ថ្ងៃនេះ ក្រុមហ៊ុន Sony បានប្រកាសថា ក្រុមហ៊ុន និិងបន្តលក់ស្មាតហ្វូន Sony Xperia XZs ស៊េរីថ្មីរបស់ខ្លួនជូនដល់អតិថិជនបន្តទៀត ជាមួយនឹងកម្មវិធីប្រូម៉ូសិនដដែលរហូតដល់ថ្ងៃទី 12 ខែមេសាខាងមុខនេះ ដើម្បីជាការឆ្លើយតបទៅនឹងតំរូវការរបស់អតិថិជនជាច្រើនទៀត ដែលជាវមិនទាន់នៅកំឡុងពេលដាក់ Pre Oder កាលពីពេលកន្លងទៅ។ ការប្រកាសសារជាថ្មីនេះ គឺបានធ្វើឡើង នៅពេលដែល ក្រុមហ៊ុន Sony បានប្រគល់ជូនស្មាតហ្វូន Sony Xperia XZs ស៊េរីថ្មីរបស់ខ្លួនជូនដល់អតិថិជននៅថ្ងៃទី 8 ខែមេសានេះ។ សូមជំរាបថា កម្មវីធីនេះ គឺមានរយះពេល 4 ថ្ងៃ គឺពីថង្ទី 9-12 ដែលផ្តល់ក្នុងតម្លៃពិសេស $599 ដោយមានថែមជូននូវស្រោមការពារ Original មួយតម្លៃ $39 និងកាសស្តាប់ត្រចៀកស៊េរីថ្មី Sony Headset MDR-XB70BT មួយតម្លៃ$149 ។
គួរបញ្ជាក់ផងដែរថា កាលពីខែមិនាកន្លងទៅថ្មីៗនេះ នៅក្នុងពីធីដាក់បង្ហាញផលិតផលថ្មី ក្នុងព្រឹត្តិការណ៍តាំងពិពរណ៍ MWC នៅប្រទេសអេស្ប៉ាញ ក្រុមហ៊ុនបច្ចេកវិទ្យាយក្សជប៉ុន Sony បានបង្ហាញនូវស្មាតហ្វូនថ្មីៗជាច្រើនស៊េរីរួមមានដូចជា Xperia XZs, XZ premium XA1 និង XA1 Ultra នេះគឺជាការបញ្ជាក់ពីភាពរីកចំរើននៃផ្នែកទូរស័ព្ទចល័តរបស់ខ្លួនសារជាថ្មីម្តងទៀត បន្ទាប់បានទទួលនូវភាពជោគ ជ័យយ៉ាងត្រចះត្រចង់នៃម៉ូដែលមុនៗ ដូចជា Xperia X, XA, AX Ultra និង Xperia XZ កាលពីឆ្នាំ 2016 កន្លងទៅ។ សំរាប់ Xperia XZs នេះ អាចចាត់ទុកថា ជាស្មាតហ្វូន ដែលមានលក្ខខណះទំនើបបំផុតមួយផងដែរ។