កាលពីថ្ងៃទី 11 ខែមេសា ឆ្នាំ 2017 ក្រុមហ៊ុន Huawei ប្រចាំកម្ពុជា បានប្រារព្ធកម្មវិធីជុំជួបពិសេសមួយ ដើម្បីជាការថ្លែងអំណរគុណដល់ មិត្តអ្នកសារព័ត៌មាន និងដៃគូរសហការរបស់ខ្លួននៅភោជនីយដ្ឋាន ជួបញុំា ដែលកម្មវិធីជប់លៀងដ៏ពិសេសនេះ មានការចូលរួមពីសំណាក់តារាចម្រៀង តារាបង្ហាញម៉ូតល្បីៗ ហើយនិងមិត្តអ្នកសារពត៌មាន ជាងថតរូបអាជីព រួមជាមួយនឹងក្រុមការងារ Huawei ក៏ដូចជាដៃគូរសហការសរុបជាង 30 នាក់ នៃកម្រងគ្រួសារ Huawei។
លោក អែម យុទ្ធូ ប្រធានផ្នែកទីផ្សារជាន់ខ្ពស់របស់ ស្មាតហ្វូន Huawei ប្រចាំប្រទេស កម្ពុជាបានថ្លែងថា ក្រៅពីត្រៀមកាដូពិសេសសរុបទូទាំងប្រទេសជាង 10 ម៉ឺនដុល្លារ សម្រាប់ ហួវៃសង្រ្កាន ម្រូសិន មហាថែម ថែមដូចព្យុះ ថែមអស់ស្ទះ ថែមថែមពី ហ៊ួរវ័យ Free Free ពី ហួវៃ អបអរសាទរ បុណ្យចូលឆ្នាំថ្មីប្រពៃណីជាតិខ្មែរ ហួវៃក៏បានរៀបចំនូវ កម្មវិធី អាហារសាមគ្គី សម្រាប់ថ្លែងអំណរអរគុណ យ៉ាងជ្រាលជ្រៅ ចំពោះការគាំទ្រ របស់អតិថិជន ដៃគូរសហការ តារាចម្រៀងតារាម៉ូដែល មិត្តអ្នកសារព័ត៌មាន ជាងថតរូប អាជីព និង ក្រុមការងារ Huawei ដែលបានជួយជំរុញឲ្យ Huawei រីកចំរើនជាលំដាប់រហូត អាចគ្រងដំណែងលេខ 1 លើប្រាក់ចំណេញពីប្រព័ន្ធប្រតិបត្តិការ Android ខ្ពស់ជាងគេបំផុត លំដាប់ពិភពលោកឆ្នាំ 2016 និងជាវិជ្ជមានសម្រាប់ឆ្នាំ 2017។ លោក យុទ្ធូ បន្ថែមថា “ឆ្នាំថ្មី ជោគជ័យថ្មី ជាមួយហួវៃ។
សូមជំរាបថា នៅក្នុងពិធីជប់លៀងអបអរឆ្នាំថ្មី ថ្លែងអំណរគុណអ្នកសារព័ត៌មាននេះដែរ ក្រុមហ៊ុន Huawei ក៏ផ្តល់ឱកាសអ្នក ចូលរួមទាំងអស់គ្នា តេស្ត៍សាកល្បងស្មាតហ្វូនស៊េរីថ្មីបំផុត Huawei P10 & Huawei P10 Plus ដែលនឹងចេញលក់ក្នុងពេល ឆាប់ៗនេះផងដែរ ដែលអនុញ្ញាតអោយអ្នកប្រើ ថតរូបបែបសិល្បៈស៊ីវិល័យ Portrait ដោយបន្ថែម Artistics Effect ហាយក្លាស អេឡេហ្គេន រឹតតែច្បាស់ រូបភាពសខ្មៅ ស្រមោលពន្លឺ រឺផ្ទៃព្រាល ដែលកាម៉េរ៉ាបំពាក់ជំនាញ Leica ជំនាន់ទី 2 ទប់លំនឹង ថតរូបពេញយប់ រឺកន្លែង ខ្សោយពន្លឺខ្លាំង។ ក្រុមហ៊ុន Huawei បាននឹងកំពុងតែត្រៀមខ្លួនជាស្រេច សំរាប់បង្ហាញនូវកំពូលអធិរាជស្មាតហ្វូនកាមេរ៉ា Lecia មុខក្រោយ នៅក្នុងតម្លៃមួយដ៏ភ្ញាក់ផ្អើល ជាមួយនឹងការថែមជូនអស់ស្ទះរបស់ Huawei P10 & P10 Plus សូមរង់ចាំតាមដានទាំងអស់គ្នា។