នៅថ្ងៃទី 29 ខែមេសា ឆ្នាំ 2017 ខាងមុខនេះ នៅតារាងបាល់ 3G សែលកាតបានរៀបចំកម្មវិធីប្រកួតប្រជែងដ៏អស្ចារ្យ Super Data Race ដែលមានអ្នកចូលរួមប្រកួតនៅក្នុងកម្មវីធីនេះជាង 1000នាក់។ កម្មវិធី Super Data Race នេះ តំរូវឲ្យបេក្ខជនបំពេញបេសកម្ម តាមគោលដៅនានា ជាមួយបទពិសោធន៍ឌីជីថលតាមរយៈ Super Data Race app ដោយអ្នកទាំងអស់នោះ អាចទាញយកបាន ដោយឥតគិតថ្លៃ ក្នុង Google Play Store និង Apple Store។ App ដែលត្រូវប្រើសម្រាប់ការប្រកួតនេះ នឹងបង្ហាញពីទីតាំងនៃបេសកម្ម តាមគោលដៅនីមួយៗ និងសកម្មភាពដែលបេក្ខជនត្រូវបំពេញដើម្បីទៅគោលដៅ បន្តបន្ទាប់រហូតដល់គោលដៅចុងក្រោយ។
ឆ្លងកាត់ការប្រកួត និងស្វែកកូដ អស់ជាច្រើនម៉ោង ក្រុមហ៊ុន សែលកាត បានរកអ្នក ដែលមានសំណាងឈ្នះរង្វាន់ 5000 ដុល្លា ពីកម្មវិធីប្រកួតប្រជែងដ៏អស្ចារ្យ Super Data Race របស់ខ្លួនហើយ គឺបានទៅលើយុវជនម្នាក់ឈ្មោះ ឡោម កក្កដា ដែលមកពីស្រុកមុខកំពូលខេត្តកណ្តាល រួមជាមួយនឹងឈ្នះម៉ូតូ Zoomer X និងស្មាតហ្វូន iPhone 7 ពីររូបទៀតផងដែរ។
សូមជំរាបថា Super Data Race App គឺកម្មវិធីថ្មីមួយ ដែលអាចអោយអតិថិជនសែលកាត ភ្ជាប់ជាមួយបណ្តាញសង្គមហ្វេសប៊ុក ដូច្នេះ អ្នកអាចចែករំលែកសកម្មភាពនៃបេកកម្ម របស់អ្នកទៅកាន់មិត្តភក្ដិ និងក្រុមគ្រួសារដើម្បីតាមដាន។ App នេះត្រូវបានបង្កើតដោយ លោក អ៊ា អ៊ុយ ដែលប្រើជាភាសាខ្មែរទាំងស្រុង ដែលបង្ហាញពីការគាំទ្ររបស់ក្រុមហ៊ុន ក្នុងការលើកស្ទួយទេពកោសល្យ និងភាពប៉ិនប្រសប់របស់យុវជនខ្មែរ។ ប្រាក់សុទ្ធ 5000ដុល្លារ ម៉ូតូ Zoomer X និង iPhone 7 ពណ៌ក្រហម កំពុងរង់ចាំម្ចាស់ជ័យលាភីកំពូល ទាំងបីដែលបំពេញបេសកម្មបញ្ចប់ និងមកដល់គោលដៅចុងក្រោយមុនគេហើយអ្នកមកដល់ ១០នាក់ បន្ទាប់ក៏នឹងទទួលបានគម្រោងអ៊ីនធើណេត ប្រើពេញមួយឆ្នាំដោយឥតគិតថ្លៃ។
លោក អៀន វ៉ាតសុន នាយកប្រតិបត្តិក្រុមហ៊ុន សែលកាត មានប្រសាសន៍ថា “សែលកាត ផ្តោតសំខាន់លើទស្សនវិស័យរបស់ខ្លួន ក្នុងការផ្ដល់ជូននូវសេវាអ៊ីនធើណិតទូរស័ព្ទ តម្លៃសមរម្យដល់ប្រជានជនកម្ពុជាទាំងអស់”។ លោកបានមានប្រសាសន៍បន្ថែមទៀតថា “សែលកាត បានជំរុញការប្ដេជ្ញារបស់ខ្លួនតាមរយៈការវិនិយោគដ៏ធំបំផុតលើបណ្ដាញសេវា ក៏ដូចជាការផ្ដល់ជូននូវអត្ថប្រយោជន៍ ល្អបំផុតដូចជាសេវាដូរលុយអស្ចារ្យ $1=$100 គម្រោង Big Love $1=$250 និងនៅមានច្រើនជាបន្តបន្ទាប់ទៀត នាពេលខាងមុខនេះ”។ ប្រសិនបើអ្នកមិនទាន់មានស៊ីមសែលកាត អ្នកអាចមកទទួលយកស៊ីមសែលកាត ដោយឥតគិតថ្លៃនៅការិយាល័យសែលកាត។ក្រុមការងារនឹងជួយពន្យល់ បន្ថែមពីការចូលរួម។សម្រាប់ព័ត៌មានបន្ថែមអំពីការប្រកួតនេះ លោកអ្នកអាចស្វែងរកបាននៅ ទំព័រហ្វេសប៊ុកសែលកាត៕