ការបង្ហាញវត្តមាននៃកំពូលទូរស័ព្ទស្មាតហ្វូន Samsung Galaxy S8 និង S8 Plus ពិតជាទទួលបានការចាប់អារម្មណ៍ខ្លាំងបំផុតក្នុងឆ្នាំនេះ ព្រោះថាស្មាតហ្វូនបងប្អូនរួមជំនាន់ទាំងពីរនេះត្រូវបានក្រុមហ៊ុន Samsung ធ្វើការដុសខាតបានយ៉ាងល្អឥតខ្ជោះតែម្តង ពោលគឺគ្មានចំនុចណាដែលធ្វើឲ្យស៊ាំចិត្តឡើយទាំងរួបរាងត្រូវបានផលិតឡើងជាមួយរចនាបថ្មី សមត្ថភាពប្រើការខ្លាំង និងបច្ចេកវិទ្យាប្រើប្រាស់ទំនើបៗយ៉ាងសម្បូរបែប។ ហើយខាងក្រោមនេះគឺគុណសម្បត្តិសំខាន់ៗ 7 ចំនុចបន្ថែមទៀតរបស់ Galaxy S8 ដែល Samsung មិនបានបង្ហាញលម្អិតក្នុងព្រឹត្តិការណ៍ “Samsung Galaxy Unpacked 2017”។
1-បច្ចេកវិទ្យាសាកថ្មល្បឿនលឿនតាមរយះ Fast Wireless Charging
Samsung Galaxy S8 បានភ្ជាប់មកជាមួយរន្ធដោតខ្សែ USB-C ជាមួយដុំសាកថ្មល្បឿនលឿនមួយ។ ប៉ុន្តែក្រៅតែពីការសាកថ្មតាមរយះខ្សែ USB កំពូលស្មាតហ្វូន Galaxy S8 នៅអាចសាកថាមពលថ្មដោយមិនចាំបាច់ប្រើខ្សែជាមួយឧបករណ៍ Samsung fast Wireless Charging Stand ផងដែរ។ ឧបករណ៍នេះអាចសាកថាមពលទៅឲ្យថ្មរបស់ Galaxy S8 បានលឿនទ្វេរដងជាមួយចរន្តចម្លង 2.4A ជាមួបច្ចេកវិទ្យា Qi Wireless Charger។ ឧបករណ៍ Wireless Fast Charging ត្រូវបានដាក់លក់នៅក្នុងបណ្តាញលក់ទំនិញ amazon ក្នុងតម្លៃប្រមាណ $90.00។
2-ថាមពលថ្មកាន់ប្រើបានយូរ
ចំពោះថ្មដែលបំពាក់នៅលើ Galaxy S8 គឺមានទំហំ 3,000mAh និង S8 Plus មានទំហំ 3,500mAh។ សម្រាប់សមត្ថភាពថ្មរបស់ស្មាតហ្វូនទាំងពីរនេះគឺខ្លាំងជាងជំនាន់ Galaxy S7 និងS7 edge ដែលបានប្រកាសចេញកាលពីឆ្នាំទៅ។ ថាមពលថ្មរបស់ Galaxy S7 និង S7 edge អាចទ្រទ្រង់ក្នុងការប្រើប្រាស់ជាប្រចាំរបស់យើងបានប្រហែល 80% ក្នុងការសាកម្តង ប៉ុន្តែសម្រាប់ថាមពលថ្មរបស់ Galaxy S8 និង S8 Plus វិញគឺត្រូវបានពង្រឹងលើបច្ចេកវិទ្យាសន្សំសំចៃថ្មដែលវាអាចទ្រទ្រង់ការប្រើការជាប្រចាំបានដល់ 95% ឬកាន់បានជិតពីរថ្ងៃក្នុងការសាកម្តង។
3-សមត្ថភាពបង្ហាញរូបភាព
កញ្ចក់អេក្រង់ដែលបំពាក់នៅលើ Galaxy S8 ជាប្រភេទអេក្រង់ Super AMOLED ឬហៅថា infinity Display ស្រោបការពារដោយកញ្ចក់អេក្រង់ Corning Gorilla Glass 5 ដូចជំនាន់ Galaxy Note 7 ដែរ។ កញ្ចក់អេក្រង់របស់ Galaxy S8 មានសមត្ថភាពបង្ហាញរូបភាពបានក្នុងកម្រិត Quad-HD ដោយប្រើប្រាស់បច្ចេកវិទ្យា Deep Red UHD-HDR។ តាមការធ្វើតេស្តដោយ DisplayMate បានបញ្ជាក់ថាកម្រិតបង្ហាញពណ៌នៅលើអេក្រង់របស់ Galaxy S8 គឺបាន 113% នៃកម្រិត DCI-P3 និង 142% នៃកម្រិតពណ៌ sRGB។ ហើយ Samsung Galaxy S8 គឺជាស្មាតហ្វូនដំបូងគេដែលទទួលបានវិញ្ញាបនបត្រ័ផ្នែក UHD Alliance's 'Mobile HDR Premium លើប្រព័ន្ធបង្ហាញរូបភាពបែប HDR។
4-បំបាត់ប៊ូតុងហូមជំនូសដោយប៊ូតុងប៉ះថាច់វិញ
ការក្រាលកញ្ចក់អេក្រង់ពេញផ្ទៃខាងមុខបានធ្វើឲ្យ Samsung ធ្វើការលះបង់នៅប៊ូតុងហូមដែលបានប្រើអស់ជាយូរមកហើយនៅលើ Galaxy S8 ដោយជំនូសមកវិញនៅប៊ូតុងប៉ះផ្ទាល់លើផ្ទៃអេក្រង់តែម្តងដោយកណ្តាលជាមួយប៊ូតុងហូម “Home”, ស្តាំជាមួយប៊ូតុងត្រឡប់ក្រោយ “Back” និងឆ្វេងជាប៊ូតុងបើកមើលកម្មវិធីកំពុងដំណើរការ “Recent App”។
5-ប៊ូតុងហូមនៅតែដំណើរការជានិច្ច
ប្រសិនបើយើងមិនបានឃើញប៊ូតុងហូមបង្ហាញនៅលើអេក្រង់ ឬក៏អេក្រង់ទូរស័ព្ទត្រូវបិទក្តីក៏យើងនៅតែមានលទ្ធភាពក្នុងការចុចនៅលើប៊ូតុងហូមបានដដែលពោលគឺដាក់ចុងម្រាមដៃឲ្យចំទីតាំងរបស់វាពេលនោះវានឹងបង្កើតជារំញ័រឲ្យយើងដឹងថាបានចុចនៅលើប៊ូតុងហូមហើយអាចឲ្យធ្វើការដាស់ផ្ទៃអេក្រង់បានយ៉ាងងាយស្រួល។
6-មុខងារ Multi-Frame image processing របស់កាមេរ៉ា
Samsung មិនបានបង្កើនទំហំកាមេរ៉ាសម្រាប់ Galaxy S8 នោះទេគឺមានទំហំ 12MP ដូចជំនាន់ S7 និង S7 edge ដែរ។ក៏ប៉ុន្តែ Samsung បានធ្វើការដុសខាតបន្ថែមលើសែនស័រចាប់រូបភាព និងកម្មវិធីថតរូបនៅលើកាមេរ៉ារបស់កំពូលស្មាតហ្វូនជំនាន់ថ្មីទាំងពីរនេះ។ មុខងារ Multi-Frame image processing គឺជាមុខងារថ្មីមួយដែលមាននៅលើ Galaxy S8 និងS8 Plus មុខងារថ្មីនេះវានឹងធ្វើការចាប់រូបភាពដែលមានចលនាលឿនបំផុតដែលយើងមើលមិនទាន់ចំនួនបីសន្ថឹកហើយវានឹងផ្តល់នៅជំរើសរូបភាពមួយដែលស្អាតជាងគេក្នុងចំនោមទាំងបីឲ្យយើងធ្វើការជ្រើសរើសរក្សាទុក។
7-សេវាអ៊ីនធើណិតល្បឿនលឿន
Samsung Galaxy S8 ត្រូវបានបំពាក់មកជាមួយបន្ទះឈីបជំនាន់ថ្មីរបស់ Qualcomm គឺ Snapdragon 835 (សម្រាប់ទីផ្សារអាមេរិក) ជាមួយបន្ទះឈីបជំនាន់ថ្មីនេះ Qualcomm បានផ្តោតសំខាន់ទៅលើប្រព័ន្ធសេវា LTE ធ្វើយ៉ាងណាឲ្យវាមានល្បឿនប្រតិបត្តិការលឿនរហ័សដូច្នេះ Qualcomm ក៏បានភ្ជាប់នូវប្រព័ន្ធម៉ូឌឹម X16 របស់ខ្លួនដែលធ្វើឲ្យល្បឿនដំណើរការប្រព័ន្ធ LTE មានល្បឿនលឿនបំផុតគឺ 1 gigabit ក្នុងមួយវិនាទី ឬ 125 megabytes ក្នុងមួយវិនាទី។ ទាំងអស់នេះគ្រាន់តែគុណសម្បត្តិ 7 ចំនុចដែលយើងខ្ញុំលើកយកមកបង្ហាញប្រិយមិត្តឲ្យបានដឹងខ្លះៗប៉ុណ្ណោះ សម្រាប់ Galaxy S8 និង S8 Plus នៅមានគុណសម្បត្តិពិសេសៗជាច្រើនទៀតដែលយើងនឹងធ្វើរាប់រៀបលម្អិតនៅលើទំព័រស្វែងយល់ស៊ីជំរៅរបស់ទស្សនាវដ្តី ពិភពអេឡិចត្រូនិកនៅពេលខាងមុខនេះ។ ដូច្នេះចង់ដឹងថា Galaxy S8 និង S8 Plus មានគុណសម្បត្តិអ្វីខ្លះសូមរងចាំអាននៅលើទំព័រទស្សនាវដ្តីរបស់យើងខ្ញុំទាំងអស់គ្នា។
8-កម្រិតពន្លឺអេក្រង់ភ្លឺច្បាស់
របាយការណ៍ជាច្រើនធ្លាប់សរសេររួចមកហើយអំពីអេក្រង់ Infinity Display របស់ស្មាតហ្វូនត្រកូល Galaxy S8 ដែលមានកម្រិត 18:9 aspect ratio ។ ប៉ុន្តែវាមានបញ្ហាមួយកើតឡើងផងដែរនៅពេលដែលស្មាតហ្វូន Galaxy S8 មានពន្លឺក្រហមខ្លាំងសម្រាប់អេក្រង់ OLED ។ យោងទៅតាមការវាស់ស្ទង់របស់ DisplayMate ដែលអះអាង និងអនុម័តដោយក្រុមហ៊ុនបច្ចេកវិទ្យា Samsung ពណ៌កូល័ររបស់អេក្រង់កើនឡើងដល់ 113% របស់ DCI-P3 ននិងកម្រិត 142% នៃពណ៌កូល័រស្តង់ដារ sRGB ។ សម្រាប់ពណ៌នេះគឺជាលំនាំដើមសម្រាប់ប្រើប្រាស់នៅក្នុងវិស័យខ្សែភាពយន្ត ហើយក្រោយមកគេយកស្តង់ដារនេះមកប្រើប្រាស់នៅលើម៉ូនីទ័រ ម៉ាស៊ីនព្រីនធ័រ និងប្រព័ន្ធអ៊ីនធើណិត។ បន្ថែមពីនេះទៀត Galaxy S8 គឺជាស្មាតហ្វូនដំបូងបំផុតដែលទទួលបានវិញ្ញាបនប័ត្រ 'Mobile HDR Premium' របស់ UHD Alliance ។ នេះគឺជាសំណុំនៃតម្រូវការសម្រាប់ដំណើរការនៃកម្រិតភាពច្បាស់ Resolution, Dynamic Range, គម្លាតនៃពណ៌កូល័រ និងជម្រៅនៃ Bit ដើម្បីធានាថាអ្នកប្រើប្រាស់នឹងទទួលបទពិសោធន៍ល្អបំផុតនៅក្នុងការទស្សនានៅលើបច្ចេកវិទ្យា HDR content ចេញពី Amazon, Netflix និងក្រុមហ៊ុនផ្សេងជាច្រើនទៀត។ លោកអ្នកអាចអានអំពីវិញ្ញាបនប័ត្រច្រើនទៀតនៅទីនេះបាន៕
