កាលពីថ្ងៃទី 25 ខែមិនាឆ្នាំ 2017 នៅអាគារ CKCC មានអ្នកចូលរួមជាង 600 នាក់បានប្រមូលផ្តុំគ្នា ដើម្បីចូលរួមកម្មវិធី Cambodia Canon Photography Club (CCPC) វគ្គ១។ ការជួបជុំនៅក្នុងកម្មវិធី CCPC នេះគឺជាសិក្ខាសាលាមួយដែល បានធ្វើឡើងដោយក្រុមហ៊ុន i-Qlick, ដែលមានការចូលរួមដោយឥតគិតថ្លៃសម្រាប់អ្នកស្រលាញ់ចូលចិត្តការថតរូប ហើយថែមទាំងមានការចែករំលែកនូវគន្លឹះនៃថតរូបពីវាគ្មិនផ្សេងៗគ្នា ជាច្រើននាក់ផងដែរ។ សម្រាប់រាជធានីភ្នំពេញនៅឆ្នាំនេះ ជាព្រឹត្តិការណ៍មួយដ៏អស្ចារ្យដោយមានការចូលរួមពី លោក Justin Mott, ដែលជាអ្នកជំនាញថតរូប ដ៏មានប្រជាប្រិយភាពក្នុង នៅកម្មវិធី Photo Face-Off ។
Justin បានទទូលពានរង្វាន់ ខាងផ្នែកថតរូបកាសែត នៅក្នុងឆ្នាំ 2006 នៅប្រទេសវៀតណាម សំរាប់កិច្ចការថតរួបមួយរបស់កាសែត The New York Times ។ ចាប់តាំងពីពេលនោះមកគាត់បានថតជាង 100 កិច្ចការសម្រាប់ Times ដែលមានប្រធានបទជាច្រើនផ្សេងៗគ្នា ទូទាំងទ្វីបអាស៊ី។ គាត់មានដើមកំណើតចេញពីអ្នកថតរូបកាសែត, ឯកសារ, និងអ្នកថតរូបធ្វើដំណើរកំសាន្ត ហើយគាត់មានចំណង់ចំណូលចិត្តក្នុងការនិទានរឿងដែលពិតប្រាកដមួយ។
លោក Justin មានអតិថិជិនរបស់ខ្លួនជាច្រើនដូចជា៖ The New York Times, TIME, Nike, ក្រុមហ៊ុន IHG, Reebok, ក្រុមហ៊ុន Canon, ទូរទស្សន៍ CNN, BBC, Mircrosoft, Smithsonian, ទស្សនាវដ្តី Forbes, The Wall Street Journal Discovery Channel, History Channel , Financial Times, The Guardian, Hyatt Hotels, European Union, The Telegraph, United Nations, Bill និង Melinda Gates Fundation, និង Red Cross. Mott គឺផលិតករទូរទស្សន៍ ជាអ្នកថតរូបនិវាសនជន និងជាអ្នកពិគ្រោះយោបល់ក្នុងកម្មវិធីPhoto Face-Off របស់ប៉ុស្តិ History Channel’s។ ក្នុងអំឡុងពេលសិក្ខាសាលា លោក Justin បានរំលែកគន្លឹះសំខាន់ ដើម្បីសម្រេចទទួលបាននូវរូបថតដ៏អស្ចារ្យ ផងដែរ។
ការចែករំលែកទៅលើ 10 ជំនុច នៃការថតរូប
1: ស្វែងយល់ពីមូលដ្ឋាននៃ exposure
2: ស្វែងរកពន្លឺ ស្រស់ស្អាតពីធម្មជាតិ
3: ពិនិត្យ Frame អោយត្រូវជាមួយប្រធានបទ
4: ដឹងថាពេលណាគួរប្រើ shutter speeds លឿន រឺយឺតសម្រាប់រូបភាពផ្សេងគ្នា
5: ស្វែងរកទស្សនវិស័យតែមួយគត់
6: ដាក់អារម្មណ៍ក្នុងរូបរបស់អ្នក
7: ដាក់ស្មាតហ្វូនរបស់អ្នកចុះ
8: កុំបង្កើតស្ថានភាពក្លែងក្លាយ
9: ពេលខ្លះអ្នកត្រូវតែបំភ្លេចច្បាប់
10: រករចនាបទផ្ទាល់ខ្លួនរបស់អ្នក
អ្នកចូលរួមក៏ត្រូវបានអញ្ជើញឡើងទៅមុខ ដើម្បីចូលរួមក្នុងសកម្មភាពសប្បាយមួយចំនួនផងដែរ។ នៅចុងបញ្ចប់មានការសួរសំនួរ និងចម្លើយដែលរួមបញ្ចូលប្រធានបទចម្រុះចាប់ពីបច្ចេកទេសថតរូប រហូតទៅដល់ទិដ្ឋភាពពាណិជ្ជកម្មនៃការថតរូបដែលមានជំនាញវិជ្ជាជីវៈមួយ។ នៅចុងបញ្ចប់នៃសិក្ខាសាលានេះ អ្នកចូលរួមបានមើលអ្វីដែលមាននៅក្នុងកាបូបកាមេរ៉ារបស់ Justin ផងដែរ។
ក្នុងចំនោមអ្នកចូលរួមសរុបចំនួន 300នាក់ បេក្ខជន២០រួបត្រូវបានជ្រើសរើសដើម្បីចូលរួមសិក្ខាសាលាពិសេសជាមួយ លោកJustin ,នាថ្ងៃអាទិត្យ ទី 26 ខែមីនា។ ផ្សារអូរឬស្សីត្រូវបានជ្រើសរើសជាទីតាំងថតដោយសារតែវាមានរូបគំនូរពីរបៀបរស់នៅរបស់ប្រជាជន កម្ពុជាជារៀងរាល់ថ្ងៃ។ អ្នកចូលរួមត្រូវបានផ្តល់ភារកិច្ចចំនួនបួនដើម្បីផ្តិតយករូបភាពដ៏រស់រវើកមួយនៃសកម្មភាពផ្សេងៗ នៅផ្សារអូឬស្សី។
ប្រធានបទទាំងនោះរួមបញ្ចូល៖
•រូបភាព portrait មួយ
•រួបភាព detailed មួយ
•រូបភាពដែលបង្ហាយពីន័យនៃកន្លែងមួយ
•រូបភាពមួយបង្ហាញពីពេលមួយនៅក្នុងផ្សារអូឬស្សី
នៅចុងបញ្ចប់នៃសិក្ខាសាលានេះ សិក្ខាកាមបានផ្តល់ជូននូវរូបថតរបស់ពួកគេ ដើម្បីអោយ លោក Justin វាយតម្លៃ និងណែនាំបន្ថែមស្តីពីរបៀបដែលពួកគេអាចបង្កើនការថតរូបរបស់ពួកគេ។