កាលពីថ្ងៃទី 20 ខែឧសភា ឆ្នាំ 2017, ក្រុមហ៊ុនកុំព្យូទ័រហ្គេម MSI បានរៀបចំពិធីជួបជុំអ្នកដែលនិយម និងគាំទ្រប្រើប្រាស់កុំព្យូទ័រហ្គេមរបស់ខ្លួននៅ Park Café ផ្លូវត្រសក់ផ្អែម ។ ក្នុងពិធីជួបជុំអ្នកគាំទ្រនេះ ក្រុមហ៊ុន MSI បានអញ្ជើញភ្ញៀវ ក៏ដូចជាអតិថិជនដែលបាន និងកំពុងប្រើប្រាស់កុំព្យូទ័ររបស់ក្រុមហ៊ុន MSI មកចូលរួមក្នុងការប្រគួតហ្គេមជុំគ្នា ជាមួយនឹងអ្នកដែលនិយមលេងហ្គេមជាច្រើន ។
អ្នកមកចូលរួមទាំងអស់អាចមានឳកាសឈ្នះរង្វាន់អុនស្សាវរិយ៏ ដោយគ្រាន់តែ Like page Facebook របស់ក្រុមហ៊ុន MSI ថតរូបរបស់ខ្លួននៅក្នុងកម្មវិធីជួបជុំនេះ រួចធ្វើការផុសចូលទៅក្នុង profile របស់ខ្លួនជាមួយនឹងការសេរ status #MsiTrueGaming។ នៅក្នុងនោះផងដែរ អ្នកដែលមកចូលរួម ក៏មានឱកាសប្រគួតហ្គេមដែលកំពុងពេញនិយមជាមួយ នឹងក្រុមលេងហ្គេមល្បីៗ ព្រមទាំមមានឳកាសឈ្នះរង្វាន់ពិសេសៗពីក្រុមហ៊ុន MSI ថែមទៀត ។
កញ្ញា Jimmy Chen ដែលជាតំណាងក្រុមហ៊ុន MSI បានបញ្ជាក់យ៉ាងដូច្នេះថា ក្រុមហ៊ុន MSI តែងតែស្ថិតនៅលំដាប់លេខ 1 ជាមួយក្រាហ្វិក GeForce® GTX SLI នៅលើទីផ្សារ ហើយតែងតែបញ្ចេញនូវកុំព្យូទ័រយួរដៃ ដែលមានរាងស្ដើងបំផុតជាមួយនឹងក្រាហ្វិក GeForce® GTX ជាទីចាប់អារម្មណ៍ និងមានភាពទាក់ទាញ សម្រាប់អ្នកចូលចិត្តលេងហ្គេមនៅលើទីផ្សារជារៀងរាល់ឆ្នាំ។ ភាគច្រើននៃអ្នកដែលចូលចិត្តលេងហ្គេមដែលមានកម្រិតខ្ពស់ ឬក៏ប្រើប្រាស់កម្មវិធីធំៗ និងអ្នកចូលចិត្តសាកល្បងនូវកម្មវិធីថ្មីៗ គឺកំពុងតែចាប់អារម្មណ៍នូវផលិតផលថ្មីដែលជាប្រភេទកុំព្យូទ័រយួរដៃ ដែលទើបនឹងចេញស៊េរីចុងក្រោយបង្អស់ ។កញ្ញា ពិតជាមានសេចក្តីសោមន្សរីករាយជាខ្លាំង ដែលបានឃើញអ្នកប្រើប្រាស់កុំព្យូទ័រ ក៏ដូចជាអ្នកលេងហ្គេមនៅកម្ពុជា មានការគាំទ្រដល់ម៉ាស៊ីនកុំព្យូទ័រ MSI នាពេលកន្លងមក។
នៅក្នុងពិធីនោះ ក្រុមហ៊ុន MSI បានបង្ហាញផលិតផលថ្មីៗជាច្រើនរបស់ខ្លួនសម្រាប់អ្នកលេងហ្គេមធំៗផងដែរ។ បន្ថែមពីលើនេះ ក្រុមហ៊ុន MSI ក៏បានធ្វើការណែនាំបង្ហាញជូនដល់អតិថិជននូវផលិតផលថ្មីរបស់ខ្លួន ដែលមានលក្ខណពិសេសៗ សម្រាប់អ្នកនិយមចូលចិត្តលេងហ្គេមថ្មីៗ និងហ្គេមដែលមានទំហំធំៗ សម្រាប់ពេលបច្ចុប្បន្ននេះថែមទៀតផង ។
