបំពាក់ដោយរ៉េមទំហំ 6GB។ រ៉េមទំហំ 6GB នេះត្រូវបានបំពាក់នៅលើបន្ទះឈីប Qualcomm Snapdragon 652 ដែលមានស៊ីភីយូចំនួន 8-Core ដែល 4-Core ប្រភេទ Cortex-A72 រត់បានក្នុងល្បឿន 1.95GHz និង 4-Core ទៀតប្រភេទ Cortex-A53 រត់បានក្នុងល្បឿន 1.4GHz។ តាមរយះការធ្វើតេស្តក្នុងកម្មវិធី AnTuTu Benchmark បន្ទះឈីបដែលបំពាក់លើ C9 Pro ទទួលបានពិន្ទុ 68415។
លក្ខណះពិសេសនៃស្មាតហ្វូន Samsung Galaxy C9 Pro គឺវាមានឧប៉ាល័រសំឡេងពីរ, អេក្រង់ធំទំហំ 6.0”, រ៉េមខ្ពស់កប់ទំហំ 6GB, កំលាំងថ្មខ្លាំងទំហំ 4,000mAh មានបច្ចេកវិទ្យាសាកថ្មបានលឿន, ប្រើរន្ធ USB Type-C v1.0, ភ្ជាប់ដោយមុខងារ Always On Display, Samsung Pay, មានរន្ធដោតស៊ីមកាតទាំងពីរ និងម៉េមូរីកាតដាច់ដោយឡែកពីគ្នា។
