រហូតមកដល់ពលនេះ មានកុំព្យួទ័រជាច្រើនម៉ូដែលត្រូវបានក្រុមហ៊ុន ASUS ផលិតឡើងនិងប្រកាសដាក់ចេញលក់នៅលើទីផ្សារ ដើម្បីបំពេញតម្រូវការប្រើប្រាស់របស់អតិថិជនរបស់ខ្លួន ពិសេសអតិថិជនដែលចូលចិត្តលេងហ្គេមកុំព្យួទ័រ ព្រោះថា ក្រុមហ៊ុន ASUS បានធ្វើការផលិតនូវកុំព្យួទ័រហ្គេមមីងជាច្រើន សុទ្ធសឹងជាកុំព្យួទ័រ ដែលពោរពេញដោយសមត្ថភាពខ្ពស់ ដែលផ្តល់ជូនអ្នកប្រើប្រាស់ទាំងអស់មានការពេញចិត្តពេញថ្លើម និងសរសើមិនដាច៉ពីមាត់ទេ ទាំងរូបរាង ក៏ដូចជាកំលាំងម៉ាស៊ីន តួយ៉ាងដូចជាម៉ូដែល ASUS ROG GL753VE នេះជាដើម វាគឺជាកុំព្យួទ័រហ្គេមមីញដ៏ថ្មីសន្លាងមួយដែរ ជាមួយនឹងការផលិតនិងរចនារូបរាងទាន់សម័យ ពិសេសគឺការដំណើរការគ្មានទាស់ចិត្តឡើយ។
ចាប់ផ្តើមដំបូងយើងខ្ញុំសូមនាំអារម្មណ៍ប្រិយមិត្តមកចាប់អារម្មណ៍ពីការរចនារូបរាងខាងក្រៅទាំងមូលរបស់ ASUS ROG GL753VE ថាតើវាមានរូបរាងស្រស់សង្ហា ទាក់ទាញ ស៊ីវីល័យនិងទាន់សម័យកម្រិតណាដែរទៅ? យើងដឹងហើយថា បរិបទនៃការរចនារូបរាងកុំព្យួទ័រម៉ូដែលថ្មីរបស់ក្រុមហ៊ុន ASUS ហាក់កាន់តែមានភាពស៊ីវីល័យនិយមបំផុត សម្រាប់រយះពេលប៉ុន្មានឆ្នាំចុងក្រោយនេះ ពិសេសគឺកុំព្យួទ័រសម្រាប់លេងហ្គេមនេះផ្ទាល់តែម្តង។ ជាមួយនឹងការរចនារូបរាងស្តើងល្មមមានទម្ងន់ត្រឹមតែ 2.8 kg គិតរួមបញ្ចូលទាំងថ្មផងដែរ ដែលជាទម្ងន់មួយដ៏ស្រាល ងាយស្រួលក្នុងការទុកដាក់ និងយកតាមខ្លួន។
ក្រឡេកមកមើលឃីប៊តរបស់វាវិញ ត្រូវបានក្រុមហ៊ុន ASUS បំពាក់នូវឃីប៊តប្រភេទ Chicklet keyboard with isolated Num key Illuminated Chiclet Keyboard ដែលមានរំលេចនូវពន្លឺ LED ចំរុះពណ៌យ៉ាងស្រស់ស្អាតបំផុត ងាយស្រួលក្នុងការបញ្ជាបានយ៉ាងរហ័សទាន់ចិត្ត រចនាកាន់តែពិសេសជាមួយនឹងរន្ធបញ្ចេញខ្យល់ក្តៅពីខាងក្រោមជាច្រើន ធ្វើឲ្យការដំណើរការ បានកាន់តែយូរដោយមិនឡើងកំដៅឡើយ ហើយរូបរាងទាំងមូលត្រូវបានស្រោបដោយសារធាតុអាលុយមីញ៉ូមពណ៌ក្រម៉ៅយ៉ាងស្រស់ស្អាត និងមានរន្ធ USB 3.0 ចំនួនពីនៅខាងស្តាំ ចំណែកខាងឆ្វេងមានរន្ធដោតឌុយសាកថ្ម រន្ធដោតអិុនធើណិត រន្ធ HDMI រន្ធ USB 3.0 ពីរទៀត និងរន្ធ USB – C មួយ រួមនឹងរន្ធដោតកាសមួយផងដែរ។
មកមើលពីចំណុចអេក្រង់របស់វាវិញ ASUS ROG GL753VE ត្រូវបានបំពាក់មកជាមួយអេក្រង់ទំហំ 17.3" (16:9) LED backlit FHD (1920x1080) 60Hz Anti-Glare Panel ជាមួយ 72% NTSC និង 178˚ wide-viewing angle display ដែលមានសមត្ថភាពខ្ពស់ក្នុងការបង្ហាញចេញនូវកម្រិតពន្លឺនិងក្រាហ្វិចច្បាស់ល្អឥតខ្ចតែម្តង ដូចដែលយើងបានដឹងហើយថាកុំព្យួទ័រដ៏វិចិត្រមួយម់ូដែលនេះ ត្រូវបានផលិតឡើងសម្រាប់អ្នកនិយមចូលចិត្តការលេងហ្គេមកុំព្យួទ័រដែលមានក្រាហ្វិចធំៗ លំដាប់ខ្ពស់បំផុត ដូច្នេះហើយទើបបានក្រុមហ៊ុន ASUS ធ្វើការបំពាក់នូវកញ្ចក់អេក្រង់ដែលមានសមត្ថភាពក្នុងការទ្រទ្រង់បានគ្រប់ស្ថានភាពទាំងអស់តែម្តង ដើម្បីបំពេញតាមតម្រូវការរបស់អ្នកប្រើប្រាស់ទាំងអស់គ្នា អញ្ចឹងហើយ គ្មានទៀតឡើយពាក្យថា ទាស់ចិត្តក្នុងការទស្សនាលើកញ្ចក់អេក្រង់របស់ ASUS ROG GL753VE។
ចំណុចខ្លាំងបំផុតមួយទៀតដែលលោកអ្នកជាប្រិយមិត្តត្រូវតែដឹងជាចាំបាច់បំផុត ព្រោះការដំណើរការបានយ៉ាងរលូននឹងគ្មានរអាក់នៅលើកុំព្យួទ័រម៉ូដែលថ្មីមួយនេះ ត្រូវបានរួមផ្សំដោយបច្ចេកវិទ្យាថ្មីៗនិងលំដាប់ខ្ពស់បំផុតជំនាន់ចុងក្រោយទាំងអស់ ទើបអាចធ្វើឲ្យកុំព្យួទ័រមួយនេះធ្វើការងារបានគ្រប់យ៉ាងតែម្តង។ ASUS ROG GL753VE ត្រូវបានបំពាក់មកជាមួយអង្គប្រតិបត្តិការស៊េរីថ្មីជំនាន់ចុងក្រោយបង្អស់ 7th-generation Intel® Core™ i7 processor ជាមួយនឹងអង្គក្រាហ្វិចជំនាន់ចុងក្រោយដូចគ្នា NVIDIA® GeForce® GTX 1050Ti graphics បន្ថែមជាមួយបន្ទះឈីប Intel® HM175 Express Chipset ដែលសុទ្ធសឹងជាកម្លាំងម៉ាស៊ីនលំដាប់កំពូលទាំងអស់ក្នុងការជួយឲ្យការដំណើរការបានយ៉ាងខ្លាំងក្លាបែបនេះ។
នៅមិនទាន់អស់ ASUS ROG GL753VE ក៏មានអង្គចងចាំបណ្តោះអាសន្ន RAM ទំហំ 2 x SO-DIMM socket , up to 32 GB SDRAM ដែលអាចដំណើរការបានយ៉ាងរហ័សក្នុងការ បើកកម្មវិធីផ្សេងៗ និងមានថាស់រឹងផ្ទុកទិន្នន័យ 1TB 5400RPM SSH និង 256GB/512GB PCIE Gen3X4 SSD ដែលអាចផ្ទុកទិន្នន័យបានកាន់តែច្រើនទ្វេដង ពិសេសគឺការផ្ទេរទិន្នន័យបានយ៉ាងរហ័សទាន់ចិត្តតែម្តង។ មួយទៀតគឺប្រើប្រាស់នូវថតចាក់ឌីវីឌីប្រភេទ Super-Multi DVD ដែលអាចចាក់ដំណើរការបានយ៉ាងរលូនផងដែរ។ ចុងក្រោយបង្អស់ ASUS ROG GL753VE ទ្រទ្រង់ជាមួយនឹងប្រព័ន្ធប្រតិបត្តិការជំនាន់ចុងក្រោយរបស់ Microsoft គឺ Window 10 Home ដែលអាចប្រើប្រាស់ជាមួយនឹងកម្មវិធីជាច្រើនប្រភេទផងដែរ។