ថ្ងៃនេះ ក្រុមហ៊ុន ASUS បានប្រកាសចេញនូវស្មាតហ្វូនជំនាន់ថ្មីរបស់ខ្លួនមួយម៉ូដែលទៀតសំរាប់ទីផ្សាកម្ពុជា ដែលមានឈ្មោះថា ZenFone Zoom S។ ស្មាតហ្វូនថ្មីនេះ គឺមានអេក្រង់ទំហំ 5.5 អ៊ីង មានរាងស្តើង និងមានទម្ងន់ស្រាលជាងគេបំផុតនៅក្នុងចំណោមផលិតផលទាំងអស់នៃ Asus ហើយនិងមានថ្មទំហំ 5000 mAh។ ចំណុចដែលប្លែកបំផុតនោះ គឺស្មាតហ្វូននេះ មានកាមេរ៉ាភ្លោះ ដែលមានសមត្ថភាពខ្ពស់ ផ្តល់ជូនលោកអ្នកនូវគុណភាពនឹកស្មានដល់នោះទេ ដោយវាអាចធ្វើការពង្រីកមុំបានកាន់តែទូលាយ និងមានឡែនរហូតទំហំដល់ទៅ 25 មីលីម៉ែត្រ រួមទាំងមាន Aperture f/1.7 ដែលជួយអោយការថតរូបភាពបានកាន់តែស្អាត និងមានគុណភាពបើទោះបីជាមានបន្លឺមិនគ្រប់គ្រាន់ក៏ដោយ។
ស្មាតហ្វូន ZenFone Zoom ថ្មីនេះ គឺបំពាក់ដោយកាមេរ៉ាប្រភេទ SONY IMX362 (12MP) ទំហំ 1.4µm pixels (ទំហំ 1/2.55 សេនស័រ) និងកាមេរ៉ាមួយទៀត មានទំហំ 12MP ប្រវែង 59 MM ដែលអាចហ្សូ៊ម បានចម្ងាយ 12x នៃកំរិតហ្សូម ដែលអាចធ្វើការចាប់យករូបភាពបានយ៉ាងច្បាស់មិនថា នៅចម្ងាយឆ្ងាយបែបណានោះទេ។ មួយវិញទៀត គឺបច្ចេកវិទ្យា SuperPixel ដែលបវានិងជួយជំរុញអោយកាមេរ៉ារបស់ ASUS មានសមត្ថភាពចាប់យករូបភាពបានយ៉ាងលឿន និងច្បាស់ទោះបីជានៅពេលយប់ ឬពេលខ្សោយពន្លឺក៏ដោយ។ បច្ចេកវិទ្យាថ្មីនេះ គឺបានធ្វើការរួមបញ្ចូលរវាងផ្នែក Hardware និង Software ដើម្បីផ្តល់ពន្លឺអោយបានគ្រប់គ្រាន់។
ZenFone Zoom S មានទំហំអេក្រង Full HD AMOLED ជាមួយកំរិតពន្លៃ 500cd/m2 សម្រាប់ការប្រើប្រាស់នៅខាងក្រៅអាគារជាមួយនឹងរូបភាពច្បាស់ល្អ និងមានពណ៌ហ្កាមុឌល្អជាង ពណ៌ប្រភេទ NTSC បាន 100% ឯណោះ។ ZenFone Zoom S គឺជាស្មាតហ្វូនមួយនៅក្នុងចំណោមទូរស័ព្ទដំបូងគេបង្អស់ ដែលបានបំពាក់ប្រភេទកញ្ចក់រឹងមាំបំផុត Corning® Gorilla® Glass 5 ដែលមានភាពធន់រហូតដល់ទៅ 70% ក្នុងការបង្កាការធ្លាក់បែកជាងប្រភេទកញ្ចក់ Gorilla Glass ជំនាន់មុនៗ។ កញ្ចក់នេះ ត្រូវបានកាត់ និងរចនាយ៉ាងសំរិតសំរាំងដើម្បីអោយតួទូរស័ព្ទទាំងមូលមានរាងស្តើង មាំ និងមានភាពលេចធ្លោ ស្រស់ស្អាតផងដែរ។
ZenFone Zoom S មានរ៉េមទំហំ 4GB, និងមានអង្គផ្ទុកទិន្នន័យរួចជាស្រេចទំហំ 32GB-64GB និង 128GB ហើយនិងអាចដាក់បន្ថែមបានទំហំដល់ទៅ 256GB ។ ស្មាស្មាតហ្វូននេះ មានថ្ម 5000mAh ដែលធំជាងទំហំថ្មស្មាតហ្វូនទំនើបទាំងអស់នៅក្នុងទីផ្សារបច្ចុប្បន្ន ហើយមិនត្រឹមតែប៉ុណ្ណោះស្មាតហ្វូននេះ បានបំពាក់ជាមួយនឹងប្រភេទ CPU ពិសេសប្រភេទ Qualcomm® Snapdragon™ 625 (14nm processor) ដែលជាដៃគូពិសេសសម្រាប់រក្សាថ្មអោយប្រើបានរហូតដល់ទៅ 6.4 ម៉ោងក្នុងការថតវីដេអូទំហំ 4K UHD និងអាច Stand by បានរហូតដល់ទៅ 42 ថ្ងៃថែមទៀតផង។ បន្ថែមពីនេះទៀត ZenFone Zoom S អាចធ្វើជា Power bank ដើម្បីសាកថ្មអោយទូរស័ព្ទដ៏ទៃបានផងដែរ។ ASUS ZenFone Zoom S នឹងធ្វើការដាក់លក់ជាផ្លូវការណ៍ក្នុងពេលឆាប់ៗខាងមុខនេះ ( ក្រុមការងារ ASUS នៅកម្ពុជា និងប្រកាសជូនម្តងទៀតតាមរយៈគេហទំព័រហ្វេសបុក ASUS Cambodia ផងដែរ។