នៅថ្ងៃទី 28 ខែមេសា ឆ្នាំ 2017 មជ្ឈមណ្ឌលតេស្ត IELTS កម្ពុជា បានចុះអនុស្សារណៈនៃកិច្ចព្រមព្រៀង (MOU) ជាមួយនិងសាកលវិទ្យាល័យប៊ែលធីអន្តរជាតិ ដែលពិធីត្រូវបានប្រព្រឹត្តទៅនៅសាកលវិទ្យាល័យប៊ែលធីអន្តរជាតិ នៃរាជធានីភ្នំពេញ ប្រទេសកម្ពុជា។ នៅក្នុងអនុស្សរណៈនេះ គឺនិងអនុញ្ញាតឱ្យសាកលវិទ្យាល័យប៊ែលធីអន្តរជាតិ ក្លាយជាកន្លែងចុះឈ្មោះ និងធ្វើតេស្ត IELTS នៅក្រោមការផ្តល់សិទ្ធិពីមជ្ឈមណ្ឌលប្រឡងតេស្តជាផ្លូវការអន្តរជាតិ IELTS TEST នៅកម្ពុជា។
លោក ម៉ៅ ស្រេង នាយកមជ្ឈមណ្ឌលតេស្ត IELTS ប្រចាំនៅកម្ពុជា បានមានប្រសាសន៍ថា “យើងខ្ញុំមានសេចក្តី រីករាយណាស់ ក្នុងការទទួលស្វាគមន៍ សាកលវិទ្យាល័យប៊ែលធីអន្តរជាតិ អោយក្លាយជា កន្លែងចុះឈ្មោះ និងធ្វើតេស្ត IELTS»។ «អនុស្សរណៈ នេះទៀតសោត ឆ្លុះបញ្ចាំងពីការយល់ដឹង រីកលូតលាស់នៃសារៈសំខាន់ក្នុងការ ប្រើប្រាស់ IELTS TEST ជាគោល ដើម្បីវាស់សមត្ថភាពភាសាអង់គ្លេសសម្រាប់ការសិក្សានិងការអភិវឌ្ឍអាជីព ដែលនាំមុខគេក្នុងស្ថាប័នអប់រំនៅប្រទេសកម្ពុជា។ យើងនឹង ចាប់ដៃគ្នាទៅមុខ ដើម្បីធ្វើការរួមគ្នាជាមួយនឹងសាកលវិទ្យាល័យប៊ែលធីអន្តរជាតិក្នុងគោលបំណងបង្កើនចំនួន សិស្ស និស្សិត ដែលនឹងធ្វើតេស្ត IELTS»។
លោក លី ឆេង ប្រធាននៃប៊ែលធីគ្រុបក៏បានមានប្រសាសន៍ផងដែរថា យើងចង់ជួយដល់សិស្សនិស្សិតរបស់យើងដែល ចង់ធ្វើតេស្តសម្រាប់ការសិក្សានៅបរទេស និងសម្រាប់ឱកាសការងារ។ លោកបានបន្ថែមទៀតថា សិស្សរបស់យើង ឥលូវនេះមានឱកាសដើម្បីវាស់ស្ទង់សត្ថភាពផ្នែកភាសាអង់គ្លេសរបស់ពួកគេជាគោល តាមរយៈការធ្វើតេស្តវាស់ស្ទង់សមត្ថភាព ភាសា អង់គ្លេសដែលបាន ទទួលស្គាល់ល្បីល្បាញនៅលើពិភពលោក។ ឥឡូវនិស្សិតប៊ែលធីនិងសាលារៀនផ្សេងទៀតអាចមកធ្វើការចុះឈ្មោះ និងធ្វើតេស្ត នៅប៊ែលធី ជាកន្លែងធ្វើតេស្តថ្មីបំផុតប្រកបដោយស្តង់ដាអន្តរជាតិ នៅក្នុងប្រទេសកម្ពុជា។
IELTS Test គឺជាតេស្តភាសាអង់គ្លេស ដែលពេញនិយមបំផុតនៅក្នុងពិភពលោក និងមានចំនួនអ្នកធ្វើតេស្តប្រមាណ 2.9 លាន ជារៀងរាល់ឆ្នាំ នៅជាង 10,000 ស្ថាប័ននៅទូទាំងពិភពលោក - រួមទាំងសាកលវិទ្យាល័យ, សាលារៀន, និយោជក, អាជ្ញាធរអន្តោ ប្រវេសន៍និងស្ថាប័នដែលមានជំនាញវិជ្ជាជីវៈ - ការទទួលស្គាល់ជាអន្តរជាតិនៅ IELTS Test ក្នុងគោលបំណងវាស់ស្ទង់សមត្ថភាព ភាសាអង់គ្លេស ។ IELTS Test ត្រូវបានគ្រប់គ្រងរួមគ្នាដោយ ក្រុមប្រឹក្សានៃចក្រភពអង់គ្លេស (British Council), IDP: IELTS អូស្ត្រាលី និង តេស្តវាយតំលៃផ្នែកភាសាអង់គ្លេសរបស់ Cambridge ។