កាលពីថ្ងៃទី4 ខែឧសភា កន្លងទៅនេះ កម្មវិធីបណ្ដុះគំនិត Cellcard Lab ដែលផ្ដួចផ្ដើមឡើងដោយក្រុមហ៊ុនទូរគមនាគមន៍ ឈានមុខគេនៅកម្ពុជា បាន ធ្វើការបិទវគ្គជុំទី3 នៅថ្ងៃ នេះ ដោយបានធ្វើការប្រគល់ជូនដល់ជ័យលាភីទាំងបីក្រុមនូវរង្វាន់ជាទឹកប្រាក់ និងអត្ថប្រយោជន៍ទូរស័ព្ទសម្រាប់គំនិតសង្គម ដែលផ្ដោតទៅលើការកែច្នៃប្រើប្រាស់ឡើងវិញ ដើម្បីជួយដល់បរិស្ថាន និងយានយន្ត។ កម្មវិធី Cellcarrd Lab ជុំទី ក្នុងខែកុម្ភៈ បានធ្វើការប្រគល់រង្វាន់ ជាលើកដំបូងនូវទឹកប្រាក់ 5000ដុល្លារ និងអត្ថប្រយោជន៍ប្រើប្រាស់សេវាទូរស័ព្ទ/អ៊ីនធើណិតពីសែលកាត រយៈពេលមួយឆ្នាំ ដល់ក្រុម DoyDoy ដែលជាហ្គេមអប់រំសម្រាប់ កុមារដោយប្រើប្រាស់បំពង់បឺតផ្គុំរូបភាព។ ជុំទី 2 ក្នុងខែមេសា គម្រោង La Chhouk Recycled and Creative Fashion ដណ្ដើមបានជ័យលាភីកិត្តិយស តាមរយៈកម្មវិធីបង្ហាញម៉ូតសម្លៀកបំពាក់ដែលច្នៃឡើងអំពីសម្ភារចាស់ៗ និងសំរាម។
សម្រាប់ជុំទី 3 ដែលបានបញ្ចប់ទៅថ្មីៗនេះ ក្រុមថ្មី start-up Eco-Plastic ទទួលបានជ័យលាភីរង្វាន់លេខ 1 តាមរយៈគំនិតក្នុងការច្នៃប្លាស្ទិកឲ្យទៅ ជាកាដូ អនុស្សាវរីយ៍ដ៏ស្រស់ស្អាត។ ក្រុមនេះ បានប្រើប្រាស់ម៉ាស៊ីន និងឧបករណ៍ពិសេស ដើម្បីផលិតពែង ជើងបញ្ឈរតាំងទូរស័ព្ទ បន្ដោងសោ និងរបស់ផ្សេងៗ ទៀតសម្រាប់ជាលក្ខណៈបុគ្គល និងអាជីវកម្មក្នុងស្រុក។ គោលដៅរបស់ក្រុម Eco-Plastic គឺដើម្បីធ្វើឲ្យកម្ពុជាស្រស់ស្អាត និងបង្កើនការយល់ ដឹងដោយ ភាពរីករាយក្នុងការច្នៃរបស់ចាស់ៗប្រើប្រាស់ឡើងវិញ។
“កាកសំណល់ប្លាស្ទិកជាបញ្ហាធំមួយនៅកម្ពុជាហើយគ្មានអ្នកណាខ្វាយខ្វល់យកចិត្តទុកដាក់ពីបញ្ហានេះឡើយ។” នេះជាមតិលើកឡើងរបស់កញ្ញា លី សុកញ្ញា សមាជិកក្រុម Eco-Plastic បន្ទាប់ពីទទួលបានរង្វាន់ជាទឹកប្រាក់ 5000 ដុល្លារ និងអត្ថប្រយោជន៍ប្រើប្រាស់សេវាទូរស័ព្ទ និង អ៊ីនធើណិតពី ក្រុមហ៊ុនទូរស័ព្ទពេញមួយឆ្នាំ។ កញ្ញាបានបន្តទៀតថា “យើងចាប់ផ្ដើមគម្រោង Eco-Plastic ដើម្បីដោះស្រាយបញ្ហានេះ ហើយបច្ចុប្បន្នយើងត្រូវការ ប្រភពធនធានសម្រាប់វិនិយោគ ពង្រីកសម្ភារូបវន្តរបស់យើង និងជំរុញការកាត់បន្ថយកាកសំណល់ប្លាស្ទិកនៅកម្ពុជា។”
លោក តាន់ ប៊ុនហ័ង និស្សិតវ័យ 21 ឆ្នាំ ដែលបានចាប់ផ្ដើមគម្រោង Eco-Plastic ជាមួយមិត្តភក្ដិរបស់ខ្លួន មានក្ដីរំភើបនិងរីករាយយ៉ាងខ្លាំងដែល បានប្រែ ក្លាយគំនិតរបស់ខ្លួនឲ្យទៅជាឱកាសអាជីវកម្មដែលអាចដំណើរការបាន។ លោក ប៊ុនហួង បានលើកឡើងថា “កម្មវិធី Cellard Lab ពិតជាជួយជំរុញ បំផុសស្មារតីសហគ្រិនភាពសង្គមដល់យុវជនកម្ពុជា ជាច្រើនដោយអនុញ្ញាតឲ្យពួកគេបញ្ចេញគំនិតអាជីវកម្មរបស់ខ្លួន។” លោកបានបន្ថែមទៀតថា “គំនិតផ្ដើមអាជីវកម្មកាន់តែច្រើន កម្មវិធី Cellcard Lab កាន់តែប្រសើរឡើង ដោយបានជួយកាត់បន្ថយអត្រាគ្មាន ការងារធ្វើ់តាមរយៈការផ្ដល់នូវឱកាស ការងារកាន់តែច្រើន។”
គំនិតរបស់ក្រុម BuymeLocal Cambodia ជាទម្រង់ e-commerce ដែលមានលក្ខណៈជាផលិតផលគាំទ្រដល់បរិស្ថានបង្កើត ឡើងដោយសហគ្រិន សង្គមក្នុងស្រុកបានឈ្នះជាប់ជាជ័យលាភីលេខពីរ។ ក្រុមការងារទទួលបានរង្វាន់ 3000ដុល្លារ និងអត្ថប្រយោជន៍ប្រើប្រាស់សេវាទូរស័ព្ទ និងអ៊ីន ធើណិតមួយឆ្នាំពេញ។ រង្វាន់ជ័យលាភីទីបី ជាមួយទឹកប្រាក់ 2000 ដុល្លារ និងអត្ថប្រយោជន៍ប្រើប្រាស់សេវាទូរស័ព្ទ/អ៊ីនធើណិតមួយឆ្នាំពេញដូចគ្នា បានទៅលើក្រុមTriple F(Find Fix Fast) ជាកម្មវិធីទូរស័ព្ទរបស់ខ្លួនដែលផ្ដល់នូវសេវាកម្មជួសជុលលើអ៊ីនធើណិតពេញ 24 ម៉ោងក្នុងមួយថ្ងៃ។
គួរបញ្ជាក់ផងដែរថា ក្រុមដទៃទៀត ដែលបានមកដល់វគ្គផ្ដាច់ព្រ័ត្រក្នុងជុំទី 3 នេះ បានទៅលើក្រុម PlasFoodDou ដែលជាអ្នកច្នៃបង្កើតកម្មវិធី ទូរស័ព្ទដែលផ្ដោតលើការកាត់ បន្ថយការប្រើប្រាស់ថង់ប្លាស្ទិក #RusseyE3 ជាក្រុមហ៊ុនមួយបង្ហាញពីវត្ថុផលិតពីឫស្សីក្នុងស្រុកប្រកបដោយ គុណភាពភាព និងក្រុមបុប្ផាសួគ៌ ជាសហគ្រាសសួនលម្អដែលធ្វើការផ្គត់ផ្គង់ផ្កា និងរុក្ខជាតិលម្អដោយផ្ទាល់ពីកសិដ្ឋាន។
ដើម្បីអបអរសាទរដល់អ្នកឈ្នះជ័យលាភី លោក អៀន វ៉ាតសុន នាយកប្រតិបត្តិក្រុមហ៊ុន សែលកាត បានមានប្រសាសន៍ថា គំនិតល្អៗបានរួមចំណែក ក្នុងកម្មវិធី Cellacard Lab ក្នុងការបង្ហាញពីមហិច្ឆតារបស់ខ្លួន។ ថ្លែងក្នុងកម្មវិធីបិទវគ្គបញ្ចប់ជុំទី 3 នេះ លោកបានឲ្យដឹងថា “យើងបានឈានដល់ជុំទី 3 កម្មវិធី Cellcard Lab បន្តបង្ហាញនូវគំនិតមួយចំនួនដែលមានលក្ខណៈផ្លាស់ប្ដូរ សក្ដានុពល និងច្នៃប្រឌិតដែលយើងបានឃើញពិសេសនៅពេលវាបាន រួមចំណែកក្នុងកិច្ចអភិរក្សថែរក្សាបរិស្ថាន។ លោកបានបន្តថា កាកសំណល់ប្លាស្ទិក ថង់ គឺជាបញ្ហាធំបំផុតនៅកម្ពុជា ដោសារឥទ្ធិពលនេះប៉ះពាល់ខ្លាំង ដល់បរិស្ថាន ដូច្នេះវាពិតជារំភើបដែលបានឃើញសហគ្រិនវ័យក្មេងយើង និងគំនិតផ្ដួចផ្ដើមរបស់ពួកគេ បានចូលរួមដោះស្រាយបញ្ហាតាម រយៈមធ្យោ បាយប្រកបដោយភាពច្នៃប្រឌិត និងជំរុញឆន្ទៈខ្ពស់ក្នុងកិច្ចការនេះ។”